Jedne z ćežišćow měrcowskeho wudaća kulturneho časopisa je serbski film. Z filmowcom Pětrom Symankom rozmołwjachmoj so wo jeho dźěle, serbskich korjenjach a njewšědnych powołanskich pućach. Jurij Łušćanski předstaji hišće raz skerje njeznate aspekty ze žiwjenja a skutkowanja serbskeho filmoweho stawiznarja Alfreda Krawca-Dźěwinskeho, kiž je w decembrje w starobje 84 lět zemrěł.