Nowopřichad Energije steji we wrotach

srjeda, 29. septembera 2021 spisane wot:

Před krótkim je FC Energija Choćebuz z Tillom Brinkmannom dalšeho wro­tarja angažowała. 25lětny muž mjez žerdźomaj dósta po dwutydźenskej testo­wej fazy zrěčenje.

Nimo stajneho wrotarja Tonija Stahla ma drje FCE z Eliasom Bethke a Corbinianom Moye młodeju wrotarjow jako rezerwu, wobaj pak staj w młodźinje A w zwjaz­kowej lize trěbnaj. Sportowy nawoda Maxi­milian Zimmer rjekny: „Smy intensiwnje z trenarskim teamom a nazwučowarjom za wrotarjow Antonom Wittmannom rěčeli a so rozsudźili, zo dóstanje naš trijo hišće dalšeho wrotarja. Till je so w probowym treningu předstajił a jara dobry zaćišć zawostajił, sportowsce a čłowjesce. Wjeselimy so, zo je wón nětko dźěl mustwa.“

Z wulkosću 1,99 metrow je Brinkmann nětko najwjetši hrajer w teamje FCE. 25lětny hraješe jako junior pola SC Paderborn a pola Arminije Bielefeld, pozdźišo bě wón za druhe mustwo SC Paderborn aktiwny. Za prěnje mustwo wuchodnych Westfalow měješe wón w sezonje 2016/2017 w třećej lize raz zasadźenje přez 90 mjeńšinow.

Žur prěnje městno docpěł

srjeda, 29. septembera 2021 spisane wot:
Marian Žur (naprawo) je njedźelu na 8. Budyskim crossowym duatlonje starto­wał a na distancy 5,0 km – 19,8 km – 2,5 km prěnje městno w swojej starobnej klasy docpěł. Najprjedy dyrbjachu wutrajnosportowcy w Humboldtowym haju běžeć, potom­ kolesować a po kolesowanju hišće raz běžeć. Silvio Dreßler, mandźelski kapitan­ki Serbskeje koparskeje wubranki Janiki Dreßleroweje, zamó na samsnej čarje­ kaž Lejnjan Žur w swojej starobnej klasy dobyć. Foto: Jörg Stephan

Kopańca, wokrjesna wyša liga

Połčnica – Wachau3:5 (2:3)

Hnaš.-Dobruša – Großnaundorf3:0 (0:0)

Germ. Budyšin – Łužnica 3:1 (2:0)

Łaz/Běły Chołmc – Pančicy1:0 (0:0)

Kulow – Biskopičanske KT II2:0 (2:0)

Großröhrsdorf – Wojerecy 0:3 (0:1)

Hory – Porchow 1:3 (1:1)

Němske Pazlicy – Sprjewja 1:2 (1:1)

1. Wojerowski FC 5 22 : 4 15

2. ST Horni kraj-Sprjewja 5 18 : 1 15

3. Sokoł Ralbicy/Hórki 5 19 : 4 13

4. TSV Wachau 6 21 : 11 13

5. Módro-běli Kulow 6 17 : 9 13

6. SG Großnaundorf 6 13 : 5 13

7. Biskopičanske KT II 5 6 : 4 10

8. ST Porchow 5 10 : 14 9

9. Póst Germania Budyšin 6 12 : 13 8

10. Natwar Němske Pazlicy 5 6 : 5 7

11. HZ Łaz/Běły Chołmc 5 11 : 5 6

12. ST Hnašecy-Dobruša 6 13 : 18 6

13. SC 1911 Großröhrsdorf 6 4 : 9 5

14. ST Kinspork/Łužnica 6 3 : 22 3

15. TSV Połčnica 6 5 : 21 1

16. LSV Hory 7 3 : 26 1

17. ST Marijina hwězda 6 3 : 15 0

Radworscy koparjo doma jasne dobyće swjećili

wutora, 28. septembera 2021 spisane wot:

ST 1922 Radwor – HZ Wóslink/Skaskow/Kulow II 3:0 (2:0)

Zestawa domjacych: Grenzemann (67. Ch. Šěrak) – Reineke, F. Šěrak, Schulze, Schöne (77. Hetaš), Wjeńka, Wjacławk, Krječmar (38. Omran), Jendrewski (58. Wróbl), Grubert, Pječak

Štwórty hrajny dźeń witachu Radworscy koparjo doma we wólnočasnym centrumje při „Zelenej hałžce“ Hrajne zjednoćenstwo Wóslink/Skaskow/Kulow II. Wobě mustwje njeběštej so hišće ženje do toho w tutej konstelaciji měriłoj. Tohodla bě do hry wšitko wotewrjene.

Jědnatka bojowniski duel rozsudźiła

wutora, 28. septembera 2021 spisane wot:

HZ Łaz/Běły Chołmc – ST Marijina hwězda 1:0 (0:0)

Zestawa hosći: Matik – Peschmann, Ch. Cyž, Kurink, R. Cyž, Langer (85. Hoge), Schmidt (71. Ladewig), Pjetaš, Lugge, Eldor,­ Çelik (46. Čornak)

Zajimawe podawki ze stawiznow olympiskich hrow

wutora, 28. septembera 2021 spisane wot:

Poprawom wšak mějachu so olympiske hry kaž tež paralympiske hry w japanskim ­Tokiju hižo loni wotměć. To pak koronapandemije dla móžno njebě. Lětsa je so to poradźiło, tež hdyž bjez přihladowarjow. Jurij Nuk z Budyšina je někotre zajimawe sportowe podawki w stawiznach olympiskich hrow zestajał. (1. dźěl)

1896 Athen: Na česć běharja Pheidippidesa, kiž je w lěće 490 do Chrystusa z Marathona do Athena běžał, zo by tam powěsć wo dobyću nad Persičanami po­srědkował, přewjedźechu tež marathonowy běh. Dobyćer prěnjeho wotměteho marathona 1896 běše 24lětny grjekski pastyr po třoch hodźinach Spyridon Louis. Wón běše tak prěni narodny rjek modernych olympiskich hrow.

1900 Paris: Prěni króć wubědźowachu so tež atletki.

1904 St. Louis: Tu spožčichu prěnje złote, slěborne a bronzowe medalje.

1908 London: Prěni króć wotmě so wodowe skakanje. Prěni tragiski rjek bě marathonowy běhar Dorando Pietri, ­kotremuž su krótko před cilom sudnicy jako dospołnje chabłacemu přez cilowu liniju pomhali. „Njedowoleneje pomocy“ dla pak bu italski marathonowc jako dobyćer diskwalifikowany.

Zaso dypkowe hry w blidotenisu

wutora, 28. septembera 2021 spisane wot:
W nowych trikotach, kiž bě jim zubnolěkarska praksa dr. Wałdy a dr. Hozyneje dariła, startowachu młodźi blidotenisća Viktorije Worklecy spočatk septembra wuspěšnje do noweje sezony. Na kóncu dobychu 9:5 přećiwo mustwu z Kamjenca. Za Worklecy docpěchu Jan Šnabel 2,5 dypkow, Matej Kober 2,5 dypkow a Józef Hoza jedyn dypk. Najwuspěšniši pak běše Gabriel Šiman z třomi dypkami. Foto: Marcel Rjelka

Wuslědki (28.09.21)

wutora, 28. septembera 2021 spisane wot:

Kopańca, wokrjesna liga, stafla 2

ST Lubuš – ST Hlinowc 2:2 (0:0)

Malešecy – Wojerecy II 2:3 (2:1)

Rakecy II – Minakał0:7 (0:3)

SJ Chrósćicy II – Hórnikecy 1:1 (0:0)

Radwor – Kulow II3:0 (2:0)

Nadr. Hrabowka – W. Dubrawa 1:4 (1:1)

1. ST Radwor 4 10 : 4 10

2. ST Wulka Dubrawa 4 12 : 5 9

3. Wojerowski FC II 4 13 : 8 9

4. Módro-běli Minakał 4 16 : 7 7

5. SJ Chrósćicy II 4 6 : 3 7

6. Traktor Malešecy 4 7 : 5 7

7. FSV Łuty 4 5 : 4 6

8. Wósl./Skaskow/Kulow II 4 10 : 10 6

9. ST Hlinowc 4 9 : 5 5

10. HZ Hórnikečanski jězor 4 10 : 9 4

11. ST Lubuš 4 6 : 11 4

12. SJ Njebjelčicy 4 5 : 11 4

13. ST Nadrózna Hrabowka 4 5 : 15 1

14. Rakečanske ST II 4 2 : 19 0

wokrjesna klasa, stafla 3

Njeswačidło – Ralbicy/Hórki II1:3 (0:2)

Němske Pazlicy II – Porchow II 12:1 (4:1)

Hlinowc II – Běły Chołmc II 1:3 (0:1)

Njebjelčicy II – Hory II/Bluń 2:3 (0:1)

Němske Pazlicy III – Hola 2:0 (1:0)

Po lěto nimale trajacej přestawce smědźachu wolejbulistki Viktorije Worklecy na pokalne předkoło w domjacej sportowni přeprosyć. Přijěłoj stej mustwje TSV Kundraćicy a TSG Hamor/Běła Woda.

Viktoria Worklecy – TSG Hamor/Běła Woda 2:1 (19:25, 25:21, 17:15)

Wěsta nerwozita bě na započatku prěnjeje sadźby pola Worklečanskich hrajerkow pytnyć. Wšako njeběchu so hižo dołho při wysokim saku wubědźowali. Tak bě chowančam trenarja Stephana Mühla spočatna napjatosć na puću. Zastatk při dypkowym stawje 4:7 to wobkrući. Poněčim pak domjace swój rytmus namakachu. Přez jednotliwe sylne nadaća a nadběhi zawěsćichu sej wone wažne dypki a hrajny staw na chwilku zwjertnychu. Snadny předskok pak njemóžachu dołho dźeržeć. Tež timeout při dypkowym stawje 15:15 přećiwnika njezamyli swój rytmus dale dźeržeć. Sylne nadaća młodych hrajerkow z Hamora zadźěwachu konstantnemu wukonej Worklečankow. Žony mějachu ćeže, je derje přiwzać. To wužiwajo hosćo předskok dale na 15:20 wutwarichu. Hosćićelki prěnju sadźbu z 19:25 přěhrachu.

Awtor dźensa

Jan Hrjehor

Angelika Šołćic z Ralbic, Tomaš Kupka z Noweho Łusča, Pančanka Bernadet Ryćerjec, Ralbičan Bosćij Wowčer, Angelika Mjechelic z Pančic a Michał Čóška z Ralbic su mi lětsa nimale sportowu akciju skazyli. W lěće 1975 bě so šěstka w Ralbicach mjenujcy na kolesa sydnyła a do 350 km zdaleneho čěskeho městačka Spálené Poříčí w Plzeňským kraju kolesowała. Tež ja sym to lětsa činił a w lěćnych prózdninach na kolesu sam k sportowym přećelam do Čěskeje jěł. Startowach w Róžeńće a dojědźech po mjezystacijach Děčin (120 km), Kolešovice (130 km), Plzeń (70 km) do Spáleného ­Poříčí (30 km). Po puću mějach z wjedrom wulke zbožo, hačrunjež duješe mi w srjedźnych horinach mjez Děčinom w Ústeckým kraju a Kolešovicami w Středočeským kraju wětřik chětro napřećo. Hospodliwosć čěskoserbskeje swójby Štillerec-Šołćic w Kolešovicach pak mje dračinu a bój přećiwo wětřikej horu horje horu dele spěšnje zabyć da.

nawěšk

  • „Njewěsta njewjesta“ rěkaše ptačkowasny program Serbskeho ludoweho ansambla 2022. Pokazali su jón ansamblowcy a ansamblowče jeničce tři razy w Chróšćanskej "Jednoće" – korony dla. Tule namakaće hišće někotre fotowe impresije lětušeho ptačokwasneho pr