Skupinski foto wšěch na programje ­wobdźělenych ­čłonow a čłonkow Sorabije Lipsk.
Studenća mějachu wulke wjeselo, swoje nazwučowane choreografije na programje předstajić.
Akrobatiske reje su wuslědk mnohich probow w předpolu póstnic.
Hižo do zahajenja programa postarachu so Sorabičenjo wo dobru naladu.    

Skónčnje

zaso

na jewišćo!

fota: matej dźisławk (3), jan boguszfota: lucija škodźina~

Wukublanje JULEICA

Dwanaće wosobow wobdźěli so pod nawodom Alexandera Stockera a Lucije Škodźineje wot 13. do 15. januara, w Smoch­čanskim kubłanišću swjateho Bena na wukubłanju JuLeiCa (Jugendleitercard). Wone wobsteji z dweju modulow kaž tež z kursa prěnjeje pomocy. Mjez nimi běchu młoda wučerka, wjednik młodźinskeho kluba a dalši, kotřiž skupiny – kaž na přikład na nabožnym tydźenju – nawjeduja. We wukubłanju JuLeiCa zhonja zamołwići dźěćacych abo młodźinskich skupin, kak měli ze skupinami wobchadźeć, što maja wobkedźbo­wać a kak móža konflikty rozrisać. Nimo toho zaběrachu so tež z prawniskimi pozadkami a zeznachu wšelake metody, z kotrymiž móžeš zhromadny čas na kreatiwne a lóštne ­wašnje přežiwić. Na wukubłanju nadźěłane kompetency su za młodźinske cyłki jara wužitne. Tak je młodźina Pančicy-Kukow z.t. samo rozsudźiła, zo pod­pěra młodostnych z před­syd­stwa financielnje, hdyž so na wukubłanju JuLeiCa wobdźěla.

Nowosće ze swěta sporta

pjatk, 03. měrca 2023 spisane wot:
Foće: Jörg Stephan wolejbul

Před tydźenjomaj mějachu wolejbulisća Wiktorije Worklecy swojej předposlednjej domjacej hrě přećiwo Motorej Micktenej II (3:1) a ST Łužnicy (2:3) a sej na tutym hrajnym dnju štyri dypki wuwojowachu. Jutře wojuja Worklečenjo w swójskej hali wo dalše dypki, a to přećiwo direktnemu konkurentej z Koblic a Drježdźan­skemu cyłkej Sportoweho towarstwa Póšt II. K poslednjej hrě sezonje nastupja potom spočatk apryla w Coswigu přećiwo mustwu Coswig-Mišno. Z tuchwilu jědnaće dypkami ­steji ­mustwo Wiktorije Worklec na sedmym z dźewjeć městnow

w tabulce. Jurij Bjeńš

fota: feliks bukFoće: Konstantin Hrjehor kopańcaDruha połserija w amaterskej kopańcy zahaji so minjeny kónc tydźenja. We wokrjesnej wyšej lize wojowaštej hnydom serbskej mustwje z Ralbic a Radworja přećiwo sebi. Wjac hač sto přihladowarjow sej derby na ­twjerdym hrajnišću w Delanach wobhladaše a to na žadyn pad njewobžarowachu, wšako widźachu njewšědnu hru. W 30. min. dyrbješe Ralbičanski nadběhowar Měrćin Kurjat čerwjeneje karty dla hrajnišćo hižo wopušćić. Najebać to pak Radworčenjo, kotřiž hrajachu wjac hač 60 mjeńšin z mužom wjac, hru dobyć njemóžachu. Mjez druhim, dokelž přetřěli Johannes Wjacławk w běhu jedneje mjeńšiny hnydom dwě jědnatce – delanski wrotar Krystof Gloxyn jej wurjadnje parěrowaše. Dwě mjeńšinje na to docpě Bosćij Bejma po wuběrnej indiwiduelnej akciji dobyćerske wrota za Sokołow. Wšitke dalše serbske cyłki dotal hišće hrali njejsu! Jurij Bjeńš

Darts dale a woblubowaniši

pjatk, 03. měrca 2023 spisane wot:

osebje

w zym­skich mě­­­­­­sa­­­­­cach je darts woblubowana spor­to­wa družina, kiž móže so w dobrej stwě, garažach, młodźinskich klubach abo tež pod hołym njebjom hrać. Hižo z tradiciju je mjez­tym serbski dartowy turněr we Wotrowje, kiž je so lětsa po dwu­lětnej přestawce korona-pandemije dla skónčnje zaso pře­wjesć móhł – a to k hižo pjatemu razej! 32 hrajerjow hraješe we wosom skupinach najprjedy wo zaćah do finalnych hrow. Na kóncu wudoby sej wulki pokal Oliver Schmidt. Na dru­him a třećim měst­nje slědo­wa­­štaj Falko Peschmann a Tomaš Wićaz. tekst a fota: Feliks Buk


W
osebje

Kotre piwo směmWam poskićić?

pjatk, 24. februara 2023 spisane wot:

Slepjan Max Chójčka je sej swój són spjelnił a mału piwarnju załožił

Cyłych pjeć tydźenjow tajke prawe Slepjanske pilsenske trjeba, doniž zrałe njeje. Za warjenje piwa nimo sylneje ruki wosebje tež lubosć k detailej, sćerpliwosć a akribiju trjebaš. „Chcu ze swojim dźěłom něšto konkretne stworić – něšto, štož ludźi zwjesela a wokřewja,“ wopisuje 27lětny Max Chójčka přičiny, kotrež za jeho powołanskim sonom steja. W Slepjanskej korčmje swojeju staršeju „Sportlerklause“ sej wón wot spočatka lěta tutón són zwoprawdźa: mału piwarnju „Slepjanski piwowar“.

Žiwjenje a skutkowanje fararja Jana Pawoła Křižana

Jan Pawoł Křižan bě wot lěta 1883 do 1923 farar w Hodźiju. Za předsydu Maćicy Serbskeje bu 1903 wuzwoleny. Tele wysoke čestne zastojnstwo wukonješe w duchu lubosće a z njewšědnej znajo­mosću 20 lět, doniž 22. februara 1923 njezemrě. Jeho samospisany žiwjenjoběh, jeho chronika Hodźijskeje wosady kaž tež jeho mnohe přinoški w serbskich časopisach su drohotne swědki z časa kónc 19./spočatk 20. lětstotka. Křižanowe stote posmjertniny su za Hodźijsku ewangelsku wosadu přiležnosć, zhromadnje z Maćicu Serbskej tohole swěrneho dušepastyrja wopominać.

Pochad, dźěćatstwo a wukubłanje

Za awstralskej Serbowku Beverley Gotzky (1942–2023)

Z Awstralskeje je dóšła zrudźaca powěsć do Łužicy, zo je njedźelu, 5. februara, w starowni w Melbournje Beverley Gotzky w starobje 80 lět zemrěła. Wona bě potomnica serbskeju wupućowarjow Handrija Alberta z Rachlowa pod Čornobohom a Agnety Hajncec z Brězec pola Hrodźišća. Jako młodaj dorosćenaj běštaj wonaj 1848 zhromadnje Łužicu wopušćiłoj a so w Awstralskej woženiłoj. W Gnadenthalu w staće Victoria běštaj sej farmu na­twariłoj a sej swójbu z dźesać dźěćimi załožiłoj. 11. nowembra 1942 rodźena Beverley Agnes Curtis bě potomnica Albertec najstaršeho syna Jana.

Wot młodych lět hižo so Bev, kaž ju mjenowachu, za swój pochad zajimowaše, sej swoje serbske korjenje wot­krywaše a swoju wědu dalšim zajimcam dale dawaše. Serbsku rěč drje njeznaješe, ale po pochadźe čuješe so jako Serbowka.

Serbska literatka Róža Domašcyna koresponduje z koleginami-wuměłčemi a kolegami-wuměłcami z tu- a wukraja. Tónraz je so z tworjacej wuměłču a awtorku Angelu Hampel rozmołwjała.

Sće so we wobłuku swojeho wuměłstwa z figurami serbskeje mytologije zaběrała. Što je Was k tomu pohnuło?

A. Hampel: Sym na mjezy serbskeho rěčneho ruma wotrostła, přez čož dóstach tójšto optiskich a akustiskich zaćišćow, kotrež su zahe wotpowědny zajim we mni zbudźili. K tomu přińdźetej knize, kotrejž přewšo lubuju: „Serbske powěsće“ a Jurja Brězanowy „Krabat“. Swojeho skutkowanja jako fachowa lěsniska dźěłaćerka a w Kamjenskim wokrjesnym kulturnym domje kaž tež pozdźišeho wječorneho studija w Budyšinje dla njejsym kontakt k serbšćinje ženje cyle zhubiła. Zda so mi tuž logiske, zo tole tež do swojeho dźěła zapřijimam. Nimo toho sym na nastork Gerharda Wolfa serbsku basnicu Róžu Domašcynu zeznała a sej wažić nawuknyła.

Kotra z mytiskich figurow je Was najbóle jimała resp. Waše dźěło najbóle wobwliwowała?

Twori skulptury ze zdónkow a korjenjow

pjatk, 17. februara 2023 spisane wot:

Wopyt pola drjewoweho wuměłca Thomasa Schwarza w Slepom

Na bywšej wojerskej ležownosći Sowjetskeje armeje zwonka Slepoho wón ze swójbu bydli. Wulka tafla „Drjewowy wuměłc Thomas Schwarz“ na kromje Grodkowskeje dróhi w lěsu nimo jěducemu hnydom napadnje. Někotrehožkuli tafla wabi pozastać a so informować, što so za njej chowa. Tež ja chcu wjace wo žiwjenju a dźěle wuměłca zhonić.

Wosrjedź ležownosće steji dołhe twarjenje, bywši kulturny dom wojerstwa, a na wšelakich městnosćach zahrody wuhladaš drjewjane skulptury, zhotowjene ze zdónkow wotemrětych štomow. „Dam jim ze swojim wuměłskim dźěłom znowa wožiwić“, praji Thomas Schwarz, kiž mje wita, widźo, zo sej twórby ze zajimom wobhladuju a je wobdźiwam. Wone su přićahliwe, zbudźa wćipnosć, što ze zdónkow a korjenjow starych štomow rěči. Fascinowacy to wobraz na zahrodźe a wopytowarja wobkuzłacy.

Serbska debata

nowostki LND