Ličba delnjoserbsce wuknjacych w běhu šulskeho časa raznje woteběra
Choćebuz (SN/MiR). Najwažniše dopóznaće wčerawšeje slědźerskeje dźěłarnički w Choćebuzu je, zo trjebaja w Delnjej Łužicy iniciatiwnu skupinu, kotraž so wo naležnosće delnjoserbskeho kubłanja stara. Rozsudnej prašeni, štó měł ideje za tajku wuwiwać a štó ju załožić, pak wobdźělnicy wobjednawali njejsu.
Lubnjow (SN/MiP). Zeńdźenje partnerow projekta UNESCO 5 wčera w Lubnjowje běše „wohnjostroj předstajenjow dobrych rezultatow a mjezystawow“, zdźěli referent Domowiny za kulturne naležnosće a wukraj Clemens Škoda na naprašowanje SN. Hromadźe z Dianu Maticowej, regionalnej rěčnicu za teritorij župy „Jakub Lorenc-Zalěski“, je wón třěšny zwjazk Serbow tam zastupował. Dalši partnerojo w projekće su Biosferowej rezerwataj Błóta a Hornjołužiska hola a haty, Mužakowski park Wjercha Pücklera a Geopark Mužakowski zahork. Mjez druhim su zamołwići nowe třirěčne delnjo-hornjoserbsko-němski logo z titulom „Łužiske herbstwo“ předstajili. Tež internetna strona projekta – tuchwilu jenož w němčinje – je dokónčena. Serbskej rěčnej wersiji sćěhujetej. Strona je pod adresomaj: kaž tež přistupna.
HZ Łaz/Běły Chołmc – ST 1922 Radwor 2:0 (1:0)Za Radworske mustwo zasadźeni: Pečak – Grubert, Schäfer (71. Hetaš), Schulze, Wjeńka, Wróbl (76. Wjesela), Nuk, Dźisławk, Paška (46. Wjacławk), Glücklich (71. Castejon), N. ŠnajderKónc tydźenja wotmě so dalša wažna hra za koparjow z Radworja. Łazowčenjo steja mjenujcy tež w pincy wokrjesneje wyšeje ligi. Hosćo z Radworja chcychu tutu hru wězo tež dobyć a so w tabulce wo městno polěpšić.Spočatnje wupadaše zaso derje za Radworčanow. Woni móžachu hižo zahe přewahu zdobyć. W ofensiwje mějachu někotre standardy, kotrež pak njemóžeš bohužel wulce do kategorije strašne zarjadować. W defensiwje hosćo tež derje stejachu a wšitko wotwobarachu. Hač do 27. min. so před woběmaj wrotami wjele njesta. Potom pak Radworčenjo bul dosć derje njewujasnichu. Hrajny nastroj přizemi pola přećiwnika, a to njedocpějomnje za wšěch škitarjow – 0:1 (27.) z wida Radworčanow. Zaso wjedźeše prěnja wulka šansa k přećiwnym wrotam. ...
Spěšnišo hač myslene skónčili su wjele diskutowany wobchadny pospyt na Módrym dźiwje nad Łobjom w Drježdźanach. Wosebitu čerwjenu čaru za kolesowarjow kónc přichodneho tydźenja zaso wotstronja. Z njej běchu wobchad awtow na mosće zhusćili, štož wjedźeše k masiwnym problemam w powołanskim wobchadźe a k wulkim mjerzanjam. Foto: Jürgen Männel
We zwěrjatowni w Błohašecach su Budyscy Zazelenjerjo zašłej kóncaj tydźenja w ramiku akcije „Tysac štomow za Budyšin“ sadźenje štomow organizowali. Zhromadnje z podpěraćelemi a přećelemi su Sabine Beyer, Matthias Berger, Kerstin Scheurer, Volkmar Schmitt a Karl-Heinz Untch (wotlěwa) dwanaće štomow sadźeli. Wobdźělene dźěći su štomam přiliwali. Běchu to tydźenja sobotu wjerjebina (Eberesche), hrab (Hainbuche), kónčkojty klon (Spitzahorn), běły klon (Feldahorn), jaseńcy (Esche), hórskej klonaj (Bergahorn) a tři zymske lipy. Zašłu sobotu su hišće třilětne lipy a jedyn mjeńši dźiwi wolijowc sadźeli. Štomy skića, ručež budu wjetše, psam we wobłukach za wuběhanje chłódkojte městna. Za swoju akciju mějachu Zazelenjerjo wjacorych podpěraćelow. Foto: Karl-Heinz Untch
Zaměrowemu zwjazkej Łužiska jězorina Sakska nětko strategiski koncept předleži. Wčera su zastupjerjo zwjazka jón na konferency we Wojerecach hišće raz wobjednawali.Wojerecy (AK/SN). Ze strategiskim regionalnym wuwićowym konceptom zaměrowemu zwjazkej Łužiska jězorina Sakska nětko jasne zaměry hač do lěta 2033 předleža. Tole krajny rada Budyskeho wokrjesa a předsyda zwjazka Udo Wićaz (CDU) wčera we Wojerecach wuzběhny. Tam wotměwaše zwjazk zakónčacu konferencu k regionalnemu wuwiću Łužiskeje jězoriny, hdźež zastupjerjo kraje přesahowacu strategiju wobjednawachu.
Měrko Šołta z Budyšina:Hižo něšto króć pod kritizowach, zo Serbske Nowiny šěrja, zo hodźa so w „drjewjanej“ pjecy chlěby pjec. Štwórtk, 11. apryla, twjerdźachu na 4. stronje wospjet, zo zamóže to pjekar w Kubšicach. Bě tajku pěc samo najprjedy „na někak 300 stopni wutepił“ měnjo, zo dyrbi „horcota ... dokładnje trjechić“, zo njeby so chlěb „wonkownje“ spalił. Kajki dźiw to – spaleny chlěb, drjewjana pěc pak cyła wostanje?! Samo w pincy swojeho domu pjekar hejgn tajku pěc ma! Hač ju tam tež pali, wo tym SN mjelča. Derje by było, bychu-li SN při wšěch „sotrach“ a hinašich přełožowanskich programach tež wužiwali strowy serbski rozum. Přispomnjenje redakcije: Naš čitar ma wězo prawje, ale „sotru“ njewužiwamy.
Woblubowana dujerska kapała Horjany swjeći lětsa 30. róčnicu swojeho załoženja. Bosćan Nawka je so ze Sonju Hejdušcynej, managerku cyłka, wo planowanym narodninskim swjedźenju rozmołwjał.Knjeni Hejdušcyna, kak chceće jubilej woswjećić?S. Hejdušcyna: So wě z hudźbu! Wuhotujemy přichodnu sobotu, potajkim 20. apryla, koncert w Chróšćanskej wjacezaměrowej hali „Jednota“. Něhdźe dwuhodźinski, žortnje moderěrowany program wopřijima wšitke muzikaliske wjerški minjenych třoch lětdźesatkow z našeho repertoira. Tak zaklinča znate polki runje tak kaž serbske a němske ludowe pěsnje za sobuspěwanje, šlagry a serbski rap. Nimo toho předstajimy prapremjeru: We wobłuku wubědźowanja za žiwu dwurěčnosć Simul+ smy loni mjeztym online přistupne hudźbne widejo za medley „Hindraško“ produkowali, zestajany ze spěwow Bjarnata Krawca „Hindraško, ty synko mój“ a „Šěrik, měrik, bałdrijan“. Wosebitosć medleyja je, zo wuwije so z originalneju melodijow poněčim balkanska rytmika. Jón dotal hišće live hrali nj ...
Budyšin (SN/MiR). Słowje „napjatosć“ a „wjeselo“ wopisujetej začuća wobdźělnikow a wopytowarjow zarjadowanja w Budyskej Smolerjec kniharni minjenu sobotu najlěpje. Rěčny centrum WITAJ je na swoje mjeztym 20. čitanske wubědźowanje šulerjow 3. lětnikow ze serbskich a serbšćinu wuwučowacych zakładnych šulow přeprosyło. Najlěpši šěsnaćo sedźachu mjez swojimi towaršemi a towarškami, staršimi a přiwuznymi a radowachu so nad motiwaciju, kotruž jim nawodnica RCW dr. Beata Brězanowa posrědkowaše. Předsydka jury a wotrjadnica RCW Manuela Smolina předstaji jury, w kotrejž nimo njeje Sylwija Wjeńcyna (wučerka w Pančicach-Kukowje), Edit Mrózec (wučerka w Kulowje), Janina Mikławškowa (lektorka w Ludowym nakładnistwje Domowina) a Rejzka Wjeńcyna (dobyćerka prěnjeho wubědźowanja w lěće 2004) sobu skutkowachu. Na wšitkich wubědźowanjach je dohromady wjace hač 320 dźěći z 92 swojich najlubšich serbskorěčnych dźěćacych knihow čitało. Faworića běchu titule „Wroblik Frido“, „Knot Knut“ a „Bur Žur“ kaž ...
Marek Krawc rozprawja wo aktualnje rozjimanych temach w ČěskejPraha. Po šamałym nadpadźe Irana na Israel steji Čěska kruće poboku židowskeho stata, podšmórny kónc tydźenja premjerny minister Petr Fiala. Ministerstwo za wonkowne naležnosće ma agresiwne zadźerženje Irana za přičinu, kotraž dołhodobnje zadźěwa měrej a wěstosći na Bliskim wuchodźe. Zdobom namołwja zarjad swojich staćanow w Israelu, kedźbliwi być a so w medijach stajnje wo aktualnym połoženju informować. Tuchwilu je tam 84 Čechow, informuje Daniel Drake, rěčnik ministerstwa. Češa, kiž su tuchwilu w Iranje, maja kraj wopušćić. Prezident Petr Pavel zasudźi nadpad a widźi w nim dalšu kročel, kotraž stopnjuje napjatosće na woběmaj bokomaj. Čěska so stajnje ze swojimi partnerami na Bliskim wuchodźe wuměnja a prócuje so wo to, měr a porjad nawróćić.
Přiwćicy (kl/SN). Wjace wo dźěławosći rěčneho motiwatora za kónčinu Malešecy a Bukecy su čłonojo předsydstwa župy „Jan Arnošt Smoler“ Budyšin wčera, wutoru, w jeho běrowje w Přiwćicach zhonili. Tak přihotuje motiwator Lucian Kaulfürst poskitk za nalětnje wiki přirody 27. apryla w Stróži. Wón rěčeše tež wo swojich stykach. Najebać to ma předsydstwo za trěbne, zo motiwator zwiski do serbskich cyłkow w Malešecach, Kubšicach a Bukecach dale pohłubšuje.Zhromadnje z regionalnej rěčnicu zhladowaše předsydstwo na kubłansku jězbu minjenu sobotu do Berlina. Wobdźělnicy chwalachu serbsku bjesadu, wšako někotři ju we wšědnym dnju hižo nimaja. Na tamnym boku so prašachu, čehodla njeběše wjace zajima ze starobneje skupinje wyše 60 lět.Wuměnichu so wo zetkanju z Domowinskimi skupinami a towarstwami w župje. Wosom skupin a towarstwow sydaše w měrcu za blidom w Radworju. Na přikład přeja sej cyłki přehlad wo serbskich přednoškach, to rěka mjena referentow, temy a kontakty. Skupiny, kotrež přitomne nje ...