Minister z wóčkom za serbski sport

wutora, 02. meje 2023 spisane wot:
Na přeprošenje zapósłanca krajneho sejma Alojsa Mikławška je so statny ­minister nutřkowneho Armin Schuster pjatk w Chrósćicach wo serbskim sporće ­informował. Po witanju přez Chróšćan wjesnjanostu Marka Klimana (wšitcy CDU) a předsydu SJ Chrósćicy Tadeja Cyža dźěše wo přihot mustwow muži a žonow na Europeadu a situaciju pjeć sportowych towarstwow w zarjadniskim zwjazku Při Klóšterskej wodźe. Po tym je Schuster zakop za nachwatansku hru 1. mustwa SJ Chrósćicy přewzał, kotrež na kóncu z 1:3 přećiwo cyłkej Přezjednota Niska podleža. Foto: Feliks Haza

Prěnje domjace dobyće sezony

wutora, 02. meje 2023 spisane wot:

SJ Njebjelčicy –

Wóslink/Skaskow/Kulow II

2:0 (1:0)

Zestawa domjacych: Nico Hahn – Clemens Reinelt, Anton Malaškin, Józef Matješk, Oliver Domš, Gabriel Čornak, Jakub Šołta, Christoph Paulik, Andre Reinecke (72. Jonas Lehmann), Marvin Reincke (59. Stefan Kral), Dennis Wagner

Njebjelčenjo nastupichu njedźelu tydźenja doma přećiwo cyłkej hrajneho zjednoćenstwa Wóslink/Skaskow/Kulow II. Kader SJN bě chětro wosłabjeny. Nimo kapitana Ronnyja Hanuzy falowachu z Danielom Kralom, Handrijom Korjeńkom, Florianom Domšom a Pawlom Hrjehorjom wjele wažnych stajnych mocow. Najebać toho dźěše mustwo z wulkej rozsudźenosću do hry. Krótko do zahwizdanja buštaj hišće Stefan Kral, kotryž bě zastup hromadźił, a Jonas Lehmann wot připołdnišeho blida „rekrutěrowanaj“.

Awtorka dźensa

Halena Jancyna

Sport (28.04.23)

pjatk, 28. apryla 2023 spisane wot:

Unihokej w smažniku w měsće

Sportowej towarstwje MSV Budyšin a Budyšin Baers přewjedźetej sobotu, 10. junija z podpěru Sportoweho zwjazka Budyšin w sportowej hali při Třělnišću wulki unihokejowy turněr. We wupisanju steja šěsć starobnych skupinow: 1./2. lětnik, 3./4. lětnik, 5./6. lětnik, 7./8. lětnik, 9./10. lětnik a 11./12. lětnik. Hrać budźe so štyrjo přećiwo štyrjom, měšane mustwa su dowolene a přizjewjenja su hač do 31. meje móžne. Přizjewjenja su pod 01728454192 abo móžne.

Funino festiwal

SJ Njebjelčicy přeproša na tak mjenowany Funino festiwal. Je to warianta kopańcy ze štyrjomi wrotami na krótkim hrajnišću. Hrać budźe so 18. meje na Njebjelčanskim sportnišću z mustwami starobneju klasow młodźina F a bambinije.

Koparski derby w Rakecach

Po wulkim derbyju Rakecy přećiwo Chrósćicam w krajnej klasy přewjedźe so nětko tež mały we wokrjesnej lize. Hrać budźe so w Rakecach. Derby susodneju wsow změja njedźelu w Pančicach-Kukowje. Tam wočakuja klóšterscy koparjo dotal njeporaženeho načolnika z Hlinowca.

28.04.  18:30  SJ Chrósćicy –

  FV Přezjednota Niska

29.04.  14:00  Biskopičanske KT –

  FC Jednota Wernigerode

Napinacy kónc tydźenja

štwórtk, 27. apryla 2023 spisane wot:

Sokoł Ralbicy/Hórki –

ST Porchow 1:0 (1:0)

Zestawa domjacych: Chr. Gloxyn – Rawš, T. Wałda, A. Wałda, Schultz, Kurjat (72. P. Šołta), Gloxyn, Kunze (46. Korjeńk), Bejmak (90. Lulak), Bejma, Domaška

Po napinacej hrě pjatk wječor w Großnaundorfje nastupichu chowancy trenarja Tomaša Henčela njedźelu doma přećiwo Porchowej. Dobyće běše zaměr, štož njebě lochko. Nažel běštaj so pjatk wječor Dawid Šołta a Toni Nuk tak jara zraniłoj, zo w blišim času k dispoziciji njestejitaj.

Prěnju šansu hry mějachu domjacy, jako po wólnym kopje Křesćan Bejmak na wrota zhłójčkowa (5.). Ale tež hósć so njeschowa a nadběhowaše w 12. min. strašnje přez lěwu stronu. Hra chabłaše tam a sem. Jenož małe šansy wuskočichu abo pospyty dźěchu nimo wrotow. Doniž w 31. min. Pětr Domaška bul podlěši, kotryž Porchow prawje njewotwobara. Tak kapitan Denny Gloxyn prawje steješe a bul z 12 metrow do dołheho róžka suny. Ze stawom 1:0 dźěše do kabiny.

Njezbožowna domjaca poražka

štwórtk, 27. apryla 2023 spisane wot:

SJ Chrósćicy –

Drježdźanski SC 0:1 (0:0)

Zestawa domjacych: Králíček – Mark, Janca, B. Cyž, Matješk (74. Wornar), L. Zahrodnik, G. Zahrodnik, M. Zahrodnik, Wencl (60. Matik), Młynk, Krawc

Prěnju šansu hry měješe SJC. Tola třělwa Pawla Krawca wrota misny. Po tym so wobaj cyłkaj hłownje na zakitowanje koncentrowaštaj a pokazaštaj stabilnu defensiwu. Wuwi so partija mjez šěsnatkomaj z mnoho dwubojemi. Chróšćenjo spytachu přeco zaso konterować, ale to njeběše wunošne. Tež na druhej stronje mało akcijow wuskoči. DSC spytaše so přeco zaso přez prawe křidło předrěć. Flanki a přihrawki do šěsnatki pak hustohdy zakitowarjo SJC wokoło Bosćija Cyža wujasnichu. W 30 min. sej hosćo bul před šěsnatku wuwojowachu, třělwa z 25 metrow prasny pak na žerdź.

Pózdne wrota poražku přinjesli

srjeda, 26. apryla 2023 spisane wot:

SJ Chrósćicy II –

ST Wulka Dubrawa 0:1 (0:0)

Zestawa domjacych: Škoda – Sćapan (75. Jakubaš), Zynda, Kola, Mark (66. Matik), Wornar, Liznar, Zahrodnik, B. Donat, M. Donat, Žur

Zašłu njedźelu witaše Chróšćan rezerwa mustwo ST Wulka Dubrawa na dypkowu hru na hrajnišću w Hórkach.

Ćělnje sylni Wulkodubrawčenjo wobćežowachu hru Chróšćanow. Tak běchu hosćo spočatnje lěpje w hrě a so wosebje přez třělwy z distancy na wrota měrjachu. Po wotwobaranym róžku Wulko­dubrawčanow dóńdźe znowa flanka meter před wrota, hdźež pak nadběhowar bul wyše wrotow zhłójčkowa. Bórze na to mějachu Chróšćenjo znowa zbožo, jako při třělwje z něhdźe 30 metrow wrotar Jakub Škoda bul popadnyć njemóže. Ale škitar Fabian Kola na wrotowej liniji hrajny nastroj wotpopadny a doprědka smokny. Poněčim domjacy hru lěpje přiwzachu a sej tohorunja dobre móžnosće wuhrachu. Wosebje přez přihrawki do haski dóńdźechu k wotzamknjenjam. Tute pak wrotar wotwobara. Tak dźěše bjez wrotow do přestawki.

Načolnicu prěnjeje ligi wopytali

srjeda, 26. apryla 2023 spisane wot:
We wobłuku wotchadneje jězby rjadownjow 10a a 10b Wyšeje šule Slepo do hłowneho města Čěskeje, staj šulerka Amy-Helen Kisza (srjedźa) z Brězowki a šulski nawoda Jan Hrjehor (zady nalěwo) wčera treningowu jednotku koparkow SK Slavia Praha wopytałoj. Přeprosyła bě Brězowčanku, koparku Serbskeje wubranki, hrajerka Slavije a Čěskeho narodneho mustwa Gabriela Šlajsova (prědku naprawo). Nalada pola načolnicy 1. ligi žonow Čěskeje je tuchwilu wulkotna, wšako doby mustwo trenarja Karela Pitáka njedźelu duel přećiwo měšćanskemu riwalej AC Sparta Praha z 1:0. Foto: Wyša šula Slepo/Daniela Lyskowa

ST Lubuš –

ST Marijina hwězda 3:2 (2:1)

Zestawa hosći: Matik – Wróbl (85. Schneider), K. Pakoßnick, Zynda, Weclich, Langer, Cyž, Eldor, Ladewig, J. Pakoßnick (62. Wünsche), Bulank

Při najrjeńšim nalětnim wjedrje dojědźechu sej koparjo Marijineje hwězdy k bjezposrědnemu tabulkowemu susodej do Lubuša. Wuměnjenja za tutu ćežku wonkownu partiju njeběchu runje najlěpše, wšako steješe trenarskej dwójce Frank Schneider/Kai Frenzel wšelakorych přičin dla jenož 12 hrajerjow k dispoziciji. A tak dyrbješe so samo Schneider předrasćić.

Wuslědki (25.04.23)

wutora, 25. apryla 2023 spisane wot:

Kopańca, regionalna liga

Lok Lipsk – SV Lichtenberg  4:1 (1:0)

Borussia Berlin – Chemija Lipsk 0:2 (0:2)

Kamjeničanski FC – Berlinski AK 3:0 (1:0)

FC Jena – ZFC Meuselwitz 2:2 (0:1)

Greifswaldski KK – FC Choćebuz 1:2 (1:1)

Hertha BSC II – FSV Luckenwalde 2:0 (1:0)

BFC Dynamo – FC Erfurt 2:1 (1:0)

1. FC Energija Choćebuz 29 59 : 25 61

2. FC Čerwjeno-běli Erfurt 29 58 : 26 58

3. FC Carl Zeiss Jena 29 45 : 18 52

4. Lok Lipsk 29 50 : 36 50

5. BFC Dynamo 29 47 : 35 48

6. Kamjeničanski FC 29 43 : 27 47

7. BSG Chemija Lipsk 29 42 : 37 47

8. VSG Altglienicke 28 52 : 31 46

9. Berlinski AK 29 40 : 36 43

10. SV Babelsberg 28 41 : 36 41

11. FC Viktoria Berlin 28 39 : 35 41

12. Hertha BSC II 29 45 : 48 41

13. Greifswaldski KK 29 41 : 45 34

14. FSV Luckenwalde 29 29 : 44 32

15. ZFC Meuselwitz 29 37 : 60 26

16. SV Lichtenberg  29 25 : 58 21

17. Germania Halberstadt 28 26 : 60 15

18. Tennis Borussia Berlin 29 19 : 81 12

Regionalna liga žonow

RB Lipsk II – Hohen Neuendorf 3:0 (2:0)

Viktoria Berlin – Lipsk-juh 5:0 (3:0)

FSV Babelsberg – SFC Stern  2:2 (1:0)

Biskopičanske KT – Jena II 5:1 (2:1)

1. FC Viktoria Berlin 22 133 : 13 60

2. 1. FC Union Berlin 22 92 : 20 53

3. Türkiyemspor Berlin 21 73 : 16 50

4. RB Lipsk II 21 54 : 16 45

5. Magdeburgski FFC 22 57 : 40 39

6. FC Carl Zeiss Jena II 22 38 : 37 34

7. Biskopičanske KT  22 45 : 45 30

8. 1. FFV Erfurt 21 30 : 56 28

9. FC Hertha Zehlendorf 22 28 : 60 26

10. FSV Babelsberg  22 23 : 53 23

11. SFC Stern  22 24 : 52 19

12. B.W. Hohen Neuendorf 22 29 : 66 15

13. Přezjednota Lipsk-juh 21 16 : 77 6

14. Rostockski FC 22 14 : 105 4

Wokrjesna liga, stafla I

ST Kubšicy – TSV Połčnica 3:0 (3:0)

Arnsdorfske KT – ST Bart 7:0 (2:0)

Huska/Hodźij – Wjernarjecy 3:1 (1:0)

nowostki LND