Čěska kontrole podlěši

wutora, 05. meje 2020
artikl hódnoćić
(0 )

Praha (dpa/SN). Čěska podlěši swoje kontrole na mjezy k Němskej a Awstriskej znajmjeńša hač do 13. junija. To je knježerstwo ministerskeho prezidenta Andreja Babiša wčera wječor wobzamknyło. Hłowna přičina je bój přećiwo koronawirusej. Za čas hač do 17. meje podlěšeneho wuwzaćneho stawa njesmědźa žani wukrajnicy do kraja. Češa smědźa republiku wopušćić, dyrbja pak po nawróće do dwutydźenskeje karanteny abo negatiwny test korony předpołožić.

Zwjazk wučerjow spokojom

Berlin (dpa/SN). Zwjazk wučerjow Němskeje je spokojom na wčerawše wotewrjenje šulow za statysacy dźěći a młodostnych reagował. „Na najwjace zakładnych šulach je to derje fungowało, štož pokazuje, zo su tež dźesaćlětni kmani předpisy dodźeržeć, hdyž su wo trěbnosći přeswědčeni“, rjekny wiceprezident zwjazka wučerjow Hans-Peter Meidinger nowinarjam. W někotrych zwjazkowych krajach móžachu po zakónčacych rjadownjach wčera tež wšitke tamne zaso do šule.

Mjeza wostanje zawrjena

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND