Negatiwne wuskutki so dale njenaspomnja

pjatk, 09. decembera 2022
artikl hódnoćić
(0 )
W Šwicarskim měsće Brig, hdźež je Gianni Infantino bydlił, su jeho ludźo z protestnej akciju zawčerawšim wótrje kritizowali.  Foto: picture alliance/Alberto Bernasconi W Šwicarskim měsće Brig, hdźež je Gianni Infantino bydlił, su jeho ludźo z protestnej akciju zawčerawšim wótrje kritizowali. Foto: picture alliance/Alberto Bernasconi
Prezident FIFA Gianni Infantino je mišter w tym, sebje samoho, swětowy zwjazk a kopańcu pře wšu měru chwalić. Njeje žanoho superlatiwa, kotryž šwicarsko-italski swětowy funkcionar njenaspomni, hdyž dźe wo WM w Katarje: „Sym wšě hry widźał, a zo bych to cyle jednorje a jasnje rjekł, tole bě najlěpša skupinska faza WM, kotraž hdy eksistowaše“, rjekny wón we wideju, kotrež zwjazk wozjewi. Staji so prašenje, hač bliži so Infantino woprawdźe wěrnosći, abo je to jenož jeho swójske měnjenje. We wčerawšim wudaću Serbskich Nowin rozprawješe so hižo wo zašaltowanskich kwotach, kotrež su jasnje dele hłuboko do pincy šli. Dalši dypk, kotryž je so porno zašłym swětowym mišterstwam pohubjeńšił, je nalada w stadijach. Naladu pola lětušeje WM začuwa kóždy fan hinak. Tola fakt je, zo njebychu stadije dawno wšitke wupředate. Po informacijach FIFA dyrbješe wućeženje pola nimale 100 procentow ležeć, přiwšěm wostanje w pomjatku, zo bě w předkole husto wjele prózdnych městnow w stadijach widźeć. Wjesołosć bě jasnje měrniša hač při předchadźacych swětowych mišterstwach, husto knježeše samo ćišina.
wozjewjene w: Sport
Prošu přizjewće so, chceće-li komentar podać

Serbska debata

nowostki LND