Šule Braniborskeje digitalizować

štwórtk, 25. julija 2019
artikl hódnoćić
(0 )

Krajne knježerstwo w Podstupimje wobšěrny program připowědźiło

Podstupim (dpa/SN). Na braniborskich šulach ma so přichodnje digitalne wuknjenje zmóžnić. Za to chcedźa přichodne pjeć lět we wobłuku tak mjenowaneho digitalneho pakta Zwjazka a krajow nimale 168 milionow eurow nałožować, kubłanska ministerka Britta Ernst (SPD) w Podstupimje zdźěli. Tak móža sej šule swójski W-lan zarjadować, digitalne šulske tafle (whiteboards) kupić a šulerjow z tabletami wuhotować.

„Dźěći, kotřiž lětsa do šule zastupja, maja prawdźepodobnje hač do lěta 2080 dźěłać“, Ernst rjekny. „Tohodla dyrbimy šulam do přichoda sahace wuhotowanje zmóžnić.“ Přichodne lěta chcedźa nimo toho wšitke šule k spěšnej internetnej syći přizamknyć.

Při tym njesměli žadyn čas brojić, namołwješe kubłanski fachowc opoziciskeje CDU w krajnym sejmje, Gordon Hoffmann. „Krajne knježerstwo dyrbješe přiznać, zo nima tuchwilu 80 procentow wšěch šulow ani spěšny internet, njerěčo scyła wo druhej modernej technice na polu digitalizacije.“

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND