„Ženje njepřestać“ je jeje hesło

póndźela, 24. septembera 2018
artikl hódnoćić
(0 )
 Marja Michałkowa je tež jako wuměnkarka njeparujomna.  Foto: SN/Maćij Bulank Marja Michałkowa je tež jako wuměnkarka njeparujomna. Foto: SN/Maćij Bulank

Budyšin (CRM/SN). Na kónc rozmołwy minjenu srjedu wječor w Ekumeniskim tachantskim wobchodźe staji moderator Andreas Deckwart bywšej mnoholětnej čłonce zwjazkoweho sejma w Berlinje, Mariji Michałkowej stajnje zaso wužiwane prašenje: „Što je Waše žiwjenske hesło?“ Bjez dołheho přemyslowanja wona wotmołwi: „Ženje njepřestać!“ To jej wosebje ći, kotřiž ju lěta dołho znaja, radlubje wěrjachu. Zaměrnosć a wěrnosć jako žiwjenski eliksěr ćehnještej so tež přez cyłu rozmołwu.

Cyžecy w Měrkowje běchu serbscy katolscy žiwnosćerjo, kotřiž njeběchu jenož z domiznu a cyrkwinskim žiwjenjom wusko zwjazani, ale angažowachu so za serbsku spěwnu kulturu a komunalnu politiku. Bohužel schorje a zemrě nan třoch dźěći přewšo zahe a Marja dyrbješe sčasom tež doma kruće zapřimnyć. Njeń- dźeše tež do Budyšina na šulu, ale nawukny běrowowe powołanje, w kotrymž so dale wukmanješe. Z mandźelskim Wolfgangom wutwarištaj sej w Lichanju hospodarske twarjenje jeho staršeju, a to tež jako doma za swoje tři dźěći.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND