Pokiwy (15.02.19)

pjatk, 15. februara 2019
artikl hódnoćić
(0 )

Wo Jakubowym puću

Chrósćicy. Za jutře je sej Monika Gerde­sowa do swojeje putniskeje hospody w Chrósćicach Gerta Kleinsteubera z Delitzscha přeprosyła. Pod hesłom „Pěši po swěće“ móža zajimcy wot 19.45 hodź. zajimawu filmowu rozprawu wo Jaku­bowym puću w Portugalskej dožiwić.

Diskutuja wo šulstwje

Budyšin. Kak mysla Serbja wo ludowym namjeće za dlěše zhromadne wuknjenje w Sakskej? Z tymle prašenjom zaběra so podijowa diskusija póndźelu, 18. februara, wot 18.30 hodź. w Budyskim Serbskim domje. Jako rozmołwni partnerojo wobdźěla so Drježdźanski kubłanski wědomostnik prof. dr. Wolfgang Melzer, nawodnica Rěčneho centruma WITAJ dr. Beata Brězanowa a rěčnik syće za sakske šulske iniciatiwy Frank Döderlein. Moderaciju změje Andrea Roth ze zwjazka za zhromadne šule w Sakskej.

Měnjenska bursa symjenja

Chrjebja-Nowa Wjes. Hobbyjowi zahrodkarjo su zajutřišim, 17. februara, wot 14 do 17 hodź. na Ladušec statok w Chrjebi-Nowej Wsy na 10. měnjensku bursu symjenja přeprošeni.

Smochčanski forum

wozjewjene w: Pokiwy
Prošu přizjewće so, chceće-li komentar podać

Serbska debata

nowostki LND