Sport (13.02.26)
Přihotuja Slaviamarš 2026
Zajimcy móža so wotnětka za 50 kilometrow dołhe pućowanje, 13. junija, po serbskej Łužicy přizjewić. Start a cil je znowa w Hórkach. Ličbu wobdźělnikow su lětsa na 350 wobmjezowali, po tym zo bě loni 300 běharjow móžnych. (www.slaviamarsch.de)
Terminaj koparskeho zwjazka
Zamołwići Zapadołužiskeho koparskeho zwjazka skedźbnja na dwaj terminaj kónc februara. Sobotu, 21. februara, přewjedźe so wot 17 do 21 hodź. w sportowej hali na droze Käthe-Kollwitz we Wojerecach halowy koparski masters starych knjezow. 28. februara zetkaja so nawodźa koparskeho dorosta jednotliwych towarstwow w Małym Wjelkowje, a to wot 9.30 do 13.30 hodź.
Testowe koparske hry
Za wšitkimi přihotowanskimi koparskimi hrami pod hołym njebjom steji stajnje prašak, dokelž su wuměnjenja na hrajnišćach husto špatne.
14.02. 13:00 Natw. Němske Pazlicy –
VfL Pirna-Copitz
14.02. 13:30 SZ Hnašecy/Dobruša –
Traktor Malešecy
15.02. 15:00 ST Lok Slepo –
SC Grodk 1896
22.02. 10:30 ST 1922 Radwor –
ST Drjewinica
Za prěnje běhi so přizjewić
Běharki a běharjo smědźa so za prěnje běhi lěta 2026 přizjewić. 8. měrca přewjedźe so Mužakowski parkowy běh a 15. apryla běhi na horu Mnišonc.
Dobry test do prěnjeje dypkoweje hry
FSV Lokomotiwa Drježdźany –
SJ Chrósćicy 2:5 (1:2)
Zestawa hosći: Škoda – Graf (75. Donat), Dźisławk, Zynda, Wornar, G. Zahrodnik, Bogusz (46. Kral-Zahrodnik), Rätze, Hawš (50. M. Zahrodnik), Młynk, Mark
Přichodne hry
Wokrjesna wyša liga
14.02. 13:30 Zeleno-běli Bukecy –
SC Wulke Rědorjecy
14.02. 15:30 Rakečanske ST –
SJ Chrósćicy
15.02. 13:30 Drohotka Ramnow –
TSV Połčnica
Wyša liga mužojo
14.02. 13:30 RSV Přezjednota 1949 –
VfL Halle 96
14.02. 13:30 Biskopičanske KT 08 –
SC Freital
14.02. 13:30 1. FC Lok Stendal –
FC Jednota Rudolstadt
15.02. 13:30 FC Grimma –
Budissa Budyšin
Šěsćdźesaćiny FCE woswjećili
Georg Zielonkowski je so z prezidentom FC Energije Choćebuz Sebastianom Lemke rozmołwjał.
Pjeć lět sće jako prezident FCE w zastojnstwje. Kotre mysle Was w času narodnin přewodźuja?
Narodninski dźeń bě jara hnujacy, dokelž smy so do zašłosće podali. Jako fan sym minjene časy jara derje zdaloka registrował. Myslu na šěsć lět w zwjazkowej lize a na šěsć lět w druhej zwjazkowej lize a tež na puć FC Energije Choćebuz hač do pokalneho finala DFB w lěće 1997 w Berlinje. Ale tež zestup do regionalneje ligi słuša do stawiznow Energije. Někotři mudri a jara sprawni ludźo su tehdy dalšemu spadej zadźěwali, tak zo dźěše potom krok po kroku zaso horje.
Jako nowy prezident sće na hospodarskim nowowusměrjenju towarstwa wulki podźěl měł. Kak sće to zdokonjał?
Tolcay Ciğerci kopar lěta 2025
Serbscy lochkoatleća wuspěšni
Lochkoatleća zymsku přestawku njeznaja, wšako móžeš so tež w hali we wšelakich disciplinach wubědźować. Lědma zo bě lońša lochkoatletiska wubědźowanska sezona nimo, startowachu woni w januarje znowa na wubědźowanjach.
Jedna z nich je Tereza Maćijec, bydlaca w Hrubjelčicach. Wona je so loni w juniju prěni raz na krajnym mišterstwje wobdźěliła, hdźež so wo sensaciju we wysokoskoku postara. Swój dotalny wosobinski rekord 1,31 m polěpši wo 10 cm a wudoby sej z kónčnym wuslědkom 1,41 m złotu medalju w starobnej klasy sk12 a z tym titul sakskeje mišterki. Tydźeń pozdźišo postara so Tereza na wubědźowanju w Heinza Steyerowym stadionje w Drježdźanach znowa wo wosobinski rekord we wysokoskoku. Tam přewiny 1,45 m a wudoby sej wospjet złotu medalju.
Łužiske liški sej šěsć wažnych dypkow wubědźili
ESV Kaufbeuren –
Łužiske liški 2:5
(1:1, 0:3, 1:1)
Běłowodźenjo dobychu pjatk přećiwo ESV Kaufbeuren 5:2 a skrućichu z tym swoje pre-playoff-městno. Liški aktiwnje startowachu a ćišć na hosćićelow wukonjachu. W 4. min. Kyle Havlena dwójce zakónči, wrotar Patrick Fießinger pak wobě třělwje parěrowaše. We 8. min. mějachu Liški při njewužiwanym konteru domjacych zbožo. W 17. min. docpě John Broda nawjedowanje 1:0, jako běchu z hrajerjom wjac na lodźe. Z kónčnej sirenu wuruna Vadim Schreiner za Kaufbeuren 1:1.
Na spočatku druheje třećiny pomhaše Lennart Neiße Liškam ze sylnymi paradami přez hru. W 25. min. trjechi Lennard Nieleck po třělwje Tima Sezemskyja 2:1. Sydom mjeńšinow pozdźišo zwyši znowa Lennard Nieleck na 3:1. Jenož tři mjeńšiny pozdźišo docpě Lane Scheidl z placěrowanej třělwu 4:1 (35.). Krótko do přestawki trjechi Tyson McLellan za Kaufbeuren jenož wonkownu žerdź.
W kónčnej třećinje zwrěšći Alexander Dosch swobodnje stejo po předdźěle Matěja Ledena.
Liški přetrachu chłostanje a dale stabilnje zakitowachu. W 59. min. docpě Alec Zawatsky 2:4. Tola Clarke Breitkreuz trjechi krótko po tym 5:2, z čimž hra skónči.
Energija profija angažowała
W poslednich hodźinach do zakónčenja transferoweho časa je třeći ligist FC Energija Choćebuz na wikach požadaneho hrajerja přiwabił. Towarstwo zawjaza Tolgu Ciğercija. Jeho bratr Tolcay hraje hižo wot lěća 2024 pola FC Energije.
Tolga Ciğerci bě poł lěta bjez zjednoćenstwa a bě so loni nazymu wjacore tydźenje na treningu FC Energije fit dźeržał. Kaž jeho bratr bě so Tolga w Nordenhamje narodźił. Pola Herthy BSC hraješe jako dźěćo a młodostny we wšěch dorostowych mustwach sobu. Za Berlinske towarstwo steješe 70 króć w zwjazkowej lize na hrajnišću, doniž jeho 2016 do Turkowskeje njećehnješe. Tam hraješe na přikład pola Galatasaray a Fenerbahce Istanbul. Cyłkownje bu dźensa 33lětny 173 króć w turkowskej lize zasadźeny. K tomu přińdu štyri hry w narodnym mustwje Turkowskeje. FC Energija nadźija so na wjace stability w škiće. Tolga móže w nutřkownym škiće hrać, nimo toho drje je predestinowany za poziciju tak mjenowaneje „šestki“ před škitnym rjećazom.
Njedźelu w domjacej hrě přećiwo mustwu Waldhof Mannheim jeho po wšěm zdaću prěni raz zasadźa. Georg Zielonkowski
Wuslědki (10.02.26)
Regionalna liga muži
Lok Lipsk – Hertha 03 Zehlendorf wupad
Hertha BSC II – Greifswaldski KK wupad
Magdeburg II – Kamjenicy 0:1 (0:1)
Altglienicke Berlin – FC Eilenburg wupad
BFC Preussen – FSV Luckenwalde wupad
1. Lok Lipsk 19 41 : 14 46
2. FC Carl Zeiss Jena 19 38 : 18 41
3. FC Čerwjeno-běli Erfurt 20 36 : 25 37
4. FSV Šwikawa 19 30 : 20 35
4. Halleski FC 20 30 : 20 35
6. VSG Altglienicke Berlin 19 30 : 20 34
7. Kamjeničanski FC 20 28 : 29 28
8. 1. FC Magdeburg II 20 33 : 29 26
9. BFC Preussen 17 25 : 23 26
10. FSV 63 Luckenwalde 18 23 : 25 26
11. Hertha BSC II 19 27 : 39 21
12. SV Babelsberg 03 19 28 : 33 20
13. ZFC Meuselwitz 18 22 : 30 19
14. Greifswaldski KK 19 21 : 29 19
15. BFC Dynamo 18 20 : 30 17
16. BSG Chemija Lipsk 18 16 : 27 13
17. FC Eilenburg 19 17 : 35 12
18. Hertha 03 Zehlendorf 17 14 : 33 8
Zaso jenož remis
FC Ingolstadt –
FC Energija Choćebuz 0:0
FC Energija Choćbuz: Funk – Rorig, Awortwie-Grant, Manu, Guwara (55. Butler), Michelbrink, Pelivan, Borgmann, Hannemann (82. Moustfa), Engelhardt, Ciğerci
Kaž hižo w prěnjej połseriji dźěleštej sej FC Ingolstadt a FC Energija Choćebuz dypkaj. Mjeztym zo so trenar FCE Claus-Dieter Wollitz přez wuwostajene šansy w druhim połčasu mjerzaše, rěčeše trenarka hosćićela Sabrina Wittmann wo korektnym rezultaće.
