Z Iranom so dojednali

wutora, 07. apryla 2015
artikl hódnoćić
(0 )

Obama ma deal za „jónkrótnu šansu žiwjenja“. Wšelake zhladowanja a wočakowanja na dojednanje wjedu k wobmyslenjam nastupajo wuskutki jednanjow na wuwiće w Iranje.

Washington (dpa/SN/K). Prezident USA Barack Obama je dojednanje z Iranom nastupajo atom jako „jónkrótnu šansu w žiwjenju“ napřećo masiwnej kritice z Israela zakitował. Kaž Barack Obama w interviewje z nowinu New York Times zwurazni, wón rozumi, zo so Israel wo swoju wěstotu starosći. Zdobom wšak Obama podšmórny, zo lěpšeje opcije njeje,­ znjemóžnić Iranej wobsydstwo atomowy­ch bróni.

Israelski ministerski prezident Benjamin Netanjahu bě do toho zwuraznił, zo chce wonemu „jara, jara špatnemu dojednanju“ w kóždym padźe zadźěwać, dokelž wohroža přežiwjenje Israela a Iranej k wobsydstwu atomoweje bomby skerje puć runa.“ Obama tomu znapřećiwi: „Štož móžu wam (Israelčanam) rjec, je sprěnja to, zo so Iran do wobsydstwa atomoweje bomby njedóstanje, a zdruha to, zo pó­sćelemy po wobzamknjenju zrěčenja Iranej­ a cyłemu regionej jasne poselstwo, zo budźe Amerika prezentna, dyrbjał-li něchtó Israel wohrozyć.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND