Widźał, słyšał, napisał (09.12.19)
W minjenych 15 lětach běch čłon w šěsć sportowych towarstwach. Wšojedne, hač su to wolejbul, kolesowanje, billard abo kopańca, hłowna starosć zamołwitych je přeco samsna – woteběraca ličba čłonow a pobrachowacy dorost. Wšelake ideje, tomu trendej zadźěwać, njejsu situaciju zwjetša trajnje polěpšili. Pytajo za přičinami husto słyšiš, zo su mjez druhim telewizija, smartfony a kompjuterowe hry wina. Zawěsće njejsu to cyle wopačne měnjenja, nichtó pak njemóže prěć, zo žiwjenske wobstejnosće dźensnišeje młodźiny hižo z tej před 30 lětami přirunajomne njejsu. Poskitki su wobšěrniše, a digitalizacija zdawna jenož młodu generaciju njepotrjechi.
Wuslědki (09.12.19)
Kopańca, wokrjesna wyša liga
ST Horni kraj – Němske Pazlicy 4:3 (1:2)
Wachau – Germania Budyšin 1:2 (0:0)
Kumwałd – Hory 5:1 (3:0)
Kulow – Połčnica 3:3 (1:2)
Großnaundorf – Ramnow 1:2 (0:1)
Wojerowski FC – Hnašecy-Dobr. 5:0 (1:0)
Pančicy – Porchow 2:2 (1:0)
1. Póst Germ. Budyšin 15 43 : 21 36
2. Drohotka Ramnow 15 40 : 22 35
3. ST Horni kraj-Sprjewja 15 42 : 23 29
4. LSV Hory 15 35 : 24 29
5. Módro-běli Kulow 15 31 : 20 29
6. Sokoł Ralbicy/Hórki 15 29 : 30 23
6. ST Hnašecy-Dobruša 15 29 : 30 23
8. Wojerowski FC 15 40 : 34 18
9. TSV Wachau 15 33 : 31 18
10. SG Großnaundorf 15 27 : 31 17
11. TSV Połčnica 15 28 : 44 17
12. ST Kinspork/Łužnica 15 18 : 23 15
13. ST Marijina hwězda 15 27 : 37 15
14. Natwar Němske Pazlicy 15 21 : 32 13
15. Motor Kumwałd 15 32 : 43 10
16. ST Porchow 15 13 : 43 10
Sport (06.12.19)
Nazymske mišterstwo móžne
Wolejbulisća 1. mustwa Viktorije Worklecy hraja jutře w 14 hodź. wo nazymske mišterstwo we wobwodnej lize, a to w sportowni Wojerowskeho Lessingoweho gymnazija na Pestalozzijowej 1. Tam wočakuje jich ST Kupoj-Nowa Łuka, třeći tabulki. Jeli Worklečenjo přećiwo njemu dobudu, su woni nazymski mišter. W samsnym času hraje Worklečanske dorostowe mustwo holcow pola VV Žitawy II.
Kónctydźenska kopańca
Zajutřišim, njedźelu, wot 13.30 hodź. budźe w Radworju serbski koparski derby. ST 1922 Radwor, kotrež steji z 20 dypkami na 7. městnje tabulki wokrjesneje ligi, stafle 2, nastupi přećiwo Njebjelčanskej SJ. Wona ma dotal 23 dypkow a steji na 6. městnje tabulki.
07.12. 13:30 Radebeulski BC 08 –
Jednota Kamjenc
07.12. 13:30 Budissa Budyšin –
SG Taucha 99
07.12. 13:30 Módro-běli Kulow –
TSV Połčnica
08.12. 13:00 Sokoł Ralbicy/Hórki –
ST Kinspork/Łužnica
08.12. 13:30 ST Marijina hwězda –
ST Porchow
08.12. 12:30 SJ Chrósćicy II –
Módro-běli Minakał
Skupinje wulosowanej
Hra hač do poslednjeho wokomika napjata wostała
SJ Njebjelčicy
– SZ 1896 Wulka Dubrawa 2:1 (2:0)
Zestawa domjacych: Hahn – Kral, Hanuza, Gödig, Čornak (76. Ričel), Pawlik, Haška, Plaettner (90. F. Domš), Lejnart, Domš, Wagner (46. Mikławšk)
Prěnje koparske mustwo Njebjelčanskeje SJ bě do poslednjeje domjaceje hry lěta 2019 jara motiwowane. Prěnja wuspěšna akcija přećiwo hosćom z Wulkeje Dubrawy poradźi so po prěnich mjeńšich Dennisej Wagnerej. Wón so přećiwo defensiwje hosća wuspěšnje přesadźi a přetwori k nawjedowanju (19.). Šaltowanska centrala domjaceho mustwa Njebjelčanske nadběhi derje wariěrowaše. Na prawej stronje bě Oliwer Domš přeco zaso na zakładnej liniji, jeho flanki pak sobuhrajerja před wrotami njedocpěchu. Na tamnej stronje je William Plaettner wjacore dobre kombinacije iniciěrował. Tak pósła wón w 36. min. Jurja Hašku na wonkownu čaru. Tón doběža do šěsnatki a přihra bul Wagnerej, kiž pak na přećiwniku zwrěšći. Z druhim pospytom pak Domš kulowatu kožu k 2:0 w saku zaměstni.
Wažne dobyće nad Nysu
CVJM Zhorjelc – Viktoria Worklecy 0:3 (15:25, 17:25, 27:29)
We wolejbulowej wobwodnej lize je so wukristalizował štyribój wo mišterstwo. W fokusu steja Wojerecy, Kupoj-Nowa Łuka, Zhorjelc a Worklecy. Ćim wažniše su nětko direktne hry mjez susodami w tabulce kaž ta minjenu sobotu w Zhorjelcu. Tam wočakowaše cyłk CVJM mustwje z Wojerec a Worklec.
Prěnju partiju dnja dobychu wolejbulisća z Wojerec, byrnjež runje najsylniši kader k dispoziciji njeměli. Poražka 0:3 běše njewočakowana plista hosćićelej, zbudźi pak mjez Worklečanami nadźiju, z dobyćom w druhej hrě wotstawk k Zhorjelcej powjetšić a runočasnje kontakt k Wojerecam dźeržeć. Najebać třoch falowacych hrajerjow mějachu Worklečenjo bohudźak tola hišće sylne mustwo na parkeće. Koncentrowani dźěchu do duela a njedachu Zhorjelčanam žanu šansu. Na kóncu prěnjeje sadźby so hišće stopnjowachu a zdeklasowachu domjacych z dźesać dypkami předskoka.
Wuslědki (05.12.19)
Wobwodna liga wuchodneje Sakskeje – mužojo
1. Módro-běli Wojerecy II 8 23 : 5 22
2. Viktoria Worklecy 7 21 : 3 20
3. ST Kupoj-Nowa Łuka 6 15 : 5 14
4. CVJM Zhorjelc 7 14 : 11 13
5. ST 1896 Wulka Dubrawa 7 12 : 15 9
6. TSV Niederoderwitz 8 11 : 19 8
7. TSV Kundraćicy 6 6 : 12 6
8. MSV Budyšin 04 II 7 7 : 19 3
9. OSC Lubij 8 4 : 24 1
Turbulentnu hru hosćo za sebje rozsudźili
Tabulka wokrjesneje wyšeje ligi
1. Póst Germania Budyšin 14 41 : 20 33
2. Drohotka Ramnow 14 38 : 21 32
3. LSV Hory 14 34 : 19 29
4. Módro-běli Kulow 14 28 : 17 28
5. ST Horni kraj-Sprjewja 14 38 : 20 26
6. ST Hnašecy-Dobruša 14 29 : 25 23
7. Sokoł Ralbicy/Hórki 14 29 : 27 23
8. TSV Wachau 14 32 : 29 18
9. SG Großnaundorf 14 26 : 29 17
10. TSV Połčnica 14 25 : 41 16
11. Wojerowski FC 14 35 : 34 15
12. ST Marijina hwězda 14 25 : 35 14
13. Natwar Němske Pazlicy 14 18 : 28 13
14. ST Kinspork/Łužnica 14 15 : 23 12
15. ST Porchow 14 11 : 41 9
16. Motor Kumwałd 14 27 : 42 7
TSV Połčnica 1920
– Sokoł Ralbicy/Hórki 1:3 (1:2)
Zestawa hosći: Schöne (46. Ch. Gloxyn) – M. Matka (36. G. Kurjat, 65. Nuk), Janca, K. Matka, D. Gloxyn, Šewc, Wałda, Bjeńš, Rawš, M. Kurjat, Šiman
Nowe wupisanje
38. sokołski wolejbulowy turněr wo pokal Domowiny budźe klětu 16. meje w Radworskej sportowej hali „Slavia“. Na poprawnje planowanym terminje je w Radworju firmowanje. Cyłkowne wupisanje steji na internetnej stronje Serbskeho Sokoła.
Wobkedźbować mustwa maja, zo přisłuša kóždemu z nich znajmjeńša pjeć (wšitcy pjećo dyrbja na hrajnišću stać a hrać), maksimalnje dźesać hrajerjow, zo su měšane cyłki muži a žonow dowolene, zo smě jednotliwc w běhu turněra jenož w jednym mustwje nastupić a zo je zapłaćenje startoweho pjenjeza 20 eurow na konto Serbskeho Sokoła zdobom zwjazowace přizjewjenje mustwa (konto: Kreissparkasse Bautzen, IBAN: DE31 8555 0000 1000 0983 77 / SWIFT-BIC: SOLADES1BAT, mějićel konta: Serbski Sokoł z.t. / pod wužiwanskim zaměrom prošu zapisać: mjeno mustwa, zamołwity, mailowa adresa zamołwiteho). Šulerske cyłki žadyn startowy pjenjez njepłaća.
Wo ćělne derjeměće budźe postarane. Termin přizjewjenja je 29. februar 2020. Termin a městnosć wulosowanja budźetej hišće podatej, na kóždy pad do klětušich jutrownych prózdnin.
Milan Funka, starosta
W podlěšenju domjacemu mustwu mocy pobrachowali
SJ Chrósćicy II
– ST Kubšicy 1:4 p.p. (0:0, 1:1)
Zestawa domjacych: Dórnik – Klimant, Mark, Šiman (75. Dehn), Wowčer, M. Donat, Šołta (70. Domaška), Bětnar, J. Donat, Zahrodnik, Liznar
We wosmifinalu wokrjesneho pokala pohosći rezerwa Chróšćanskeje SJ mustwo z Kubšic. Někotrych wupadow dla dyrbješe trenarski cyłk wokoło Bosćija Klimanta a Maćija Dórnika trochu improwizować. Zazběh do hry běše z wobeju stronow ćežki, wšako wjedźechu hłuboke a mokre hrajnišćo a techniske njedostatki k mnohim njedokładnym přihrawkam. Poměrnje wostudłe prěnje 20 mjeńšin miny so bjez dalšich naspomnjenjahódnych akcijow. Hakle po tym widźachu přihladowarjo mjeńše móžnosće, kotrež pak na woběmaj bokomaj w jenož mało strašnych wotzamknjenjach rezultowachu.
Bolostna poražka w zestupnym boju
ST Kinspork/Łužnica – ST Marijina hwězda 3:0 (2:0)
Zestawa hosći: Hejduška – R. Cyž, Hawš, Bělk, Wróbl, Langer (70. Čornak), Ch. Cyž, Pjetaš (85. Melnyk), Ladewig (56. Šołta), Eldor, Pakoßnick
Na 14. hrajnym dnju wokrjesneje wyšeje ligi nastupichu koparjo ST Marijineje hwězdy minjenu njedźelu pola sobukonkurenta w Kinsporku, hdźež su 0:3 podleželi. Znowa dyrbješe trenarski cyłk duwa Erwin Kleinmann/Bodo Pjetaš prěnje mustwo z někotrymi hrajerjemi druheho rynka wudospołnić.
