Wuhódanje wužadanje było
pjatk, 31. julija 2020
spisane wot: Marian Wjeńka
Dowolowu křižowku Serbskich Nowin wuhódać drje bě čitarjam předwčerawšim wosebite wužadanje. Nic, dokelž by wona přećežka była, ale dokelž je so při zestajenju misnjenje stało. Prěni pismik wuhódanja „Rjane dožiwjenja“ w křižowce mjenujcy na žanym městnje woznamjenjeny njebě. Štóž je hač na tón jedyn wšitke tamne pismiki prawje zwěsćił, móhł sej snano myslić, zo je „pjane dožiwjenja“ prawa wotmołwa. Tomu wězo tak njebě. Redakcija SN so tuž zamołwja. Lětsa wšak móhli wšitko na koronu wotsuwać, kotrejež dla je so wšo a wšitko z woporom stało. Nětko samo pismik w křižowce.
Zo by jězba z awtom do dowola wěsta była, poručeja fachowcy ...
pjatk, 24. julija 2020
spisane wot: Měrćin Weclich
Zo by jězba z awtom do dowola wěsta była, poručeja fachowcy šoferam znajmjeńša kóždej dwě hodźinje přestawku na parkowanišću. Wostudu w běhu jězby zahnać wšak móžeće sej z hudźbu. Tež nowše serbske spěwy hodźa so z internetneje strony Serbskeho rozhłosa na ličak sćahnyć a tak w awće přez USB poskać. Foto: romrodinka/iStockphoto
Z psami w Budyšinje trenowali
pjatk, 24. julija 2020
spisane wot: Janek Wowčer
Z třomi pytanskimi psami – zwěrjata su na pytanje wosobow specializowane – su wjacori sobudźěłaćerjo Naustadtskeje šule za słužbne psy wčera při tachantskej cyrkwi w sprjewinym měsće namakanje wosobow trenowali. Mjez nimi bě tež wodźerka-policistka Claudia ze ćulu Chiru (na wobrazu). Kaž zastojnicy rozłožichu, trenuja prawidłownje tydźensce jónu, a to stajnje na hinašim městnje a z hinašimi wosobami. Přidatnje přewjeduja z psami jónu měsačnje cyły treningowy kónc tydźenja. Po wšej Sakskej je šěsć psow wukubłanych na pytanje ludźi. Dalšeju hišće wukubłuja, štož traje dohromady tři lěta. Cyłkownje maja w swobodnym staće pjeć psyčich staflow, při čimž su zwěrjata na wšelake nadawki, kaž na přikład na namakanje slědow, specializowane. Foto: SN/Hanka Šěnec
Płastowka (24.07.20)
pjatk, 24. julija 2020
spisane wot: Mikławš Krawc
1 družina sadu, 2 dźeń tydźenja, 3 koło, 4 dalša družina sadu, 5 hora w Turkowskej, 6 wjetše mnóstwo, 7 nimo spěchać, 8 planet, 9 žónske předmjeno
Po tym zo bě Budyski jewišćowy lud na njedawnym swójbnym ...
pjatk, 17. julija 2020
spisane wot: Měrćin Weclich
Po tym zo bě Budyski jewišćowy lud na njedawnym swójbnym swjedźenju we Wojerowskej Kulturnej fabrice (Kufa) z programom „Šula z klawnom“ wjele přikleska žnjał, wotměje so na ležownosći Kufa njedźelu, 19. julija, dalši tajki swjedźeń. Wjeselić móža so swójby wot 14 hodź. na program ze spěwytwórcomaj Leichtfuß & Liederliesel. Zastup je darmotny. Foto: Gernot Menzel
Křižowka (17.07.20)
pjatk, 17. julija 2020
spisane wot: Mikławš Krawc
Wodorunje: 3 družina žita, 5 nadoba za kupanje, 6 trik, kuzłanje, 7 nimale/bórze, 10 jednotka kajkosće bencina, 13 pokazuja jón w kinje, 14 dźěl kolesowarskeho wubědźowanja, 15 nic wjele
Padorunje: 1 žeńtwa, 2 łaćonsce: w lěće, 3 brěmješko, 4 nic nutřka, 8 wjedro, 9 partner Julije, 11 rybjacy tuk němsce, 12 přitok Dunaja
W Zarěčanskej Konsumowej galeriji pokazuja tuchwilu wustajeńcu ...
pjatk, 10. julija 2020
spisane wot: Měrćin Weclich
W Zarěčanskej Konsumowej galeriji pokazuja tuchwilu wustajeńcu „Lětni són“ z twórbami Sabiny Kambachoweje (na foće). Wopyt rumnosće je pod dodźerženjom wěstotnych prawidłow wot póndźele do pjatka wot 16 do 20 hodź., sobotu, njedźelu a swjate dny wot 10 do 20 hodź. móžny. Přehladka je hač do 30. septembra přistupna. Foto: Hagen Kambach
Cyły tydźeń serbske temy na MDR
pjatk, 10. julija 2020
spisane wot: Milenka Rječcyna
Lipsk (SN/MiR). MDR je wčera w rozhłosu, telewizy a online zahajił tydźenski program ze serbskimi temami. W telewizy pokazaja mjez druhim 13. julija premjeru hrajneho filma DEFY z titulom „Žedźba“. Wot 13. do 17. julija rozprawja Olenka Pilz we wusyłanjomaj „MDR um 2“ a „MDR um 4“ mjez druhim z Njebjelčic, Slepoho, Čorneho Chołmca a Worklec. Danko Handrik poda so w magacinje MDR AKTUELL na slědy Serbow w Čěskej. Magacin „Umschau“ wotkrywa Błóta jako turistisku atrakciju. SACHSENSPIEGEL zaběra so mj. dr. z digitalizaciju serbskeje rěče, akceptancu serbskeho w zjawnym žiwjenju a ze serbskimi młodymi hudźbnikami. We wusyłanju „glaubwürdig“ jutře wječor dožiwiće Benedikta Dyrlicha. Radijo MDR Sakska wěnuje so serbskim cyłkam w Drježdźanach a Lipsku. Wusyłać chcedźa portret dźiwadźelnicy Gabriele Marije Šmajdźineje. Kulturne radijo rozprawja wo Serbskim muzeju w Budyšinje a poda so na slědy potomnikow Krabata. Wšelake přinoški budu widźeć mj. dr. na Facebooku a Instagramje. Pod www.mdr.de/serbski-program podawaja za wužiwarjow programowy přehlad temoweho tydźenja.
Linija (10.07.20)
pjatk, 10. julija 2020
spisane wot: Mikławš Krawc
Jeli wot wupokazaneho spočatka dale dźeće, wučitaće linku spěwa.
Kaž Klarissa Kaiser (na foće) su mnozy pućowacy přeco zaso ...
pjatk, 03. julija 2020
spisane wot: Měrćin Weclich
Kaž Klarissa Kaiser (na foće) su mnozy pućowacy přeco zaso zahorjeni, hdyž sej hoberski dub při Cyhelowym haće pola Delnjeje Hórki wobhladuja. Před poł lětom pak je 37lětny skućićel něhdźe 800 lět stary štom zapalił. Nadźijomnje so wosebje škitany dub zaso zhraba. Wšako wón mnohim, tež turistam, w pomjatku wostanje. Foto: Steffen Unger
