SJ Njebjelčicy – Traktor Malešecy 0:0

Zestawa domjacych: Hahn – D. Kral, Hanuza­, Hrjehor, Pawlik, Plaettner, Korjeńk­, Gödig, Čornak, Lejnart, Domš (22. Wagner) Zestawa hosći: Ludwig – Swakon, Günther, Stewig, Kloske, Seiler, Unger, Metasch (71. Schmidt), Schwurak, Hofe­richter, Bolz

Nazymu běchu koparjo Njebjelčanskeje SJ w Malešacach 0:2 podleželi, byrnjež tam dosć šansow měli wrota třělić. Nětko doma je jich trenar Handrij Krawčik wězo wuspěšnišu hru wočakował.

Z elanom a z dobrej koncentraciju Njebjelčenjo wot wšeho spočatka nadběhowachu. W 10. min. wuhra Handrij Korjeńk w šěsnatce wrotarja, ale sadźi kulowatu kožu nimo žerdźe. Hnydom po tym wón z diagonalnej třělwu znowa hóstne wrota misny. We wotstawku dalšich dźesać mjeńšin zwrěšćištaj najprjedy Franz Gödig (z akcije wuskoči jenož róžk za domjacych) a w 37. min. znowa Korjeńk, po tym zo bu wot Roberta Lejnarta wulkotnje pósłany. Hnydom na to startowaše Dennis Wagner k soloběhej, sam před wrotarjom Ludwigom pak přesłabje wotzamkny.

Kopańca muži, wokrjesna liga, stafla II

Malešecy – Haselbachtal 1:3 (1:2)

Wulka Dubrawa

– Rakecy II/Sćeńca2:0 (0:0)

Wulke Ždźary – Mały Wosyk 1:2 (0:1)

Łuty – Lubuš2:1 (0:1)

Chrósćicy II – Njebjelčicy 0:1 (0:0)

Marijina hwězda – Wojerecy II 0:0 (0:0)

Nadrózna Hrabowka

– HZ Łaz/BěłyChołmc3:3 (2:0)

1. ST Marijina hwězda 19 49 : 9 46

2. HZ Łaz/Běły Chołmc 19 56 : 17 45

3. ST Ćisk II 19 34 : 23 37

4. Traktor Malešecy 19 44 : 23 35

5. SV Haselbachtal 19 34 : 27 30

6. Wojerowski FC II 19 30 : 27 30

7. SJ Njebjelčicy 20 29 : 25 27

8. HZ Wulke Ždźary 19 27 : 30 27

9. ST Lubuš 20 28 : 25 26

10. ST 1896 Wulka Dubrawa 20 31 : 49 24

11. FSV Łuty 18 28 : 33 20

12. SJ Chrósćicy II 19 23 : 33 18

13. ST Nadrózna Hrabowka 19 29 : 43 17

14. HZ Rakecy II / Šćeńca 20 22 : 49 17

15. ST Mały Wosyk 19 16 : 67 9

wokrjesna klasa, stafla I

Zeleno-běli Bukecy II

– Mały Wjelkow 3:1 (1:1)

Horni kraj-Sprjewja III

– Wulka Dubrawa II/Radwor II 1:0 (1:0)

HZ Wjernarjecy II/Wjazońca II

– SV Budissa 08 Budyšink 1:2 (1:2)

Budyšin II – Módro-běli Minakał 4:3 (3:1)

FC Energija Choćebuz – Fortuna Köln 4:3 (2:2)

Zestawa domjacych: Rauhut – Hemmerich, Müller, Matuwila, Schlüter (77.Geisler), Marcelo de Freitas, Bohl (86. Kruse), Gjasula (66. Viteritti), Holthaus, Rangelow, Mamba

Wšitko wupadaše předwčerawšim za słónčnym a měrnym koparskim popołdnjom, jako Jürgen Gjasula za FC Energiju Choćebuz po sydom mjeńšinach z jědnatku k 1:0 trjechi. Na to zwora wrotar Kevin Rauhut kapitalny zmylk a hosćo wurunachu (20.). Tak střase přihladowarjow prěnja nerwozita, kotruž pak Marcelo de Freitas z krasnej wolejtřělwu do šibjeńcy wrotow tři mjeńšiny pozdźišo podusy. Z dalšej njezbožownej akciju połoži Rauhut krótko do přestawki Orkana Kurta w šěsnatce a bě při pokutnym kopje bjez šansy. Zo dyrbješe to zestupny duel w 3. lize być, njebě na woběmaj mustwomaj spóznajomne. Wobě wojowaštej na wysokim techniskim niwowje.

Sokoł Ralbicy/Hórki – Natwar Němske Pazlicy 2:0 (1:0)

Zestawa domjacych: Schöne – K. Matka, Šewc, Schultz, Materna (89. Budar), Šołta, Gloxyn, M. Matka, Rawš, Bejmak (80. M. Kurjat), G. Kurjat (66. Korjeńk)

Do Ralbic je wčera, njedźelu, najmłódši koparski team wokrjesneje wyšeje ligi přichwatał, a to z Němskich Pazlic. Nazymu běchu tam hrajerjo Sokoła Ralbicy/Hórki 2:1 dobyli, a tež tónkróć mějachu woni jenož­ jedyn cil: tři dypki!