Liški před zachowanjom klasy

srjeda, 23. měrca 2022 spisane wot:
Wo čornu tačel w Běłowodźanskej liščej jamje wojowachu wčera mjez druhim Eric Valentin (nalěwo, Liški), Richard Müller (srjedźa, Liški) a Thomas Brandl (naprawo, Tölzske lawy). Před wjac hač 1 800 přihladowarjemi su Łužiske lodohojekowe liški štwórtu z maksimalnje sydom hrow 3:2 dobyli (1:1, 1:0, 1;1). Nětko dyrbja wone jenož­ hišće jednu z třoch zbywacych dobyć, wšako w seriji „najlěpši wot sydom“ z 3:1 nawjeduja. Pjatk hraja w Bad Tölzu, njedźelu w Běłej Wodźe a přichodnu wutoru hišće raz w Bayerskej. Stadionowy rěčnik Běłowodźanow Branko Frischke pak je so wčera z hornjołužiskim přiwiskom takle rozžohnował: „Mam was jara rady. Ale njedźelu was tu w liščej jamje widźeć nochcu.“ Jeli Liški mjenujcy duel w Bad Tölzu zajutřišim dobudu, tamnej dwaj hižo njebudźetej. Foto: Thomas Heide

Po tym zo dyrbjachu wolejbulisća wokrjes­neje klasy wuchod wot oktobra přestawku korony dla zapołožić, móža woni wot kónca februara zaso trenować. Nachwatanja dypkowych hrow dla pak je hrajny plan klóšterskich muži chětro połny. Tak kiwaštej po jeničce třoch treningowych jednotkach ­hnydom dwě dypkowej hrě za sobu, a to přećiwo načolnikej tabulki.

Za ST Marijinu hwězdu we wšěch hrach zasadźeni běchu: Marko Kowar, Pedro Libš, Lukas Lubic, Marko Smoła, Pětr Bobka, Benedikt Smoła, Tobias Rätzela, Frank Šnajder, Jörg Reimann, Metod ­Šołta.

Hrě doma w Pančicach-Kukowje

ST Marijina hwězda – Šumbachske VV 2:0 (25:10, 25:22)

Jako prěni přećiwnik stejachu mužojo ze Šum­bacha na parkeće Pančičanskeje hale. Tež hdyž su snano tróšku starši, maja woni wěstu rutinu. Domjacy pak běchu połni elana a chcychu skónčnje zaso pokazać, što w nich tči. Tak započa so hra tež z rjanej seriju nadaćow a nadběhow, na kotruž njemóžachu hosćo prawje reagować. Dypki za Pančanow jenož tak lětachu, a tak skónči so prěnja sadźba po mjezystawje 16:5 spěšnje z 25:10.

Dobry test a furiozna kónčna faza

wutora, 22. měrca 2022 spisane wot:

Turbina Drježdźany –

Sokoł Ralbicy/Hórki 2:3 (0:1)

Za hosći zasadźeni: Schöne – Šewc, Rawš, Wałda, Hrjehor, Gloxyn, Korjeńk, Janca, Šiman, Nuk, Šołta, Kocor, Budar, Matka, Bejma

Njedźelu podachu so koparjo Sokoła Ralbicy/Hórki do sakskeje kraj­ne­je stolicy, zo bychu tam z mustwom měšćanskeje wyšeje ligi testowu hru přewje­dli. Bě to potajkim test mjez samsnymaj ligomaj na jenakej runinje. Na kumštnym trawniku drje njemóžeše trenar Chrystof Gloxyn z połneho čerpać, ale běše zwólniwy nowy system wuspytać.

Domjacy započachu sebjewědomje a wuhrachu sej na spočatku hnydom dwě wulkej šansy. Ralbičenjo bul přespěšnje zhubichu, a Turbina je skićace so rumy derje wužiła. Po róžku w 19. min. mějachu Sokoljo zbožo, jako hrajny nastroj wrota snadnje misny. Wrotar Willi Schöne měješe derje sobu hrać a wosta na přikład w 25. min. dobyćer přećiwo Drježdźanskemu nadběhowarjej. Poprawom dyrbjeli hosćićeljo hižo dawno nawjedować, ale před wrotami su jim kaž w 29. min. čuwy zaprajili. Tuž Ralbičenjo po poł hodźinje nawjedowachu. Dawid Šołta přesadźi so na lěwej stronje a nisko do dołheho kuta přetwori.

Toni Ritter (17, Běła Woda) a Stephane Doering (16, Běła Woda) staj zhromadnje z mustwom Łužiskich lodohokejowych liškow dotal dwě z třoch hrow přećiwo zestupej dobyłoj. Dwójce přesadźichu so Běłowodźenjo w Bad Tölzu ze 6:3. Dźensa woni znowa hraja, a to zaso doma. Foto: Thomas Heide

Prěni test njerozsudnje wušoł

wutora, 22. měrca 2022 spisane wot:

ST Hnašecy-Dobruša –

ST 1922 Radwor 2:2 (1:2)

Za hosći zasadźeni: Nuk – Šěrak, H. Hetaš, Wjacławk, Glücklich, Jendrewski, K. Hetaš, Krječmar, Paška, Wjeńka, Grubert, Grenzemann, Šnajder, Reinecke, Schulze

Po dołhej treningowej a hrajnej přestawce smědźachu so koparjo Radworskeho sportoweho towarstwa zaso jónu porjadnje na sportnišću wucychnować. Na Dobrušanskim kumštnym trawniku su z tamnišim cyłkom z wokrjesneje wy­šeje­ ligi mocy měrili. Za hosći bě to prěni test w přihotach na zbytk sezony, kotruž wot 27. měrca dale wjedu.

Po prěnich planach koparskeho zwjazka budźe nětko tola jenož prěnja poł­serija lětušeje hrajneje doby dokónčena, ale tež pokalne koło. Jako načolnik wo­krjesneje ligi maja Radworčenjo wulke wočakowanja spjelnić. Prěnja dypkowa hra budźe hnydom derby z Chróšćanskej rezerwu, potom sćěhujetej duelej přećiwo Njebjelčicam a Malešecam. Nimo napjatych partijow w lize wjesela so koparjo hižo nětko na 100. róčnicu wobstaća swojeho towarstwa. 3. julija změja jubilejnu hru na domjacym trawniku, přećiwnik je hišće wulke potajnstwo.

Wuslědki (22.03.22)

wutora, 22. měrca 2022 spisane wot:

Kopańca, regionalna liga muži

Carl Zeiss Jena – Hertha BSC II  0:1 (0:1)

Borussia Berlin – Babelsberg 0:0 (0:0)

Fürstenwalde – Tasmania Berlin  2:1 (1:0)

Berlinski AK – Meuselwitz  0:1 (0:1)

Auerbach – Lichtenberg   wupad

Lok Lipsk – Eilenburg  1:1 (1:0)

Altglienicke – Halberstadt  3:0 (0:0)

BFC Dynamo – Luckenwalde  2:0 (0:0)

Rathenow – Chemija Lipsk  0:0 (0:0)

Choćebuz – Kamjeničanski FC  0:1 (0:1)

wokrjesna liga, stafla 1

Arnsdorfske KT – Wjernarjecy  1:0 (0:0)

Bretnig-Hausw. – Huska/Hodźij  0:0 (0:0)

wokrjesna klasa, stafla 3

Porchow II – HZ Běła/Cunnersdorf/Němske Pazlicy III 1:3 (0:1)

SV Sachsenwerk Drježdźany – SJ Chrósćicy 0:0

Zestawa hosći: Králiček – F. Zahrodnik, F. Cyž, Sentivan, L. Zahrodnik (72. Wornar), Młynk (81. Handrik), Hawš, M. Zahrodnik, G. Zahrodnik, Krawc (78. Paška), Bogusz (87. Mark)

Po podlěšenej zymskej přestawce su koparjo Chróšćanskeje SJ zaso wo dypki wojowali. Sobotu nastupichu woni pola mustwa Sachsenwerk Drježdźany. Wobaj cyłkaj stejitej w delnim dźělu tabulki. Tak bě prěnja hra hnydom wažna přećiwo zestu­pej. Chróšćanski trenar Pavel Runt měješe nimale cyły kader k dispoziciji. Prěni króć startowaštaj nowopřichad, Pančičan Oskar Hawš (wot ST Marijineje hwězdy), kaž tež nawrótnik, Hórčan Michał Młynk (wot Rakečanskeho ST).

Jónu Módro-běli – přeco Módro-běli

póndźela, 21. měrca 2022 spisane wot:

Clemens Mattick je koparski trenar bambi­nijow młodźiny D a wot lěta 2020 tež hišće koordinator dorosta pola DJK Módro-běłych Kulow. W awgusće 1994 we Wojerecach narodźeny je ze šěsć lě­tami do Kulowa přišoł a tam wotrostł. Mattick chodźeše w Kulowje do šule a dźě­še pozdźišo na powołanskošulski centrum do Wojerec, hdźež je maturował. Započa na BSZ jako socialny asistent a absolwowaše wukubłanje ke kubłarjej. Nětko dźěła wón jako kubłar w Kulowskej pěstowarni CSB. Clemens ma swoje wukubłanje a dźěło za prawe powołanje: „Za mnje je to powołanje, w kotrymž móžu wjele dale dać a w kotrymž ženje dowuknył njejsy. Kóždy dźeń je napjaty a połny podawkow.“

Awtor dźensa Jurij Bjeńš

Funino! To je słowo, kotrež budźemy w přichodźe husćišo słyšeć, znajmjeńša na polu kopańcy juniorow. Jendźelsko-španiski substantiw ryzy přełožene woznamjenja, zo ma dźěćo wjeselo­ ( „fun“ = wjeselo, „nino“ = dźěćo), hladajo na kopańcu pak je to wosebity modus, kotryž je mjez trenarjemi a hra­jerjemi dale a woblubowaniši. Němski ­koparski zwjazk (DFB) je nětko samo postajił, zo ma funino wot sezony 2024/ 2025 po cyłej Němskej pola bam­binijow kaž tež F- a E-młodostnych primarny hrajny modus postajeć. To rěka, zo njebudu młodźi koparjo hižo po zwučenym wašnju z jednym wrotarjom a šěsć hrajerjemi swójske wrota zakitować a tamne nadběhować. Pola funino-kopańcy je hrajne polo wo wjele mjeńše, wrotar žadyn wjac njeje a mustwo wobsteji z jeno třoch koparjow a jednoho za wuměnu. Zakitować maja so dwoje małe wrota, za to móžeš wězo přećiwniske nadběhować. Tež modus ze štyrjomi, pjeć, šěsć abo maksi­malnje sydom hrajerjemi je móžny. Mustwo, kotrež je w běhu hry wrota docpěło, dyrbi hnydom noweho hrajerja zaměnić. To je skrótka rozjasnjeny modus funino-warianty.

Wuslědki (21.03.22)

póndźela, 21. měrca 2022 spisane wot:

Kopańca, krajna klasa

Ćisk – Žitawa 1:1 (0:0)

Rakečanske ST – Wódrjeńca  wupad

Sachsenw. Drježdź. – Chrósćicy  0:0 (0:0)

Běła Woda – Ramnow  1:0 (0:0)

Rotacija Drježdźany – Sebnica  1:2 (0:1)

1. FSV Wódrjeńca 02 10 51 : 8 28

2. SV Wesenitzal 10 25 : 11 27

3. SC Borea Drježdźany 10 28 : 7 23

4. TSV Rotacija Drježdź. 10 17 : 10 20

5. VfB Běła Woda 1909 10 21 : 8 18

6. BSV 68 Sebnica 10 23 : 20 18

7. Rakečanske ST 9 20 : 15 14

8. VfB Žitawa 11 19 : 24 14

9. Drježdźanski SC 1898 10 16 : 16 13

10. SG Weixdorf 11 16 : 25 12

11. Drohotka Ramnow 10 13 : 26 9

12. SJ Chrósćicy 10 14 : 24 7

13. SV Sachsenwerk DD 10 5 : 27 6

14. ST Ćisk 11 11 : 37 5

15. FC Wocl Rěčicy-jězor 10 10 : 31 4

16. ST Trjebin (cofnyli) 0 0 : 0 0

nawěšk

nowostki LND