Zestawa domjacych: Ch. Gloxyn – K. Matka (46. M. Matka), Zynda, Korjeńk, Bjeńš, Šewc (86. Rawš), D. Gloxyn, Wowčerk (68. B. Bejma), Šołta, S. Bjeńš, Domaška
Kaž hižo w lětomaj 2012 a 2016 steji prěnje koparske mustwo Sokoła Ralbicy/Hórki zaso w finalu wokrjesneho pokala. Minjenu srjedu přichwata k njemu w połfinalu sylny přećiwnik z Wojerec. Wot spočatka přewza tón na hrajnišću komando a nadźěła sej tež prěnje šansy. Flanka z lěweho křidła docpě Erica Latzku, kiž bul na wrota zhłójčkowa. Chrystof Gloxyn pak steješe na prawym městnje a k róžkej wotwobara (5.). Jeno dźesać mjeńšin po tym by so samsnemu hrajerjej nimale nawjedowanje poradźiło. Jeho třělwa z pjeć metrow pak bu wot Fabiana Korjeńka w poslednim wokomiku blokowana. Skónčnje so Sokoljo zhrabachu, hač do połčasa pak njemějachu žanu naspomnjenjahódnu akciju před wrotami. Pětr Domaška hraješe po dlěšim zranjenju zaso sobu, steješe pak přehusto w nimohrě.
Sokoł Ralbicy/Hórki – Motor Kumwałd 3:0 (0:0)
Zestawa domjacych: Ch. Gloxyn – K. Matka, Zynda, Korjeńk, Lulak (46. Šěn), D. Gloxyn, Šewc, M. Matka, Wowčerk (85. Gerlich), S. Bjeńš (90. J. Bjeńš), Kurjat
Hnydom wjacori koparjo Sokoła Ralbicy/Hórki dyrbjachu wčera zranjenja dla wotprajić. Tež trenar Tomaš Henčl njebě dowola dla pódla. Chrystof Gloxyn agěrowaše tuž jako wrotar a nazwučowar. Horcoty a falowacych hrajerjow dla rěkaše dewiza domjacych, kompaktnje w defensiwje stać a na kontery łakać. Kumwałdźenjo přewzachu tak iniciatiwu, njemějachu pak do přestawki ani jeničku šansu, dokelž bě před šěsnatku stajnje kónc. Hosćićeljo startowachu pjeć do šěsć strašnych konterow, tež te pak tak njewuhrachu, zo bychu z nich stoprocentne móžnosće wuskočili.
Wčera wotmě so we Wittenbergu wulka swjedźenska Boža słužba. Wjac hač sto tysac ludźi spominaše tam na spočatk reformacije před 500 lětami. Snano bě mjez nimi tež tón abo tamny Serb, štož wostanje spekulacija. Zo pak poby wot srjedy hač do pjatka tón abo tamny Wittenbergčan w serbskej Łužicy, njeje spekulacija, ale sćěh wjelelětneho přećelstwa. 13 młodostnych z lutheroweho města tu přebywaše, a to, zo bychu kopańcu hrali – přećiwo serbskej wubrance II. Za čas studija w Lipsku nasta mjez někotrymi młodostnymi z Wittenberga a črjódku nas serbskich studentow mjenujcy krute přećelstwo, kotrež je najebać zdalenosć něhdźe 150 kilometrow dale žiwe. Dotal wopytowachmy so mjez druhim stajnje na narodninach abo běchmy zhromadnje na festiwalach. Chwile za wulke swjedźenje a festiwale pak je staroby dla lěto a mjenje, a z teje přičiny dyrbimy za prawidłowne zetkanja hinaše zarjadowanja namakać. Sportowe podawki, wosebje kopańca, su za to prima składnosć.
Srjeda do Božeho spěća je w běharskich protykach hižo lěta dołho kruty termin. Přetož potom jědźe zaso wšitko – nic přisłownje, ale posłownje – Krakecam. Tudyše towarstwo MSV Módro-běli powita mjeztym 30. raz sportowcow zbliska a zdaloka na swój tradicionalny běh a mjez nimi tež zaso horstku Serbow. Wjace hač 430 młodych a staršich wobdźělnikow wubědźowaše so při najpřijomnišim wjedrje na čarach mjez 350 m a 10,2 km, a dźěći su kaž přeco wubědźowanje zahajili. Na 700meterskim kole po wsy pokaza Jarek Schade z Budyskeje Serbskeje zakładneje šule sylny wukon a njedoby jenož w swojej starobnej klasy sk 8, ale bu samo cyłkownje druhi w zhromadnym běhu ze staršimi dźěćimi sk 10. Tež jeho sotra Jitka (sk 10) a Annelie Kummerec (sk 8) z pěstowarnje „Jan Radyserb-Wjela“ móžeštej ze sedmym městnom w swojimaj starobnymaj klasomaj spokojom być. Starši šulerjo startowachu na čarje 2,1 km. Najwuspěšniši mjez hólcami sk 14 bě Dawid Žur za tri-team-serbja a wubědźi sej bronzowy podest w 8:17 min. Tež Elias Kummer (OSLV Budyšin) ze Serbskeho gymnazija bě jako šesty w sk 12 prědku pódla.
LSV Hory II
– Sokoł Ralbicy/Hórki II 1:0 (0:0)
Zestawa hosći: Cyž – M. Matka, Schultz, T. Matka (29. Materna), Bogusz, Šołta, Šěn, Diener, Kobalc, Gerlich, J. Matka
Zestup do wokrjesneje klasy je jasny a tak móža sej Sokoljo bjez wulkich starosćow zahrać. Horjenjo pak móžachu sej z dobyćom hišće městno nad smužku zdobyć, a tak tež wjace do hry inwestowachu. Šansy pak za nich wulce žane njewuskočichu. Nawopak, najlěpšu móžnosć za hosći měješe rutinjej Tomaš Matka, jako zbliska kulowatu kožu we wrotach zaměstnić njezamó. Nažel běše hra za njeho po poł hodźinje nimo. Za zranjeneho nawróći so po dołhim času wustrowjeny Robert Materna. Do połčasa so ničo naspomnjenjahódneho wjace njesta a tak dźěše bjez wrotow do kabiny.
Kopańca, wokrjesna wyša liga
Bukecy – Módro-běli Kulow 4:2 (2:0)
Ćisk – Wojerowski FC 3:3 (1:2)
Hnašecy-Dobr. – Germ. Budyšin 4:2 (2:1)
Hory – Wjelećin 6:0 (2:0)
Droh. Ramnow – Rakečanske ST 1:0 (0:0)
Ralbicy/Hórki – Motor Kumwałd 3:0 (0:0)
Kinspork/Łužnica – Połčnica 6:0 (3:0)
Ottend.-Okrilla – Großröhrsdorf 0:7 (0:4)
1. ST Ćisk 28 97 : 23 68
2. Sokoł Ralbicy/Hórki 28 73 : 35 55
3. Rakečanske ST 28 70 : 49 52
4. ST Hnašecy-Dobruša 28 63 : 51 51
5. LSV Hory 28 68 : 45 44
6. SC Großröhrsdorf 28 45 : 33 44
7. Póst Germ. Budyšin 28 50 : 57 37
8. ST Kinspork/Łužnica 28 51 : 43 35
9. Motor Kumwałd 28 49 : 66 35
10. Wojerowski FC 28 59 : 52 34
11. Módro-běli Kulow 28 47 : 52 32
12. Drohotka Ramnow 28 39 : 59 29
13. Zeleno-běli Bukecy 28 50 : 80 29
14. ST Wjelećin 28 56 : 98 28
15. TSV Połčnica 28 45 : 75 24
Wubědźowanje wobornikow
Wohnjowi wobornicy zarjadniskeho zwjazka při Klóšterskej wodźe Pančicy-Kukow maja dźensa wječor swoje prěnje lětuše wubědźowanje, a to w Sernjanach. Zazběhowe wurisanje započnje so we 18 hodź.
Hušćanske parkowe běhi
Njedźelu, 28. meje, přewjedźe Sportowe towarstwo Huska swoje 32. parkowe běhi. Start a cil budźetej w sportowym kompleksu ST Huska na Günthersdorferowej 1a. Prěnjej běhaj za dźěći započnjetej so w 10 hodź. (1 000 m) a 10.15 hodź. (2 000 m), hłownej běhaj budźetej w 11 hodź. (6,5 km a 13,0 km).
Volleyballowej turněraj
Wučerki-volleyballistki a wučerjo-volleyballisća Serbskeho gymnazija Budyšin zarjaduja a wuhotuja do wulkich prózdnin tradicionalnej wurisani při wysokim saku. Štwórtk, 1. junija, wot 14 hodź. nastupja woni přećiwo holcam a hólcam 12. lětnika. Srjedu, 7. junija, wuhotuja we wulkej sportowej hali Serbskeho šulskeho a zetkawanskeho centruma turněr za prošene wólnočasne volleyballowe cyłki.
Kónctydźenska kopańca
27.05. 13:00 Lubuš II – Kulow II
27.05. 15:00 Kamjenc – VfB Zwenkau II
27.05. 15:00 Módro-běli Zschachwitz
– SJ Chrósćicy
28.05. 13:00 Něm. Pazlicy II – Chrósćicy II
27.05. 15:00 Bukecy – Kulow
SJ Njebjelčicy
– Natwar Němske Pazlicy 1:2 (0:1)
Zestawa domjacych: Hahn – Hrjehor, Kral, Haška, Pawlik, Hommel, Šołta, Hoelzel, Hanuza, Korjeńk (60. Čornak), Lejnart
Kóžda poražka je njepřijomna, a wosebje bolostna je derbyjowa. Hižo w prěnjej połseriji běchu koparjo Němskopazličanam podleželi. Tohodla bě cyłk trenarskeje dwójki Detlef Panic/Handrij Krawčik na to wusměrjeny sej dypki doma zdźeržeć. Hačrunjež běchu hosćo hrajersce lěpje nastajeni, by so to jemu poradźić móhło, by-li wuhrate šansy wuspěšnje wužiwał. Tale mizera pak ćehnje so hižo přez cyłu sezonu Njebjelčanow.
Hižo w 2. min. móhli domjacy wrota třělić, ale po spěšnje wuhratym nadběhu so to Stefanej Kralej, Robertej Lejnartej kaž tež Jakubej Šołće njeporadźi. W 5. min. nawjedowachu hosćo po wušiknym nadběhu nadobo z 0:1. Njebjelčenjo prócowachu so mócnje wo wurunanje, ale kaž hižo často so to Lejnartej (9., 12.), Tommyjej Hommelej (26.) a Pawlej Hrjehorjej (44.) wospjet njezešlachći.
ZFC Meuselwitz
– FSV Budissa Budyšin 4:1 (1:0)
Zestawa hosći: Große – Iliadis, Hoßmang, Hausdorf (56. Šisler), Hänsch, Müller (68. Němec), Barnickel, Kloß, Salewski, Rosendo, Žuljević (52. Herrmann)
Na poslednjej dypkowej hrě hrajneje doby 2016/2017 chcychu koparjo Budissy Budyšin porjadny zaćišć zawostajić. Torsten Gütschow žadaše sej wot swojich chowancow zasadźenje, zo bychu sezonu z dobrym wuslědkom wotzamknyli. Tójšto hrajerjow pak słowa Gütschowa po zdaću zrozumiło njeje abo bě snano w myslach hižo w dowolu. ZFC Meuselwitz bě wot wšeho spočatka angažowaniše mustwo. Wone hru postaješe a měješe mučnych hosći pod kontrolu. Prěnje móžnosće drje hišće njewužiwaše, do połčasa pak tola hišće z 1:0 (39.) nawjedowaše.