Serbske Nowiny

štwórtk, 09 apryla 2015 14:00

Do kina (09.04.15)

9.4.–15.4.2015: Halbe Brüder: wšědnje 17:30 (nimo pó) a 19.45 hodź. | pó 16.45 hodź.| pj a so 22:15 hodź. Der Kaufhaus Cop 2: wšědnje 14:30 (nimo pó a srj) a 20:30 hodź. | štw, pó, wu a srj 16:15 hodź. | pj a so 22:30 hodź. | Fast & Furious 7 – Zeit für Vergeltung: wšědnje 14:45 (nimo pó a srj), 16:30 a 19:30 hodź. (nimo štw) | štw 20:00 hodź. | pj a so 22:15 hodź. Der Nanny: wšědnje 18:15 hodź. a 20:00 hodź. (nimo štw a pó) American Sniper: pj a so 22:15 hodź. Honig im Kopf: wšědnje 16:45 hodź. (nimo pó) Shaun das Schaf – Der Film: wšědnje 14:15 hodź. (nimo pó a srj) | pj, so a nje 16:15 hodź. Gespensterjäger – Auf eisiger Spur: nj 12:30 hodź. Home – Ein smektakulärer Trip: nje 12:30 hodź. Home – Ein smektakulärer Trip: nje 12:15 hodź. | w 3 D Cinderella: wšědnje 14:15 hodź. (nimo pó a srj) Asterix im Land der Götter: nj 12:15 hodź. | w 3 D Kurt Cobain: Montage Of Heck (OmU): štw 19:45 hodź.

Kino-ekstra: Der große Trip – Wild: pó 17:15 a 20:15 hodź.

štwórtk, 09 apryla 2015 14:00

Policija (09.04.15)

Wopitej dźěsći nadešli

Zhorjelc. Pasanća wołachu wčera nawječor w Zhorjelcu wuchowansku słužbu a policiju, dokelž běchu na Wilhelmowym naměsće spodźiwnje zadźeržacej so dźěsći wobkedźbowali. Jako zastojnicy holcy w starobje 12 a 13 lět kontrolowachu, so wukopa, zo měještej 1,5 a 0,72 promilow alkohola w kreji. Dowjezechu wobě na lěkarske přepytowanje do chorownje.

Při Němskopazličanskim wulkohaće so jenož campingowarjo doma nječuja. Wšědnje wuhladaš tam tež ludźi wokoło hata běhać­. Na małych kupach je so wjele ptačkow zadomiło, a jich fifolenje pućowacych zwjesela. Prawidłownje zetkawaja so sportow­e skupiny a towarstwa k zhromadnemu běhej po 7,5 kilometrow dołhej čarje. Foto: ST Natwar Němske Pazlicy

štwórtk, 09 apryla 2015 14:00

Dopřehladany

Budyšin (SN). Skupina dobrowólnikow je wotsrjedź lońšeho decembra hač k jutram přehladała wšitke 260 stawow digitalneho wotpisa delnjoserbskeho Noweho zakonja, cyłkownje wjace hač 360 stron. Zaměr kooperacije Serbskeho instituta a Spěchowanskeho towarstwa za delnjoserbšćinu w cyrkwi je, skorigować digitalnu wersiju poslednjeje cyłkowneje edicije delnjoserbskeje biblije z lěta 1868. Přehladany tekst ma so dospołnje kryć z originalnej, ćišćanej (a zaskenowanej) předłohu.

Skupina wobsteji ze šěsć dobrowólnikow, pochadźacych z Choćebuza a wo­kol­nych serbskich wsow. K njej słušatej tež studentka z Lipska a přećel Serbow z Pólskeje. Jich dźěławosć koordinuje Serbski institut. Hnydom po jutrach su so zetkali, zo bychu so wo dotalnych nazhonjenjach rozmołwjeli. Nětko chcedźa so dać do knihow Stareho zakonja, započeć chce­dźa z korekturu psalmow. Wěriwi móža so tuž na to wjeselić, zo budźe tekst bórze zaso přistupny – nic kaž dotal jenož antikwarisce, ale tež w interneće. Dalše informacije posrědkuje dr. Fabian Kaulfürst ze Serbskeho instituta.

štwórtk, 09 apryla 2015 14:00

Zazběh sezony w Błótach

W Bórkowach su njedawno při hišće zymnym nalětnim wjedrje sezonu čołmikowanja zahajili. Prěni nawal turistow maja tam hladajo na připowědźene rjane wjedro zawěsće kónc tydźenja wočakować. Błóta steja na druhim městnje najwoblubowa­nišich pućowanskich cilow Braniborskeje. Loni witachu tam něhdźe 600 000 hosći. To je dźesać procentow wjace hač lěto do toho. Hišće wjace wopytowarjow ma w Braniborskej jenož jězorina Wódra-Sprjewja. Foto: Michael Helbig

Budyski spjaty jězor so tež Drježdźanskim łobjowym płachtakowarjam lubi. Hižo pjatnaće lět so woni w treningowym lěhwje sprjewineho města na sezonu přihotuja. Tež 25 dźěći w starobje wosom do štyrnaće lět pilnje sobu zwučuja. Tak je tež płachtakowanski dorost jutrowne prózdniny derje wužiwał. Foto: SN/Maćij Bulank

štwórtk, 09 apryla 2015 14:00

Krótkopowěsće (09.04.15)

Ćichi pjatk připóznać

Praha. Hinak hač jutrownu póndźelu Čěska republika ćichi pjatk jako statny swjedźeń njeswjeći. Tole pak chcedźa nětko na namjet zapósłancow křesćanskeje strony KDU-ČSL změnić. Tež socialdemokratiski premier Bohuslav Sobotka namjet podpěruje, kaž medije rozprawjeja. Po woprašowanjach by nimale 60 procentow Čechow změnu witało.

Třěleńca na sudnistwje

Milano. Při třěleńcy na sudnistwje w ital­skim měsće Milanje stej po prěnich informacijach dwě wosobje žiwjenje přisadźiłoj, mjez nimaj sudnik. Dokładne informacije powěsćernje Ansa do kónca redakciskeho časa hišće njepředležachu. Skućićel je pječa ćeknył. Jeho běchu bankrota dla wobskoržili. Na to wón na sudniskej žurli wospjet třěleše.

Zaso Hollywood we Łužicy

srjeda, 08 apryla 2015 14:00

Wuslědki (08.04.15)

Kopańca, krajna liga

Zhorjelc – Hohenstein-Ernstthal wupad

1. Biskopicy 21 38 : 15 45

2. BSG Chemija 21 41 : 18 42

3. FC International 21 41 : 24 42

4. FC Eilenburg 21 32 : 16 40

5. FC Grimma 20 41 : 21 37

6. Wocl Riesa 21 26 : 24 33

7. Zhorjelc 20 30 : 23 30

8. BSC Freiberg 21 37 : 37 29

9. Heidenau 21 27 : 27 26

10. Hohenstein-Ernstthal 19 27 : 28 25

11. FSV Zwickau II 21 29 : 27 24

12. Glauchau 21 38 : 47 24

13. Markkleeberg 21 30 : 32 22

14. Kamjenc 21 19 : 27 16

15. Döbeln 21 19 : 67 11

16. Póst Drježdźany 21 17 : 59 6

srjeda, 08 apryla 2015 14:00

Dźeń jehnjatow we wowčerni

W Dołhej Boršći pola Mikowa je spěchowanske towarstwo za přirodu biosferoweho rezerwata Hornjołužiska hola a haty nowu wowčernju zarjadowało. Lětsa je so tam hižo něhdźe 250 jehnjatow narodźiło. Wowčerjo a sobudźěłaćerjo spěchowanskeho towarstwa małym a wjetšim zajimcam rady wo plahowanju wowcow a hladanju krajiny rozprawjeja. Tak su wosebje swójby a prózdninske dźěći zaju­třišim, 10. apryla, wot 14 do 16 hodź. do wowčernje přeprošene. Hólcy a holcy móža sej mału dopomnjenku spaslić a sobu domoj wzać. Foto: spěch. towarstwo/Denis Pottomann

srjeda, 08 apryla 2015 14:00

W Cymplu-Turjom přednošowała

Njedawno přednošowaše Trudla Malinkowa w połnje wobsadźenej Mjedakec korčmje-pensiji w Cymplu-Turjom – ródnej wsy Mateja Urbana, přełožowarja Iljady a Odyseje – wo serbskich wupućowarjach do zamórskich krajow, wo socialnych a nabožnych přičinach a kak so jim po puću a na městnje zeńdźe. Rysujo serbski rěčny rum před 150 lětami wěnowaše so wona wosebje dóńtej 600 wupućowarjow pod nawodom Jana Kiliana, fararja­ starolutherskeje wosady we Wukrančicach a Klětnom, do Texasa. Přitomny běše tež prjedawši starolutherski farar z Klětnoho. Malinkowa čitaše z listow wupućow­arjow, kotrež žony kaž muži jenak hnujachu. Wšitcy sej prajachu, kelko tola wobsedźimy, hdyž sej swoje doma wobchowamy. Byrnjež přednošk něm­skorěčny był, spjelnichu sej někotři připosłucharjo přeće a z Trudlu Malinkowej serbsce pobjesadowachu.
Kř. Krawc

Serbska debata

nowostki LND