Spjećuja so Trumpej

štwórtk, 06. septembera 2018
artikl hódnoćić
(0 )

Washington (dpa/SN). W knježerstwje USA so po rozprawje anonymneho sobudźěłaćerja prezidentej Donaldej Trumpej aktiwnje spjećuja. Nowina New York Times wozjewi wčera anonymny hóstny přinošk. W nim mjez druhim rěka: „Mnozy z tych, kotrychž bě Trump pomjenował, su sej slubili wšitko činić, zo bychu demokratiske institucije kraja škitali a wopačnej politice Donalda Trumpa zadźěwali, doniž njebudźe hižo w zastojnstwje. Trump je na přinošk chětro hněwnje reagował, rěčo wo „přeradźe“.

Jubilej kubłanišća woswjećiłoj

Istanbul (dpa/SN). Druhi dźeń swojeho wopyta w Turkowskej je wonkowny minister Heiko Maas (SPD) zhromadnje ze swojim turkowskim kolegu Mevlütom Çavuşoğluwom 150lětne wobstaće němskeje šule w Istanbulu woswjećił. Politikarjej wuzběhnyštaj wulki symboliski wuznam kubłanišća za poćahi wobeju krajow. „Hdyž němsko-turkowske zhromadne dźěło tak derje funguje kaž tudy na šuli, potom smy hižo wjele docpěli“, Maas wuzběhny. Němsko-turkowske poćahi so po napjatosćach minjenych lět poněčim zaso polěpšeja.

10 000 ludźi přećiwo nacijam

wozjewjene w: Politika
Prošu přizjewće so, chceće-li komentar podać

nawěšk

nowostki LND