Šulerjo sněhakować wuknyli

srjeda, 27. januara 2016
artikl hódnoćić
(0 )
W krasnej zymskej přirodźe čěskeho Bedřichova su šulerjo 7. lětnika Worklečanskeje wyšeje šule sněhakować wuknyli. Foto: Franciska Zopic W krasnej zymskej přirodźe čěskeho Bedřichova su šulerjo 7. lětnika Worklečanskeje wyšeje šule sněhakować wuknyli. Foto: Franciska Zopic

19 šulerjow 7. lětnika Serbskeje wyšeje šule „Michał Hórnik“ Worklecy přebywaše minjeny tydźeń štyri­ dny w sněhakowanskim lěhwje w čěskim Bedřichovje. Pobrachowaceho sněha dla dyrbjachu lěhwo najprjedy wo tydźeń přesunyć. Zo su so prawje rozsudźili, pokazachu hromady sněha, kotrež běchu so w tym času našli. Pisty běchu spřihotowane a wuměnjenja za sněhakowanje optimalne.

Je hižo z wjelelětnej tradiciju, zo jězdźa Worklečanscy šulerjo do ­Jizerskich horin a tam sněhakować ­wuknu. Nimo sportoweju wučerjow Křesćana Bejmaka a Simony ­Eckertoweje staraštaj so tež čěskaj wučerjej wo nich. Profesionelnje a žortnje a přiwšěm čućiwje wobchadźachu wšitcy štyrjo ze strachami šulerjow, kotřiž prěni raz horu dele sněhakowachu. Socialna dźěłaćerka Rěčneho centruma WITAJ Franciska Zopic je młodostnych sobu přewodźała.

wozjewjene w: Serbski powěstnik
Prošu přizjewće so, chceće-li komentar podać

Serbska debata

nowostki LND