Proby jara intensiwne a wunošne

wutora, 08. měrca 2016
artikl hódnoćić
(0 )
Samo pišćele móžachu spěwarjo Serbskeho muskeho chóra Delany w Zhorjelskim zwučowanskim lěhwje za proby wužiwać.  Foto: Měrko Korjeńk Samo pišćele móžachu spěwarjo Serbskeho muskeho chóra Delany w Zhorjelskim zwučowanskim lěhwje za proby wužiwać. Foto: Měrko Korjeńk

Zhorjelc/Konjecy. Serbski muski chór Delany je so njedźelu popołdnju z tři­dnjowskeho zwučowanskeho lěhwa nawróćił. Přewjedli běchu je w młodowni ewangelskeho młodźinskeho towarstwa CVJM wosrjedź stareho města Zhorjelca. „Hospodu poručił je nam chór Bu­dyšin, kiž bě tam hižo raz zwučowanski kónc tydźenja přewjedł. Loni běchmy prěni króć tam, a nam so přede­wšěm zwučowanske wuměnjenja lubja­- chu. Wšako maš w młodowni, kotraž bě ně­hdy hudźbna šula, nimo dweju zwučowanskeju rumnosćow z klawěromaj-kři­dłomaj dalšu z pišćelemi, štož je za nas jara přijomne“, powěda předsyda delanskeho muskeho spěwneho cyłka Janek Wowčer.

Dohromady je tak wot pjatka wječora do njedźele připołdnja cyłkownje 22 muži w Zhorjelskej młodowni wjacore serbske a słowjanske pěsnje nawuknyło abo skrućiło kaž tež dźěle łaćonskeje mšě, kotrež­ chcyli tež w serbskich wosadach předstajeć. Proby zaručili su z Handrijom Henčlom, Pawołom Šołtu-Kulowskim a Chrystofom Mikławškom hnydom třo dirigenća a hudźbnicy. Tak běchu zwučowanja po hłosowych skupinach jara intensiwne a wunošne.

wozjewjene w: Serbski powěstnik
Prošu přizjewće so, chceće-li komentar podać

nawěšk

nowostki LND