Andrzej Duda so při prezidentskich wólbach Pólskeje přesadźił
Waršawa (dpa/SN/K). Konserwatiwny opozicionelny politikar Andrzej Duda je wólby prezidenta w Pólskej dobył. Dźensa wozjewjeny kónčny wuslědk wupokazuje, zo dósta 43lětny Duda 51,5 procentow. Za dotalneho prezidenta Bronisława Komorowskeho wuprajichu so 48,4 procenty. Kaž Duda zdźěli, wustupi wón ze strony Prawo a sprawnosć, kotraž bě jeho nastajiła, dokelž chce „prezident wšěch Polakow być“.