Regionalna koparska liga
Meuselwitz – Jena0:2 (0:0)
Babelsberg 03 – Nordhausen 0:2 (0:1)
Schönberg – Berlinski AK 3:0 (1:0)
RB Lipsk II – Hertha BSC II 2:0 (1:0)
Neugersdorf – Luckenwalde 4:0 (1:0)
BFC Dynamo – Fürstenwalde 5:0 (3:0)
FC Viktoria – Neustrelitz 3:0 (1:0)
Auerbach – Budissa Budyšin 2:1 (1:2)
Lok Lipsk – Energija Choćebuz 1:1 (1:1)
1. BFC Dynamo 1 5 : 0 3
2. Neugersdorf 1 4 : 0 3
3. Schönberg 1 3 : 0 3
3. FC Viktoria 1 3 : 0 3
5. Jena 1 2 : 0 3
5. Nordhausen 1 2 : 0 3
5. RB Lipsk II 1 2 : 0 3
8. Auerbach 1 2 : 1 3
9. Lok Lipsk 1 1 : 1 1
9. Energija Choćebuz 1 1 : 1 1
11. Budissa Budyšin 1 1 : 2 0
12. Hertha BSC II 1 0 : 2 0
12. Babelsberg 03 1 0 : 2 0
12. Meuselwitz 1 0 : 2 0
15. Berlinski AK 1 0 : 3 0
15. Neustrelitz 1 0 : 3 0
17. Luckenwalde 1 0 : 4 0
18. Fürstenwalde 1 0 : 5 0
Jěchanski turněr
Něhdźe 400 koni wubědźuje so wot dźensnišeho hač do njedźele w Bošecach na mjeztym 10. jěchanskim a skakanskim turněrje. Dźensa a jutře su wurisanja stajnje wot 7 do 18 hodź., zajutřišim wot 7 do 16.30 hodź.
Pytaja koparskich sudnikow
Nowy wukubłanski kurs za sudnikow na teritoriju Zapadołužiskeho koparskeho zwjazka (WFV) započnje so 3. septembra w Němskich Pazlicach. Přizjewjenske formality zhonja zajimcy wot zamołwitych w sportowych zjednoćenstwach abo na internetnej stronje WFV.
Beachtura Satkule
Přichodny beachvolleyballowy turněr Radija Satkula budźe póndźelu wot 19 hodź. w Róžeńće. Dalše přihotowanske wurisanje za Miłočanski turněr móhli 8. abo 15. awgusta w Budyšinje přewjesć.
Kónc tydźenja za bulom honić
We Wulkich Ždźarach tónle kónc tydźenja zaso za bulom honja. Dźensa wot 18 hodź. hraja tam stari knježa z Łutow, Wojerec, Wulkich Ždźarow a Rakec. Jutře wot 9.30 hodź. budźe dorostowy koparski turněr a wot 14 hodź. wuhraja štyri cyłki 45. Hórnikečanski pokalny turněr. Njedźelu w 10 hodź. nastupi stara garda nad 60 lětami.
Poskića płuwanski seminar
Poprawom je to jenož plan. Hač hodźi so wón zwoprawdźić, pokaza so w prěnich dźesać hrach. Jenički zaměr trenarja FC Energije Choćebuz Clausa-Dietera Wollitza za sezonu 2016/17 je prěnje městno w regionalnej lize. „Smy drje w absolutnym přetworjenju. Ničo pak njeměło nas w boju wo tónle cil wotdźeržeć. Tež nic, hdyž so přećiwnicy hišće bóle prócuja. Mjeno Energije steji w myslach ludźi regiona přeco hišće w kategoriji wyšoklasowa kopańca. A do njeje zaso chcemy!“ Wollitz rěči tež wo „loteriji relegacija“; dokelž pak so wona dypkowym hram přizamknje, nochce so wón wot tohole přidatneho zadźěwka wobwliwować dać.
Prěnja połserija 2016/2017
31.07. 14.05 Lok Lipsk – FC Energija
07.08. 13.30 FC Energija – RB Lipsk II
14.08. 13.30 FC Energija – Viktoria Berlin
26.08. 19.00 BFC Dynamo – FC Energija
04.09. 13.30 Schönberg 95 – FC Energija
10.09. 14.05 FC Energija – Meuselwitz
17.09. 13.30 Auerbach – FC Energija
25.09. 13.30 Energija Choćebuz – Budyšin
02.10. 13.30 Carl Zeiss Jena – FC Energija
16.10. 13.30 FC Energija – Fürstenwalde
23.10. 13.30 Neustrelitz – FC Energija
30.10. 13.30 FC Energija – Berlinski AK
06.11. 13.30 Hertha BSC II – FC Energija
20.11. 13.30 FC Energija – Babelsberg 03
27.11. 13:30 FC Energija – Luckenwalde
04.12. 13:30 Nordhausen – FC Energija
11.12. 13:30 FC Energija – Neugersdorf
Jurij Bjeńš
Wot hrajneje doby 2017/2018 změjemy w kopańcy juniorow na małym polu młodźiny D, E a F nimale hižo rewolucisku změnu. Cyłe lěta njesmědźeše wrotar bul z rukow direktnje přez srjedźnu liniju třělić. Tež wotkopy dyrbjachu so před srjedźnej liniju wot druheho hrajerja přiwzać abo so jeho dótknyć. Jeli so to njesta, dyrbješe sudnik situaciju přetorhnyć. W tajkich padach dawaše na wysokosći srjedźneje linije stajnje wólny kop za přećiwnika. Prawidło „Hraće přez srjedźnu liniju“ płaći jenož hišće w hrajnej dobje 2016/2017. Wot julija 2017 budźe při runje wopisanymaj situacijomaj město srjedźneje linije šěsnatka na tamnym boku hrajnišća magiska hranica. To rěka, zo smědźa so wotkopy a dołhe bule wrotarja nimale direktnje hač do přećiwniskich wrotow třělić! Bul pak dyrbi so wězo do tuteje „hranicy“ swójskeho abo přećiwniskeho hrajerja dótknyć – hewak dóstanje přećiwnik na wysokosći swójskeje šěsnatki wólny kop. Hižo w aktualnej dobje smědźa mustwa zhromadnje tole dojednać a raz wuspytać. Powšitkownje pak płaći dale hišće srjedźna linija jako imaginarna hranica.
Wot meje serbscy beachvolleyballisća hłownje w Róžeńće zaso w pěsku wo dypki wojuja. Wot toho časa su dotal 21 z 42 hrow přewjedli. Hłowny organizator Jurij Bjeńš podawa tule po połojcy sezony krótki facit.
Lětsa dyrbi kóžde mustwo wot spočatka z třoch hrajerjow wobstać. Loni je mjenujcy přewjele partijow chorosće abo dalšich terminow dla wupadnyło. Třeći, narunanski akter hišće njebě, a rezultat wšeho bě, zo njemóžachu někotre mustwa sezonu dokónčić. Ideja z třećim akterom je na kóždy pad wunošna, te abo tamne mustwo tež raz z hinašej dwójku nastupi.
Přiwšěm su dale wulke problemy, so hižo wot wšeho spočatka na hrajne terminy dojednać. Byrnjež sej wšitcy hotowy hrajny plan za cyłu sezonu přeli, tak zo bychu dwójki wědźeli, w kotrym tydźenju su na rjedźe, so bohužel tak prawje na njón njedźerža. Přez Facebook a Whatsapp sej mustwa nětko mjez sobu pisaja, hdy so komu hodźi. Loni hrajachu husto srjedź tydźenja – lětsa skerje kónc tydźenja.
Něhdźe 200 ludźi je na wčerawši prěni wopyt beachtury Radija Satkula w Pančicach-Kukowje přišło. Na wubědźowanju, kotrež je zdobom přihot na kóždolětny beachvolleyballowy turněr młodeje žołmy w Miłoćicach, wobdźěli so 17 mustwow. Wčerawši dobyćer je cyłk z mjenom Smovka a band.
Přichodny tydźeń zakónča turu w Róžeńće. Tam wulosuja potom tež zestawu staflow za hłowny turněr, póndźelu, 22. awgusta, w Miłočanskej Bobkec jěchanskej hali. Šěsnaće cyłkow je so přizjewiło.
Tole su přizjewjene mustwa za turněr w Miłoćicach:
Pančičanscy knježa
Dwójna nula
Team Satkula
Róžeńčanske mustwo
Dźiwje micki
Škit Budyšin
Mustwo z Nuknicy
Měšane mustwo MST
Mustwo wučerjow
CTP-crew
Hańžki 16
Radworčenjo
Na - woči
Sorabija
O²
SC Knack Katka Pöpelec
Prěnja połserija 2016/2017
31.07. 13.30 Auerbach – Budyšin
07.08. 13.30 Budyšin – Babelsberg
10.08. 19.00 Budyšin – Carl Zeiss Jena
13.08. 13.30 Fürstenwalde – Budyšin
28.08. 13.30 Budyšin – Neustrelitz
11.09. 13.30 Berlinski AK – Budyšin
18.09. 13.30 Budyšin – Hertha BSC II
25.09. 13.30 Energija Choćebuz – Budyšin
02.10. 13.30 Budyšin – Luckenwalde
16.10. 13.30 Nordhausen – Budyšin
23.10. 13.30 Budyšin – Neugersdorf
30.10. 13.30 Lok Lipsk – Budyšin
06.11. 13.30 Budyšin – RB Lipsk II
19.11. 13.30 Schönberg 95 – Budyšin
27.11. 13:30 Budyšin – Viktoria Berlin
04.12. 13:30 BFC Dynamo – Budyšin
11.12. 13:30 Budyšin – Meuselwitz
Jurij Bjeńš