We Łužicy so jutry na wjele hosći wjesela

štwórtk, 29. měrca 2018
artikl hódnoćić
(0 )
 W Kinsporku kćěja kamelije.  Foto: Jirka Hofmann W Kinsporku kćěja kamelije. Foto: Jirka Hofmann

Z muzeja na Hród

Budyšin. Ćichi pjatk w 10 hodź. su dźěći na wosebite wodźenje po Budyšinje witane. Hólcy a holcy w starobje pjeć do dźe­wjeć lět spřistupnja sej sprjewine město na rejwanske wašnje, z hudźbu a wjele informacijemi. Tohorunja ćichi pjatk poskića w 10.30 hodź. a 14 hodź. kołojězbu po Budyšinje z busom, sobotu w 10.30 a 12 hodź. Pjatk stej pod hesłom „z tysac krokami po tysaclětnym měsće“ w 11 a 14 hodź. měšćanskej wodźeni, ćichu­ sobotu w 11, 14 a 17.30 hodź. a jutrowničku w 14 hodź. Přez cyły dźeń, wot 10 do 17 hodź., wočinjene budu přez jutry­ Muzej Budyšin na Zitnych wikach, Stara wodarnja, Bohata wěža a wot 10 do 18 hodź. Serbski muzej kaž tež Budyske wopomnišćo.

Jutry w Błótach

Lubin/Bórkowy. Ćichi pjatk je w Lu­binje wot 21.30 hodź. wodźenje po měsće z nócnym stražnikom. Wón wě wjele historiskich anekdotow powědać, tež wo Ser­bach. Zetkanje je při schodach radnicy. Sobotu maja wot 10 do 18 hodź. na hrodowej kupje pisany jewišćowy program z tradicionalnym walkowanjom jejkow přihotowany. W 14 hodź. nowu čołmikowu sezonu swjatočnje zahaja. Lubin hornje a delnje Błóta zwjazuje.

wozjewjene w: Serwis

Galerija

dalši wobraz (1) Jutry w Hórnikecach z drezinu jězdźić Foto: Peter Radke
dalši wobraz (2) Organist Matthias Eisenberg Foto: Anne Hasselbach
Prošu přizjewće so, chceće-li komentar podać

Serbska debata

nowostki LND