„Što sej na swójbje wosebje wažu“ je prašenje, na kotrež wčera w Budyskim žónskim centrumje wotewrjena wustajeńca „Meine Familie(n)“ z dohromady 65 wobrazami a rysowankami wotmołwja. Přehladka twori zazběh rjadu zarjadowanjow a akcijow, kotrež maja „pokazać, kak rozdźělnje hodźi so hesło ‚swójba‘ rozumić“. Foto: Carmen Schumann

Wjele zboža dobyćerjam

póndźela, 27. junija 2022 spisane wot:
Budyšin (SN). Škotowe karty z wobrazami čłonow Serbskeho mustwa, kotrež su Serbske Nowiny minjeny štwórtk wulosowali, běchu jatra woblubowane. Mnozy su so wo nje prócowali a so na akciji SN wobdźělili, wutrobny dźak za to. Prěni třo dóstanu přichodne dny stajnje jedyn kartowy set připósłany, to su Andreja Wałdźina z Pěskec, Florian Matka z Chrósćic a Tadej Krječmar ze Serbskich Pazlic. Redakcija Serbskich Nowin přeje dobyćerjam wjele wjesela z kartami.

Pod hesłom „Angela Hampel – wuměłstwowa twórba“ je tuchwilu w Drježdźanskej Měšćanskej galeriji wustajeńca we Worklecach rodźeneje a dźensa w Drježdźanach bydlaceje wuměłče widźeć. Wona je někotre knihi Róže Domašcyneje ilustrowała. ­Prěnja wobšěrna prezentacija twórbow Angele Hampel w sakskej stolicy je hač do 11. septembra přistupna. Foto: Sophie Arlet

Čitajće w nowym rozhledźe (24.06.22)

pjatk, 24. junija 2022 spisane wot:

Dnja 2. awgusta před sto lětami narodźi so wuznamny moler Jan Buk. Na njeho spominamy jónu z titulnym wobrazom „Agrarne lětadło“ z lěta 1979. A w ramiku lětneje serije literarnych tekstow k jeho twórbam „Kóždy wobraz je nowy započatk“ jima so Christiana Piniekowa pjera a předstaji Buka jako wučerja za wuměłske kubłanje. Jako tajki běše hač do 1976 skutkował, prjedy hač bu swobodny wuměłc. Hewak steji w aktualnym Rozhledźe literatura w najšěršim zmysle w srjedźišću. Tak je so Marka Maćijowa ze spisowaćelku Měrku Mětowej rozmołwjała, kotraž powěda, kak je k pisanju přišła, zwotkel bjerje swoje temy a kotre plany ma za přichod. Takrjec jako doporučenje k čitanju wozjewimy dwě recensiji, a to jónu fundowanu a wěcywustojnu Dušana Hajduka-Veljkovića k zběrce „Stop a stup. ­Powědki, miniatury, eseje“ Měrany Cu­šcyneje. A Borbora Zyndźic je sej roman „Bjez čriji“ Ivony Březinoveje přečitała, kotryž staj Pětr Šołta a Jana Štillerová z čěšćiny přełožiłoj. Nimo toho wozjewimy literarnu skicu „Lejawa“ Ingrid Hustetoweje a basni „Marionety“ Ivana Wernischa a „Přeprošenje“ z pjera Oriah Mountain Dreamer.

Dźiwadłowa bróžeń w Nowych Jěžercach (Neugersdorf) prezentuje we wobłuku swojeho tradicionalneho junijskeho winoweho swjedźenja lětsa koncertaj pod hesłom „Romantiske gitarowe zynki a wubrane, ekskwizitne francoske kapki“, a to 24. a 25. junija. Wirtuoza David Sick (naprawo) interpretuje swójske kaž tež cuze kompozicije. Foto: Susanne Wieltsch

Křižowka (17.06.22)

pjatk, 17. junija 2022 spisane wot:

Wodorunje: 3 přepodaća k hodam, 5 přichodny dźeń, 6 narody, 7 nic zyma, 10 muske předmjeno, 13 dźěl ćěła, 14 dźělčk wody, 15 typ sowjetskich awtow

Padorunje: 1 ličba, 2 zastaće, 3 farar w Ralbicach, 4 lědma, w snadnej ličbje, 8 něhdy přistaw Roma, 9 městno k sedźenju, 11 nic wótry, 12 přitok Dunaja

„Na zabytych slědach“ rěka nowa wustajeńca, kotruž su wutoru w Budyskej Serbskej kulturnej informaciji wotewrěli. Widźeć su wuslědki lońšeje dźěłarnički pod nawodom Maje Nageloweje, kotruž bě Spěchowanski kruh za serbsku ludowu kulturu w 30. lěće swojeho wobstaća w Delnim Wujězdźe organizował. Lea Suchec ze Sulšec słužeše wobdźělnikam, mjez kotrymiž běše tež Marko Bruk (naprawo), jako model w katolskej drasće. Přehladka w SKI je hač do srjedź awgusta přistupna. Foto: SN/Božena Šimanec

Křižowka (03.06.22)

pjatk, 03. junija 2022 spisane wot:

Wodorunje: 1 šesty měsac, 6 sudobjo, 10 swójbna, 12 muza astronomije, 13 wjes pola Lubnjowa, 14 Schlange serbsce, 15 grjekska stolica, 17 ... a podłu, 18 swjaty byk-ćělc Egyptowčanow, 20 často, 21 wjes w Delanach, 23 Zjednoćene staty, 24 hłuboka dźěra, 26 alfabet, 29 tebi

Padorunje: 1 nic sewjer, 2 planet, 3 nic pod, 4 štož je moderne, je ..., 5 ródna wjes Bjarnata Krawca, 7 přećiwo, 8 wubědźowanišćo, 9 swójbny, 10 ludowje: nje­zmysł, 11 čěske město, 15 podłožki sudnistwa, 16 psej słušacy, 17 lěta w powětře, 18 něhdyša šwedska skupina, 19 typ ćahow, 20 čěski reformator, 21 něhdyši němski zwjazkowy prezident, 22 Los ­Angeles, 24 wosobinski pronomen, 25 motorske NDR

Křižowka (27.05.22)

pjatk, 27. meje 2022 spisane wot:

Wodorunje: 3 12 měsacow, 5 najlěpši, nawjedowacy, 6 kubłanišćo, 7 štom, 10 popřewaćel, 13 daloko-, 14 ryba, 15 hłuboka dźěra

Padorunje: 1 typ němskich awtow, 2 muske předmjeno, 3 zwěrjo, 4 kwětka nalěća, 8 ze štomami wobdata dróha, 9 myslička, 11 zwjazanosć z Bohom, 12 forma zabawy

Julia Klingnerec je tele dny jako rjekowka inscenacije „Čmjeła Hana chce do dowola lećeć“ we łužiskich pěstowarnjach widźeć. Na nowy tydźeń hraje w Myšecach a Ćisku. Foto: SN/Božena Šimanec

Serbska debata

nowostki LND