Hakle w druhej połojcy wotućili

srjeda, 23. februara 2022 spisane wot:

Dynamo Drježdźany – FC Heidenheim 1:1 (0:0)

Zestawa domjacych: Mitrjuškin – Ch. Löwe (29. Giorbelidze), Ehlers, Sollbauer, Akoto, Stark, Kade, Schröter (64. Weih­rauch), Daferner, Königsdörffer (46. Borello, 84. Mai), Drchal (29. Batista-Meier)

Prěni połčas w duelu mjez koparjemi Dynama Drježdźany a mustwom z Heidenheima njeměješe runje wjele dobrych akcijow. Jenož jónu dyrbjachu Dynamowcy dyrkotać. Flanka suny so z praweho boka k Tobiasej Mohrej, kiž z lěweje strony kulowatu kožu hnydom direktnje na žerdź zběhny. Tam łakaše Robert Leipertz. Ale Anton Mitrjuškin we wrotach domjacych hrajny nastroj ze strašneje cony třěli (28.). Jeničke rozhorjenje wubudźi na tamnym boku wróćo hraty bul Olivera Hüsinga w šěsnatce k swójskemu wrotarjej. Sudnik pak da dale hrać.

Wuspěšneho olympionika witali

srjeda, 23. februara 2022 spisane wot:
Wulke přijeće na torhošću olympionikow w Pirnje dyrbješe wčera koronapandemije dla wupadnyć, na balkonje radnicy pak je olympiski dobyćer Francesco Friedrich přiwšěm stał. Štyri złote medalje z lětušich olympiskich hrow w Pekingu njemóžeše wón wobydlerjam městačka nad Łobjom a fanam bohužel pokazać, za to pak fotografam. Planowane bě poprawom přijeće z 500 hosćimi, znatych přičin dla pak su je wotprajili. Friedrich, kiž měješe česć, lětsa na wotewrjenskej swjatočnosći Olympiskich zymskich hrow němsku chorhoj njesć, bě póndźelu w Frankfurće nad Mohanom přizemił a po tym z awtom dale do Pirny jěł. Foto: Jürgen Männel

Jasnje lěpši byli,přiwšěm přěhrali

wutora, 22. februara 2022 spisane wot:

EHC Freiburg – Łužiske lodohokejowe liški 3:2 po podlěšenju (1:1, 1:0, 0:1 – 1:0)

Wot prěnjeho bullyja sem přewzachu Łu­­ži­ske lodohokejowe liški režiju. Přihrawka Bretta Carsona před wrota přinjese prěni raz strašnosć před kašćikom domjacych. Liški skutkowachu wuwotpočowane, wone wuwojowachu sej jednu šansu po druhej a dyrbjeli hižo zahe nawjedować. Prěnja třělwa na wrota Liškow bě hakle w 6. min. Tola Chris Billich bě puk předaloko dolěwa měrił. Po tym zo Hunter Garlent w druhim pospyće po přihrawce Jakuba Kanije hišće žane zbožo njeměješe, běše to Richie Mueller, kiž po rja­nym předdźěle Illije Fleischmanna 1:0 za Liški docpě (8.). Tež po tym jeničce hosćo ćišć wukonjachu. Freiburg dósta so jenož jara zrědka přez módru liniju do nadběhoweje třećiny. Hdyž pak, da bu strašne. Přihrawku Tysona McLellana Marc Wittfoth před wrotami Běłowodźanow snadnje misny. A hižo z druhej třělwu Calvin Pokorny w 12. min. wuruna, štož bě chětro překwapjace. Njejasne wosta, kak běše so hrajny nastroj docyła přez liniju do wrotow sunyć móhł. Tak dźěše z přemało wrotami z wida hosći do prěnjeje přestawki.

4. februara su so 24. olympiske zymske hry w Chinje oficialnje z wotewrjenskej swjatočnosću zahajili. Atletki a atleća pak běchu hižo někotre dny do toho do prěnich wubědźowanjow startowali. Tři njewšědnosće wokoło lětušich olympiskich hrow, kotrež trajachu hač do 20. februara, je Kilian Hrjehor zwěsćił.

Njewšědnosć 1: Zimeng Chen, Jianing Guo, Pengfei Han, Ruinan Yan a Zesen Zhang a hišće dalšej su jeničcy Chinjenjo z dohromady 34 lodohokejistow, kiž hrajachu lětsa na olympiskich zymskich hrach za narodne mustwo Chiny. Zbytk, potajkim 27 hrajerjow chinskeje wubranki, bě z Kanady, Ruskeje, USA a Běłoruskeje. Prezident Xi Jinping boješe so poražkow přećiwo wubrankam z Kanady, USA a Němskeje. Tuž je wón mustwo hosćićela legalnje zesylnił.

Kónčny medaljowy špihel 24. olympiskich zymskich hrow:

  z s b

1. Norwegska 16 8 13

2. Němska 12 10 5

3. China 9 4 2

4. USA 8 10 7

5. Šwedska 8 8 5

6. Nižozemska 8 5 4

7. Awstriska 7 7 4

8. Šwicarska 7 2 5

9. Ruski OC 6 12 14

10. Francoska 5 7 2


Peking (JBo/SN). Lětuše 24. olympiske zymske hry, kotrež su so předwčerawšim zakónčili, wotměchu so w cyłkownje 15 disciplinach a sydom sportowych družinach. Němscy wobdźělnicy su sej z wuběrnymi wukonami cyłkownje dwanaće złotych, dźesać slěbornych a pjeć bronzowych medaljow wubědźili a tak druhe městno za Norwegskej wobsadźili. Wulki podźěl na tym maja wuslědki w sankowarskim a bobowym sporće. Wot dźesać móžnych złotych medaljow w lodowym kanalu běchu sej Němcy dźewjeć wuwojowali. 23lětna Laura Nolte sta so zdobom z najmłódšej bobowej olympiskej dobyćerku. Nimo mnohich dalšich historiskich wukonow w mjenowanej disciplinje běše tež předstajenje Daniele Maier wosebiteho razu. Wona zamó sej jako prěnja němska atletka scyła medalju w skicrossu zawěsćić.

Wuslědki (22.02.22)

wutora, 22. februara 2022 spisane wot:

Mnozy koparjo mustwow regionalneje a wyšeje ligi su minjeny kónc tydźenja zaso swoje kopački šnórowali a přećiwo sebi nastupili. Kotre cyłki běchu při tym wuspěšne a su hrajnišćo jako dobyćerjo abo poražene z kotrym wuslědkom wopušćili a štó njemóžeše so scyła duelěrować, dokelž bu partija z najwšelakorišich přičin wotprajena, zhoniće tule z našeho přehlada:

Regionalna liga muži

Altglienicke – Kamjeničanski FC  wupad

Borussia Berlin – FC Eilenburg  wupad

Chemija Lipsk – Hertha BSC II  2:1 (0:1)

Carl Zeiss Jena – ZFC Meuselwitz  wupad

VfB Auerbach – Halberstadt  2:5 (0:0)

Berlinski AK – Lok Lipsk  wupad

Fürstenwalde – Choćebuz  2:2 (0:1)

Luckenwalde – Lichtenberg  4:1 (3:0)

BFC Dynamo – SV Babelsberg  wupad

Rathenow – Tasmania Berlin  2:0 (1:0)

Tabulka:

1. BFC Dynamo 25 62:20 58

2. Lok Lipsk 24 55:24 52

3. FC Energija Choćebuz 25 57:22 49

4. FC Carl Zeiss Jena 25 46:24 48

5. Berlinski AK 25 40:30 48

6. Kamjeničanski FC 25 41:23 45

7. SV Babelsberg 25 36:26 44

8. VSG Altglienicke 23 42:28 42

9. FSV 63 Luckenwalde 26 44:26 39

10. BSG Chemija Lipsk 26 29:28 38

11. Tennis Borussia Berlin 23 36:31 34

12. Hertha BSC II 26 41:42 33

13. SV Lichtenberg 47 26 32:41 28

14. ZFC Meuselwitz 25 26:39 25

15. Germania Halberstadt 26 33:49 25

16. Optik Rathenow 26 28:51 19

17. FC Eilenburg 25 26:56 19

18. VfB Auerbach 25 26:63 17

19. SV Tasmania Berlin 26 19:61 16

20. Union Fürstenwalde 25 35:70 15

Dypki sej dźěliłoj

póndźela, 21. februara 2022 spisane wot:

SC Paderborn – Dynamo Drježdźany 0:0

Zestawa hosći: Mitrjuškin – Löwe, Ehlers, Sollbauer, Akoto, Kade (90. Mörschel)­, Stark, Borello (46. Königs­dörffer), Batista Meier (78. Will), Schröter (74. Becker), Drchal (78. Mai)

Ilija Fleischmann (srjedźa, čisło 13) wot Łužiskich lodohokejowych liškow z Běłeje Wody ma tule w domjacej hrě přećiwo Lawam z Frankfurta nad Mohanom dosć městna, zo by puk sobuhrajerjej přisunył. Liški pak su duel 2:4 přěhrali. Dźensa wječor wone znowa doma nastupja, potom dyrbja swoje zamóžnosće přećiwo mustwu EC Kassel Huskies dopokazać. Foto: Thomas Heide

Kónčny medaljowy špihel 24. olympiskich zymskich hrow:

   z s b

1. Norwegska  16 8 13

2. Němska  12 10 5

3. China   9 4 2

4. USA    8 10 7

5. Šwedska   8 8 5


Peking (JBo/SN). Ze swjatočnej ceremoniju su so wčera 24. olympiske zymske hry w Pekingu zakónčili. Za to pokazachu dobyćerjo a dobyćerki krasnosmykanja wosebitu galu. Na to slědowaštej hudźbne a rejwanske předstajenje kaž tež parada olympionikow a olympionikowkow jednotliwych krajow.

Lětuše hry stejachu mjez druhim ranjenja čłowjeskich prawow a wobswětoškitnych njedostatkow dla we wulkej kritice. Přidatne wužadanje zwisowaše z koronapandemiju. Tak njemóžachu so někotři atleća a někotre atletki na wubědźowanjach wobdźělić a dyrbjachu w karantenowych kwartěrach přebywać. Tež doping njeje lětuše wulkozarjadowanje přelutował. Najdwělomniši pad po-trjechi 15lětnu krasnosmykarku Kamilu Walijewu, zdobom najmłódšu atletku w Pekingu.

Awtor dźensa Tadej Cyž

Wo olympiskich hrach móže kóždy myslić, štož sam chce. Wosebje hry w Pekingu, kotrež běchu za němske mustwo jara wuspěšne, su k rozdźělnym a kontrowersnym diskusijam wjedli. Chětro přesłapjace w tym zwisku bě a je skutkowanje němskeho prezidenta olympiskeho komiteja dr. Thomasa Bacha. Sport a politika njehodźitej so bohužel wjace dźělić. Wuwiće drje njeje nowe, dósta pak z hrami w Chinje nowu dimensiju a kwalitu. Sportowcam su olympiske hry nimo swětowych mišterstwow najwuznamniše wubědźowanje w běhu karjery a tak zdobom wjeršk. Olympiski duch pak njeje so tónraz tak wuwił, kaž smy to zdźěla zwučeni. Najwjace wubědźowanskich městnow su cyle nowe natwarili, a dalše wužiwanje po olympiskich hrach je dospołnje njewěste. Dajmy so překwapić, w kotrym stawje olympiske wubědźowanske městna w přichodźe wuhladamy. Wosobinsce wjeselu so hižo nětko na přichodnu zymsku olympiadu 2026 w italskej metropoli Mailand a městačku Cortina d’Ampezzo w Dolomitach.

nawěšk

  • SERBSKE NOWINY – Wědźeć, što so stawa! –

Ze swjedźenskim kóncom tydźenja su njedawno w Slepom 9. mjezynarodny festiwal dudakow a zdobom 750. róčnicu wobstaća wsy hódnje woswjećili. Jako mały přikusk k rozprawnistwu podawamy zajimowanym čitarjam SN-o

nowostki LND