Hósć z wothwizdom wurunał

wutora, 01. septembera 2015
artikl hódnoćić
(0 )
Trenar a hrajer Pavel Runt je tučasnje chětro spokojom ze startom Chróšćanskeho prěnjeho koparskeho mustwa do noweje sezony. 10 dypkow ze štyrjoch hrow, to je  wuběrny wukon, wosebje hladajo na telko młodych zasadźenych hrajerjow. Jenož fakt, zo je znowa jedyn z wažnych koparjow žołto-čerwjenu kartu dóstał, jeho  tola kusk mjerza. Foto: Clemens Šmit Trenar a hrajer Pavel Runt je tučasnje chětro spokojom ze startom Chróšćanskeho prěnjeho koparskeho mustwa do noweje sezony. 10 dypkow ze štyrjoch hrow, to je wuběrny wukon, wosebje hladajo na telko młodych zasadźenych hrajerjow. Jenož fakt, zo je znowa jedyn z wažnych koparjow žołto-čerwjenu kartu dóstał, jeho tola kusk mjerza. Foto: Clemens Šmit

SJ Chrósćicy – LSV Hory 2:2 (1:0)

Zestawa domjacych: Králíček – Pöpel, Runt, Šafář, Šiman, F. Zahrodnik, Domaška, M. Zahrodnik, Młynk (72. Šmit), Žur (90. Budar), Věchet

Nadpismo móhło tež rěkać: ,,W poslednjej sekundźe dobyće z ruki dali.“ Štóž pak je hru widźał, tón zawěsće praji, zo móža Chróšćanscy koparjo z remisom spokojom być. Wosebje w prěnim połčasu woni chětro strachoćiwje wustupowachu. Přećiwnik z Horow móžeše swoju hru woměrje natwarjeć a sej bul derje přisuwać. Domjacy jeho hrajerjow dosć njemylachu. A dobre wudobyte bule běchu njekoncentracije a lochkomyslnosće dla hnydom zaso zhubjene. Kaž z ničeho pak padny za SJ Chrósćicy nawjedowanje. Wysoka diagonala Pöpela bu hišće wotpopadnjena, Młynk pak dósta druhi bul a pósła Věcheta hnydom do běha. Zymnokrejnje wuhra wón wrotarja, da hišće škitarjej do prózdneho běžeć a suny kulowatu kožu k 1:0 do praweho kuta (38.). Z přichodnym nadběhom potorhny Feliks Zahrodnik Horjanskeho nadběhowarja w šěsnatce, a sudnik postaji jědnatku. Králíček pak ju wotwobara.

wozjewjene w: Sport
Prošu přizjewće so, chceće-li komentar podać

Serbska debata

nowostki LND