Přećiwnik spěšniši a zymnokrejniši był

póndźela, 19. septembera 2016 spisane wot:

ST Ćisk

– Sokoł Ralbicy/Hórki 2:0 (1:0)

Zestawa hosći: C. Gloxyn – Matka (75. Bejma), Schultz, B. Bjeńš, Lulak, Šewc, D. Gloxyn, Korjeńk, S. Bjeńš, Domaška, Kurjat (54. von Köding)

Njedźelu podachu so koparjo Sokoła Ralbicy/Hórki k dotal njeporaženemu načolnikej do Ćiska. Woni běchu sej předewzali so z dypkom dale w prědnim dźělu tabulki zaměstnić. Hosćo dobychu wjacore dwuboje, kotrež pak špatny sudnik přespěšnje wothwizda. Mjerzace běše tež rozdźělenje žołtych kartow. Byrnjež Ćišćenjo přez cyłu hru wjac foulowali, dóstachu woni jeničku žołtu kartu. Sokołam pak pokaza sudnik nimale za kóždu móličku akciju žołty karton. Tak nasta w jich rjadach wěsty­ njeměr. Šansy njeměještej wobě mustwje w prěnim połčasu žane. W 45. min. pak foulowaše Stefan Bjeńš swojeho přećiwnika při šěsnatce. Wólny kop z 20 metrow kapitan Tony Bach fulminantnje k 1:0 přetwori. Jenož mjeńšinu pozdźišo bu Geso před klětku Sokoła wot Schultza foulowany. Tak dóstachu domjacy woprawnjenu jědnatku. Na zbožo pak Chrystof Gloxyn nisku třělwu Kobera wěsće dźeržeše.

Serbscy jěcharjo wuspěšni

póndźela, 19. septembera 2016 spisane wot:
Turněrowy nawoda, trenar a k tomu hišće sam jěchar w mjezynarodnym pruwowanju w mnohostronskim jěchanju – Pětr Bobka z Miłoćic – měješe minjene dny a tydźenje ruce połnej dźěła. Tež jeho dźowce Felicitas a Franciska stej w Hórkach startowałoj. Tule widźimy Bobku z konjom Hallo Horka w přezpólnym pruwowanju klasy A z dwěmaj hwězdźičkomaj, hdźež wudoby sej 3. městno. Wjace wo Hórčanskim jěchanskim turněrje čitaće w rozprawje na 3. stronje. Foto: Jörg Stephan

Widźał, słyšał, napisał (19.09.16)

póndźela, 19. septembera 2016 spisane wot:
Awtor dźensa Jurij Nuk

Jako aktiwneho běharja přez wjac hač šěsć lětdźesatkow zajimuje mje wosebje lochkoatletika. A tak sym sej tež we wusyłanjach telewizije wo njedawnych 28. olympiskich lětnich hrach w Rio de Janeiru předewšěm wurisanja w tejle sportowej družinje wobhladał. A tam mje najbóle mjetanje hlebije jima. Hdyž widźu wysoko na njebju lětadło lećeć, kotrež ćehnje za sobu kondensacisku smuhu, da mam stajnje gracilnosć lěta tajkeje hlebije před wočomaj. A z tajkej gracilnosću a jara daloko lećeše na olympiadźe tež hlebija olympiskeho dobyćerja Thomasa Röhlera z Jeny. Po wurjadnych 90,30 metrach zaštapi wona do trawnika. Přewšo sympatiski 24lětny lochkoatlet bě před štwórć lětom tónle nastroj w finskim měsće Turku samo hižo 91,28 metrow daloko ćisnył, štož je rekord lěta.

Wuslědki (19.09.16)

póndźela, 19. septembera 2016 spisane wot:

Krajna koparska klasa

Chrósćicy – Drježdźanski SC 0:4 (0:1)

Trjebin – Biskopicy II 5:1 (2:0)

1. Radebeul 4 6  :  3 9

2. Horni kraj Sprjewja 4 9  :  6 7

3. Drježdźanski SC 3 12  :  5 6

4. Neugersdorf II 3 8  :  5 6

4. Laubegast 3 8  :  5 6

6. Trjebin 3 10  :  9 6

7. Zschachwitz 4 8  :  10 6

8. Weixdorf 4 7  :  9 6

9. Mužakow 3 6  :  5 4

10. Nowosólc-Hródk 3 5  :  6 4

11. Nowe Město 3 3  :  5 3

12. Biskopicy II 3 4  :  9 1

13. Chrósćicy 4 4  :  13 0

wokrjesna wyša liga

Módro-běli Kulow – ST Wjelećin 7:2 (3:1)

ST Ćisk – Sokoł Ralbicy/Hórki 2:0 (1:0)

1. ST Ćisk  5 17  :  0 15

2. Wojerowski FC 5 12  :  6 10

3. Rakečanske ST 5 10  :  7 10

4. ST Kinspork/Łužnica 5 10  :  6 9

5. SC Großröhrsdorf 5 4  :  3 8

6. Sokoł Ralbicy/Hórki 5 11  :  8 7

Sport (16.09.16)

pjatk, 16. septembera 2016 spisane wot:

Konjacy sport

W Hórkach zarjaduje Konjace sportowe towarstwo při Klóšterskej wodźe Pančicy-Kukow wot dźensnišeho hač do njedźele sakske mišterstwa w mnohostronskim jěchanju. Cyłkownje 17 pruwowanjow w přezpólnym jěchanju, dresurje a skakanju steji we wupisanju. Po dźensnišim prěnim pruwowanju su dalše startowe časy jutře we 8 hodź. dresura, w 12 hodź. přezpólne jěchanje a njedźelu w 12 hodź. skakanje.

Běh wokoło Butroweje hory

24. septembra přewjedźe sportowe towarstwo TV Biskopicy 16. raz běh wokoło Butroweje hory w Biskopicach. W poskitku změja tam najwšelakoriše distancy wot 600 metrow hač do 9,5 kilometrow. Dalše informacije pod www.baer-service.de. Tež přizjewjenja su tam móžne.

Crossowy duatlon

Dwójny dyr Slavova wukon hosći skóncował

štwórtk, 15. septembera 2016 spisane wot:

Berlinski AK 07

– Budissa Budyšin 4:1 (3:1)

Zestawa hosći: Wohlfeld – Heppner, Pfanne, Patka, Hänsch (46. Kolan), Hoßmang, Müller, Šisler, Milde (79. Barni­ckel), Němec (60. Hermann), Salewski

Z Berlina běchu so koparjo Budissy w zašłymaj lětomaj stajnje z dypkom wróćili. Tež tónraz bychu woni z jednym ličakom spokojom byli. Započachu tuž koncentrowanje a mějachu hnydom hobersku šansu (4.). Kop Němeca pak prasny do žerdźe. Dźesać mjeńšin pozdźišo pokaza wrotar Wohlfeld swoju klasu, jako třělwu hosćićelskeho hrajerja z wulkotnej paradu znješkódni (14.). Jako pak Slavov za domjacych nawjedowanje docpě (25.), dyrbjachu Budyšenjo reagować. Na zbožo poradźi so Salewskemu spěšne wurunanje (30.). Nětko bě hra zaso wotewrjena, ale jeno skrótka. Dwójny dyr Slavova (38., 43.) poměrnje dobry prěni połčas hosći dospołnje skóncowa. Berlinjenjo mjez 99 přihladowarjemi běchu z hru hosćićela wězo spokojom.

W pokalnym kole wuspěšni

štwórtk, 15. septembera 2016 spisane wot:

ST Marijina hwězda

– ST Hlinowc 3:1 (0:1)

Zestawa domjacych: Matik – Kmjeć (76. Korjeńk), K. Pakoßnick, K. Pěčka (64. J. Pakoßnick), Šołta, Bětnar, Sćapan, Njek (60. Lukaš), Wagner, D. Pěčka, Kuschel

K partiji we wokrjesnym pokalnym kole witaše druhe koparske zastupnistwo ST Marijineje hwězdy hrajerjow ze susodneho Hlinowca. W prěnich 45 mjeńšinach tuteje hry drje su najprjedy hosćo akcenty sadźeli. Přeco zaso pak zwrěšćichu woni na Pančičanskim škiće abo na wrotarju Matiku, kiž měješe wuběrny dźeń. Krótko do přestawki ležeše bul přiwšěm we wrotach domjacych (45.). Daloku flanku z lěweje strony móžeše Hlinowski nadběhowar Teich, kiž je tež hižo za Marijinu hwězdu hrał, do wrotow domjacych bugsěrować.

Wuslědki (15.09.16)

štwórtk, 15. septembera 2016 spisane wot:

Regionalna koparska liga

Berlinski AK – Budissa Budyšin 4:1 (3:1)

Energija Choćebuz – Meuselwitz 1:0 (0:0)

1. Jena 6 16  :  1 18

2. Hertha BSC II 6 10  :  5 13

3. RB Lipsk II 6 7  :  5 13

4. FC Viktoria 6 15  :  4 12

5. Lok Lipsk 6 8  :  6 10

6. Schönberg 6 10  :  9 10

6. Babelsberg 03 6 10  :  9 10

8. Berlinski AK 6 7  :  6 9

9. Energija Choćebuz 6 6  :  5 9

10. Nordhausen 6 10  :  10 9

11. BFC Dynamo 6 12  :  6 8

12. Auerbach 6 4  :  8 7

Šulerjo Serbskeho gymnazija Budyšin (SGB) dobychu w tudyšej Sprjewinej kupjeli wokrjesne wurisanje šulow w beachvolleyballu, a to w starobnymaj skupinomaj II a III.

Prěnje wubědźowanje we wobłuku „Młodźina trenuje za olympiju“ noweho šulskeho lěta wotmě so w Budyskej Sprjewinej kupjeli. Beachvolleyballisća štyrjoch šulow zwěsćichu po systemje „best of three“ swojeho dobyćerja. Mustwa wobstejachu stajnje z hólčeje a holčeje dwójki kaž tež z měšaneho porika. W młódšej starobnej skupinje (sk) III (7. do 9. lětnik) hrajachu šulerjo SGB jenož přećiwo Ewangelskej srjedźnej šuli Rakecy. Kónčny rezultat 3:0 jasnje klinči, njebě pak žane mědlizanje. Tak přesadźištaj so Felix Jurk z Delnjeje Kiny a Matthias Pilz z Budyšina dwójce snadnje z 21:19. Holči porik z Lizu Hrjehorjec z Noweje Wjeski a Laviniju Bührdelec z Budyšina trjebaše samo tři sadźby, prjed hač jako dobyćer pěsk wopušći. Na kóncu rěkaše 21:18, 17:21 a 15:10. Jeničce sportowy duel na miksowej runinje bě jasna naležnosć za SGB z Verenu Suchec z Chrósćic a Richardom Pašku z Dobrošic, kotrajž so z 21:13 a 21:14 suwerenje přesadźištaj.

Wuslědki (14.09.16)

srjeda, 14. septembera 2016 spisane wot:

Wokrjesny pokal – kopańca

Hermsdorf II – Lubuš II6:4 (3:2)

Hnašecy-D. – Mały Wjelkow 4:0 (3:0)

HZ Budyšink – Biskopicy III 1:9 (0:6)

Mały Wosyk – Šćeńca 7:1 (3:0)

Kinspork/Łužnica II – Bretnig II 9:0 (4:0)

Sepicy II – Němske Pazlicy II 7:6 (0:0)

Pančicy II – Hlinowc 3:1 (0:1)

Njeswačidło II – Bukecy II 0:2 (0:1)

Serbska debata

nowostki LND