Štyrjo požadarjo za Zhorjelc

srjeda, 22. meje 2019
artikl hódnoćić
(0 )

W měsće nad Nysu wola njedźelu tež noweho wyšeho měšćanostu

Zhorjelc (dpa/SN). Přichodnu njedźelu budźe wša Němska na Zhorjelc zhladować. Wo tym je Franziska Schubert, zapósłanča Zelenych w Sakskim krajnym sejmje, přeswědčena. Wona je jedna ze štyrjoch kandidatow, kotřiž nastupja k wólbam Zhorjelskeho wyšeho měšćanosty. Zhromadnje z njej kandiduja Octavian Ursu za CDU, Jana Lübeck za Lěwicu a Sebastian Wippel za AfD. Tuchwilny mějićel zastojnstwa Siegfried Deinege (njestronjan) hižo njenastupi. Dobyćer trjeba 26. meje absolutnu wjetšinu, potajkim 50 procentow plus jedyn hłós. Tuchwilu z toho wuchadźeja, zo budźe dalše wólbne koło 16. junija trěbne. Potom dosaha jednora wjetšina za dobyće.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND