Do zahajenja druheje połserije je krajny koparski ligist Jednota ...
Delanscy koparjo jasny wonkowny wuspěch žnjeli
SG Großnaundorf – Sokoł Ralbicy/Hórki 0:3 (0:0)
Zestawa hosći: Schöne – Hilbich, Schultz, B. Bjeńš, Budar (63. Bejmak), M. Matka, G. Kurjat (83. M. Kurjat), D. Gloxyn (88. K. Matka), Šołta, Korjeńk, Domaška
Prěnju hru druheje połserije přewjedźechu koparjo Sokoła Ralbicy/Hórki w Großnaundorfje. Na pódlanskim hrajnišću njeběše kopańca, kaž sej ju Sokoljo předstajeja, tak derje móžna. Dokelž pak běchu tež hižo na špatnišich kopanišćach hrali, su so spěšnje na nje zwučili. Prěnju dobru składnosć mějachu po wólnym kopje, Bosćij Bjeńš pak zhłójčkowa kulowatu kožu wyše wrotow. Tež dalši wólny kop wrota snadnje misny, tónkróć pobrachowachu Dennyjej Gloxynej někotre centimetry. Hosćićeljo z Großnaundorfa so po poł hodźinje tohorunja strašnje před wrotami Willija Schöny pokazachu, ale młody Ralbičanski wrotar bul w krótkim kuće wotwobara.
Přećiwnikej dobyće darili
SJ Chrósćicy II – ST Marijina hwězda 0:2 (0:0)
Zestawa domjacych: Cyž – Dórnik, Wowčer, Zynda, Lešawa, M. Donat (72. L. Zahrodnik), Špitank (72. Kral), G. Zahrodnik, Mohaupt, Domaška, Liznar (81. J. Donat)
Zestawa hosći: Matik – Ch. Cyž, Škoda, Hawš, Rab, Pakoßnick (84. Melnyk), Wróbl (54. Zelnak), Peschmann, R. Cyž, Pjetaš, Schmidt (66. Bělk)
Wuslědki (19.02.19)
Kopańca, wokrjesna liga, stafla 2
Wojerecy II – Mały Wosyk 3:0 (0:0)
Lubuš – Ćisk II4:0 (1:0)
Łaz/Běły Chołmc – Rakecy II 6:0 (2:0)
Malešecy – Nadrózna Hrabowka 6:2 (5:1)
Chrósćicy II – Marijina hwězda 0:2 (0:0)
Njebjelčicy – Wulke Ždźary 2:0 (0:0)
Haselbachtal – Wulka Dubrawa 6:1 (2:1)
1. ST Marijina hwězda 15 45 : 4 42
2. ST Ćisk II 15 30 : 16 33
3. HZ Łaz/Běły Chołmc 14 41 : 12 32
4. Traktor Malešecy 15 38 : 18 30
5. Wojerowski FC II 15 23 : 17 25
6. ST Lubuš 15 22 : 14 23
7. HZ Wulke Ždźary 15 20 : 22 23
8. SV Haselbachtal 15 27 : 24 20
9. SJ Njebjelčicy 15 23 : 20 19
10. FSV Łuty 14 23 : 23 17
11. Nadrózna Hrabowka 15 23 : 35 15
12. 1896 Wulka Dubrawa 15 20 : 42 14
13. SJ Chrósćicy II 15 18 : 28 13
14. ST Mały Wosyk 14 14 : 57 6
15. HZ Rakecy II/Šćeńca 15 9 : 44 5
wokrjesna wyša liga
čoło tabulki
1. Rakečanske ST 16 57 : 8 45
2. Módro-běli Kulow 16 34 : 15 35
3. LSV Hory 16 35 : 25 28
4. Drohotka Ramnow 16 32 : 24 28
5. Sokoł Ralbicy/Hórki 16 31 : 24 28
6. Germania Budyšin 16 38 : 30 26
7. ST Kinspork/Łužnica 16 27 : 25 23
8. Natwar Němske Pazlicy 16 27 : 25 22
9. TSV Połčnica 16 28 : 36 22
10. Wojerowski FC 15 35 : 27 21
11. ST Hnašecy-Dobruša 16 30 : 35 21
12. Motor Kumwałd 15 26 : 35 19
13. SG Großnaundorf 16 28 : 39 13
14. ST Porchow 16 24 : 36 13
15. Zeleno-běli Bukecy 16 18 : 57 11
16. ST Radwor 16 15 : 44 5
Doma wobě hrě dobyli
Po dwěmaj hromaj w najzdalenišimaj ćěłozwučowarnjomaj wokrjesneje klasy, stafla wuchod smědźachu wolejbulisća ST Marijineje hwězdy skónčnje zaso raz doma nastupić. Mustwje z Wósporka a Hnašec-Dobruše njesmědźeštej za klóšterskich hrajerjow poprawom přewulkej problemaj być, předewšěm nic před domjacym přiwiskom. A přiwšěm bě wječor napjaty.
ST Marijina hwězda – TSV Wóspork 2:0 (25:21, 25:18)
Wolejbulisća SGB znowa najlěpši
Jako startowachu w nowembru 2018 wolejbulisća Serbskeho gymnazija Budyšin (SGB) do wokrjesnych wubědźowanjow, njeby sej nichtó myslił, zo su po zakónčenju regionalnych wurisanjow znowa najlěpši we wuchodnej Sakskej. Ze 17 dypkami nastajichu w minjenych pjeć lětach nowy rekord. Tři złote, jedna slěborna a jedna bronzowa medalja su dopokaz pilneho dźěła při wysokim saku. Za to słuša wšěm šulerkam a šulerjam wulki kompliment.
Najlěpše šule wuchodneje Sakskeje we wolejbulu lětsa su:
1. Serbski gymnazij Budyšin17 dypkow
2. Gymnazij Žitawa 11 dypkow
3. Gymnazij Wojerecy 8 dypkow
4. Wyša šula Rychbach 7 dypkow
5. Gymnazij Biskopicy 6 dypkow
Cyłkownje je so 17 šulow na wurisanjach „Młodźina trenuje za olympiju“ wobdźěliło. Měrko Korjeńk
Widźał, słyšał, napisał (18.02.19)
Awtor dźensa
Michał Nuk
Kak rjane bě zymske wjedro před dobrym tydźenjom, jako so hišće na běžkach po lojpach w Jizerskich, Rudnych abo samo Łužiskich horach wucychnowachmy. Telko sněha běchmy w zašłych lětach zrědka měli. Załomske lojpy běchu, dołhož bě zyma dosć, wuběrnje preparowane, runje tak kaž skakanišćo a pista. Tak hodźeše so lětsa zaso raz tradicionalny Alfreda Lebeltowy cup we wšelakich zymskich sportowych družinach z něhdźe 150 sportowcami z našeho regiona přewjesć. Z wubědźowanjom SC Załom najebać klimowu změnu dale zymski wukonowy sport pola nas spěchuje, tak zo snadź tón abo tamna Łužičan/ka raz mjezynarodnje na so skedźbni.
Wuslědki (18.02.19)
Kopańca, wokrjesna wyša liga
Rakecy – Radwor2:1 (1:0)
Kulow – Bukecy4:0 (1:0)
Połčnica – Němske Pazlicy 2:1 (2:1)
Wojerecy – Ramnow1:3 (1:1)
Germ. Budyšin – Hnaš.-Dobruša 2:3 (1:1)
Hory – Kumwałd4:1 (3:1)
Porchow – Kinspork/Łužnica 0:0 (0:0)
Großnaundorf – Ralbicy/Hórki0:3 (0:0)
Sport (15.02.19)
Sokoł Budyšin pyta dorost
Wolejbulowy cyłk Sokoła Budyšin, kotryž hraje we wokrjesnej klasy, stafla wuchod, by so rady ze serbskimi hrajerkami a serbskimi hrajerjemi zesylnił. Tydźensce póndźelu wot 19.30 do 21 hodź. trenuja sportowcy w Budyšinje. Na treningu wobdźěleja so hrajerjo w starobje 26 do 65 lět.
Hišće raz domjaca lěpšina
Po wuspěšnymaj hromaj tydźenja doma w swójskej hali přećiwo ST Horken Ketlicam (9:7) a SZ Wětnicy/Holi (8:8) hraja Worklečanscy blidotenisća hišće raz doma, a to jutře w 15 hodź. přećiwo TTV Neugersdorfej. Derby Rakecy – Konjecy w 1. wokrjesnej lize, stafla jedyn budźe přichodny štwórtk wot 19 hodź. w Rakecach.
K zazběhej hnydom derby
Nimo třećeje koparskeje ligi Němskeje a regionalneje ligi startujetej jutře a njedźelu tež zaso wokrjesna wyša liga a wokrjesna liga do druheje połserije. Dyrbi pak so z tym ličić, zo někotre hry wupadnu. Na serbski derby wočakuje njedźelu wot 12.30 hodź. Chróšćanska rezerwa ST Marijinu hwězdu.
16.02. 14:00 Rakečanske ST –
ST Radwor (w Kamjencu)
16.02. 14:00 Módro-běli Kulow –
Zeleno-běli Bukecy
17.02. 13:30 Budissa Budyšin –
SV Babelsberg
17.02. 14:00 SJ Njebjelčicy –
HZ Wulke Ždźary
Nowopřichady wuprudźeja nadźiju
FC Energija Choćebuz
– Würzburger Kickers 1:2 (0:1)
Zestawa domjacych: Spahić – Hemmerich, Müller, Matuwila, Schlüter, Gjasula, Bohl (74. Viteritti), de Freitas, Broschinski (58. Rangelow), Geisler (81. Holthaus), Mamba
Wšitke štyri nowopřichady zymskeje přestawki je koparski trenar FC Energije Choćebuz Claus-Dieter Wollitz minjenu sobotu do startoweje formacije wzał. A kompletny kwartet wukonliwosć nowačka třećeje ligi zwyši. W tym nastupanju smědźa so zamołwići a přiwisnicy nadźijeć, zo sylnje změnjene mustwo klasu dźerži, byrnjež na zestupnym městnje stało.
Byrnjež Choćebuženjo tónkróć derje nadběhowali, poradźi so hosćom zažne nawjedowanje, dokelž škit domjacych porjadnje njeagěrowaše. Dominic Baumann přihrawku Orhana Ademija přetwori. Byrnjež Energija přez Jürgena Gjasulu (20.) a Strelija Mambu (24.) někotre wjele lubjace akcije měła, dźěše Würzburg ze zbožownym 1:0 do kabiny.
