Schrift vergrößern
Młody kuchar Nazim Kamberi, jeho starši kolega Ceti Malo, Kamber Kamberi jako šef Slepjanskeho hosćenca „La Corona – K hadźacej krónje“ a jeho mandźelska Linda (wotlěwa) so wot wutory do njedźele na hosći wjesela.SN/Maćij Bulank
Spěšnje je so před něšto časom wokoło powědało a ludźi šokowało, zo budźe woblubowany a přeco derje wopytany Slepjanski hosćenc „K hadźacej krónje“ zawrjeny. To je nimo a nichtó so hižo za přičinami, čehodla tam swěcu hasnychu, njepraša. Wšako knježi w lokalu ze žurlu a pensiju a z krasnej piwowej zahrodu mjeztym zaso čiłe žiwjenje.
Tež serbske jědźe na planje
Martina Klinke stara so w hosćencu wo serwis. Tuž tam piwo toči a hosći z jědźemi a napojemi posłužuje. Tak tež w piwowej zahrodźe a na žurli.
Kamber Kamberi pochadźa z Makedonskeje. Po 30 lětach w Berlinje je so loni ze swój bu do Slepoho přesydlił, hdźež nětko hosćenc wotnaja.
