Dźěłowa skupina FUEN so w Lubnjowje na wuměnu nazhonjenjow zešła
Lubnjow (SN/MiP). „Serbja njejsu sonjerjo. Woni su aktiwni, woni jednaja. Woni su přewšo kmani přežiwić – to nam stawiznopis jasnje pokazuje.“ Z tutymi słowami wuzběhny Sewjerny Friza Bahne Bahnsen, rěčnik dźěłoweho zjednoćenstwa „AG Non-Kin-State“ pod třěchu Federalistiskeje unije europskich narodnosćow (FUEN), swoje připóznaće narodnostneho dźěła Serbow. W swojej wotewrjenskej narěči na lětnym schadźowanju zastupnikow europskich mjeńšin bjez maćerneho kraja, kotrež zarjaduje FUEN w kooperaciji z Domowinu hač do pjatka w Lubnjowje, zwurazni wón tež wočakowanje, „zo tu wjele wužitneho wot Serbow zhonimy a sej tón abo tamny impuls sobu wozmjemy“.
Pod hesłom „Slavic folk – Běły hłós a serbski spěw“ wuhotuje Walburga Wałdźic kónc lětušeje meje dalši, wospjet we wobłuku wubědźowanja simul+ wuznamjenjeny a spěchowany spěwny kurs za žony. Bosćan Nawka je so z njej rozmołwjał.
Knjeni Wałdźic, „běły hłós“ je wopřijeće, kotrež měło so najskerje někotremužkuli čitarjej najprjedy raz rozłožić. Što so za tymle wopisowanjom chowa?
W. Wałdźic: „Běły hłós“ je tež „kyrkowe spěwanje“ mjenowane wašnje wutworić zynki, kotrež pěstuja – po rozdźělnych barbach – po cyłym swěće a kotrež je za tójšto kulturow z typiskim elementom ludoweje hudźby. Nastupajo Europu su w tym zwisku drje bołharske a pólske žónske skupiny resp. spěwarki, kaž na přikład Walja Balkanska, Angelite abo Laboratorium Pieśni, najznaćiše. Podobnu techniku nałožuja Samojo z jich joikom. We Łužicy pěstowachu po tymle wašnju spěwać předewšěm w Slepom a wokolinje – mjenować měli so tu předewšěm kantorki –, mjeztym pak je tu lědma hižo štó wobknježi.
Budyšin (CS/SN). Hižo něšto lět so Jurij Łušćanski prócuje, serbskeho wuměłca Jurja Hajnu zjawnosći zbližić. Wuslědki swojich rešeršow předstaji wón předwčerawšim w Budyskeje měšćanskej bibliotece čłonam staroměšćanskeho towarstwa. Zahajiwši přednošk skorigowa najprjedy někotre wopačne podaća, kotrež we wšelakich žórłach kursěruja. Wuměłc „njeje so mjenujcy w Židowje narodźił, ale we Wjerinej chěžce, kotruž je pozdźišo tež wuměłsce zapopadnył. Swoje prěnje twórby stwori w času wukubłanja w Litografiskim wuměłstwowym wustawje bratrow Weigang.“ Hajna narodźi so w lěće 1877. Tohodla chce Łušćanski wuměłca w lěće 2027 składnostnje jeho 150. narodninow počesćić. „Hišće je čas, wo tym rozmyslować, kotra formje je w tym zwisku najkmańša.“
SJ Chrósćicy –Rakečanske ST 1:4 (1:0)Zestawa domjacych: Králíček – L. Zahrodnik, F. Cyž, Kreuz, Hawš, Matješk, M. Zahrodnik, G. Zahrodnik, Graf (72. Rätze), Młynk (20. Mark (72. Wencel)), MatikNjedźelu wotmě so za SJC třeći derby zasobu, jako dojědźechu sej koparjo z Rakec do Chróšćan stadiona.Domjacy spytachu so znowa najprjedy na nadawki w škiće koncentrować a přez spěšne nadběhi k šansam přińć. Hosćo předewzachu sej hru kontrolować. Tola prěnje wrota padnychu za domjacych. Po přihrawce Oskara Hawša přesadźi so Damian Matik do šěsnatki a suny bul k 1:0 w 13. min. do saka. Hra bě po tym wotewrjena. Jasne šansy pak sej wobaj cyłkaj njewuhraštej. Sudnik měješe tójšto za dźěło, wšako so foule w srjedźnym polu kopjachu. Chróšćenjo sej w běhu prěnjeho połčasa mało dobrych móžnosćow wuhrachu. Na druhej stronje běchu Rakečenjo kónc prěnjeho přechoda ći aktiwniši a so přeco zaso strašnje před wrotami Petra Králíčeka jewjachu. Wrota pak njedocpěchu a tak dźeše ze snadnym předskokom do połčasa. ...
Pilotowy projekt policistow na kolesu je Zhorjelska policajska direkcija zahajiła. Wotnětka wukonjeja zastojnicy słužbu na swojim elektriskim kolesu tež w Budyšinje a Hodźiju. Sylvia Schröter budźe ze swojim kolegu Christopherom Lindnerom (hlej wobraz) we Łužiskej jězorinje po puću. Wobydlerjo maja składnosć, kolesowacych policistow direktnje narěčeć. Foto: PD
Łužiska hala we Wojerecach swjeći kulojte narodninyWojerecy (SiR/SN). Hdyž je twarjenje 40 lět stare, móžeš wo nim mnohe stawiznički powědać. Tak bě to tež tele dny při zetkanju z někotrymi sobudźěłaćerjemi Wojerowskeje Łužiskeje hale, jako so dopomnjenki na zašłe časy jenož tak wužórlichu. Dirk Rolka někotružkuli anekdotu ze zašłych časow znaje. Dźensniši jednaćel Łužiskeje hale bě so něhdy jako młodostny na rěčenskim kursu wobdźělił. Dorostowi moderatorojo dóstachu dohlad do wšelakich wobłukow domu a smědźachu w kabaretnych předstajenjach sobu skutkować. Tehdy bě we Łužiskej hali hišće młodźinski klub zaměstnjeny. Na diskotekach smědźeše so jenož 40 procentow zapadneje hudźby hrać, zbytk měješe z wuchoda być.
25.4. – 1.5.2024Budyski filmowy palast:The Fall Guy: wu a srj 14:20, 17:20 a 20:00 | wu 22:40 Civil War: wšědnje 17:10: pj, so a wu 22:00 Abigail: wšědnje 18:00 (nimo štw a nj)| štw, pj, pó a wu 19:30 | so, nj a srj 20:30 | pj, so a wu 22:50 Challengers – Rivalen: wšědnje 17:00 a 20:00 (nimo wu a srj) | wu a srj 19:45 Spy x Family Code: White: štw, pj, so a nj 18:00 Chantal im Märchenland: wšědnje 14:40 (nimo štw a pó), 17:20 a 20:30 (nimo pó) | so a wu 22:00 | pj 22:30 Das Geheimnis von la Mancha: so 14:30 Max und die Wilde 7 – Die Geister-Oma: so 14:30 | srj 14:30 a 16:10 Back to Black: wšědnje 17:20 (nimo wu a srj) a 20:00 Das Erste Omen: wšědnje 20:15 (nimo wu a srj) | pj, so a wu 23:00 Godzilla x Kong: The New Empire: štw, pj, so a nj 19:45 | wu a srj 20:15 pj a so 22:10 | wu 22:30 Dune: Part Two: pj, nj a srj 14:40 Sneak Preview: pó 20:00 Bei uns heisst sie Hanka: wšědnje 16:00 a 18:20 (nimo pó) | nj a srj 12:30 | pó 17:40 One Life: nj a srj 12:20 Monkey Man: pj, so a wu 22:3 ...
Mnichow (SN). Akciska rada za kubłanje je tele dny swoju aktualnu rozprawu dźěławosće wudała. W njej wěnuja so kubłanscy fachowcy, pedagogojo a socialni wědomostnicy z cyłeje Němskeje a Šwicarskeje lětsa w prěnim rjedźe wobchadźenju z prawicarskimi tendencami na kubłanišćach. Woni žadaja sej w dokumenće pod hesłom „Kubłanje a socialna zwjazanosć“ na kubłanišćach jasne wuprajenja přećiwo antidemokratam. Wolfram Hatz, prezident Zhromadnosće Bayerskeho hospodarstwa z.t. (vbw), je při wotewrjenju zarjadowanja wuzběhnył, zo ma starobje wotpowědowace spěchowanje rěče za socialnu zwjazanosć wysoku hódnotu. Čłonojo kruha skedźbnichu na kongresu wčera w Mnichowje na nowy posudk fachowcow, kiž jasnje pokazuje, zo móže kubłanski system při sylnjenju socialneje zwjazanosće mjez dźěćimi a młodostnymi pomhać. Nimale 150 strony wopřijacy dokument móžeće bjezpłatnje pod www.bildunginbayern.de/ueber-uns/aktionsrat-bildung čitać. Mjeztym je kruh hižo wjace hač 20 posudkow na wšelake temy wudał. ...
