Sokoł Budyšin wostanje serbski
Wolejbulowe mustwo Sokoła Budyšin je žiwe! Ćežke časy, w kotrychž su wo tym přemyslowali, towarstwo rozpušćić a wolejbulowe mustwo wotzjewić, su najprjedy přewinjene. Na treningu wobdźěla so zaso prawidłownje dźesać do třinaće hrajerjow. Dalši wažny fakt: Sokoł Budyšin wostanje serbski! Nowačkojo su młodźi Serbja abo sympatizanća. Wšitcy su so zažiwili, woni treningowe wobsahi wobohaćeja a staraja so tež wo zhromadnosć zwonka sportoweje hale. Harmonija mjez hrajerjemi „wěčneje młodźiny Budyšin“ a „noweje Sokołmłodźiny“ wjedźe tež k tomu, zo su dypkowe hry zaso nahladne. Bohu dźakowni su wšitcy přez nawrót sobustawa z najdlěšej přisłušnosću Sokołej Budyšin. Po přewinjenju ćežkeje chorosće chce Jan Kanngießer dale kruty wobstatk mustwa resp. přistajer wostać. A hdyž nawróća so zranjeni top-hrajerjo, potom so zawěsće tež zaso dypkowe hry dobudu.
Druhi remis bjez wrotow za sobu
Sokoł Ralbicy/Hórki –
SJ Großnaundorf 0:0
Zestawa domjacych: Schöne – Mikławšk, Rawš, Wałda, Mjechela, Gloxyn, Šewc, Bejmak, Rachela, Korjeńk, Woko (50. Šiman)
Po bjezwrotowym remisu zašły kónc tydźenja dźěchu Ralbičenjo njedźelu ze samsnym wuslědkom z hrajnišća. Duele přećiwo mustwu z Großnaundorfa běchu w zańdźenosći stajnje snadne a tež tónraz sej wobaj cyłkaj ničo njedarištej.
W prěnim połčasu běchu hosćo lěpši. Zady stejachu jara wěsće a z dołhimi bulemi spytachu spěšnych nadběhowarjow pósłać. To so tón abo tamny raz poradźi, tola Willi Schöne we wrotach Sokoła měješe znowa wulkotny dźeń a wšitke horce nadběhi znješkódni. Tón abo tamny raz měješe Schöne tež zbožo, jako kulowata koža wrota snadnje misny. Ralbičenjo móžachu drje ćělnje kaž tež hrajersce derje sobu dźeržeć, tola strašne nadběhi hišće žane njepokazachu.
Worklečanki prěnju hru sezony w Běłej Wodźe dobyli
TSG Hamor/Běła Woda –
Viktoria Worklecy 1:3
(25:19, 15:25, 17:25, 19:25)
Za Viktoriu Worklecy zasadźeni: Marina Köhler, Stefanie Köhler, Jennifer Otto, Constance Pötschke, Rejzka Rawšec, Anja Šmidtowa, Jana Žurowa, trenarka: Daniela Kralec
Widźał,słyšał, napisał (11.11.24)
Awtor dźensa
Jan Hrjehor
Wuj Jurij sedźeše nalěwo wote mje, kuzenk Jurij naprawo. Běch prěni raz w Rudnych horinach w stadionje třećeho koparskeho ligista FC Rudne horiny Aue. Mój pomjatk mi hižo dokładnje dosć pomhać njemóže, hdy a hdźe sym tutej błudnej akciji moje haj dał. Sedźach z Jurjomaj před třomi tydźenjemi wutoru wječor mjenujcy jako tajny přiwisnik FC Energije Choćebuz na tribunje domjaceho cyłka FC Rudne horiny Aue, bjez FCE-šawla, bjez čerwjeno-běłeho trikota, bjez někajkeje FCE-znački, takrjec jako cyle neutralny fan, kotryž njehodźi so hnydom jednomu z dweju cyłkow přirjadować. Při fanowym spěwanju „Stańće, hdyž sće Aueske!“, so tež pozběhnjechmy a łahodnje placachmy. Nochcemy so přeradźić. Jenož při třoch wrotowych wuspěchach Choćebužanow tak prawje njewědźachmy, kak dyrbimy so w črjódźe „fijałkow“ zadźeržeć, zo njebychmy sej fijałku zapopadnyli. Při 1:0, 2:1 a tež 3:1 za Choćebuz skrótka nalěwo a naprawo mojeju susodow kunksnych a kedźbowach na to, zo wostanu w mjezwoču neutralni.
Sport (08.11.24)
Radworčenjo w Ćisku
Róli mjez prěnimaj koparskimaj mustwomaj z Ćiska a Radworja stej jutře jasnej, hdyž hladaš na tabulkowu staw. Hosćo z Radworja steja w načolnej skupinje, hosćićeljo w pincy. Přiwšěm pak dyrbi Radworski cyłk kedźbować a so koncentrować. Ralbičanscy Sokoljo su w minjenej hrajnej dobje mjenujcy po podobnej situaciji w Ćisku 3 ličaki ležo wostajili. Njebjelčenjo hraja jutře w Skaskowje a nic we Wóslinku. Hrajny dźeń z dwěmaj hromaj změja njedźelu w Chrósćicach a Ralbicach.
09.11. 13:30 Biskopičanske KT 08 –
FC Jednota Rudolstadt
09.11. 14:00 Ćisk 1993 – ST Radwor
09.11. 14:00 Wóslink/Skaskow/Ku-
low II – SJ Njebjelčicy
09.11. 14:00 FC Energija Choćebuz –
Borussia Dortmund II
10.11. 11:30 HZ Ralbicy II/Pančicy II – Radwor II
10.11. 11:30 SJ Chrósćicy II –
Arnsdorfske KT
10.11. 14:00 SJ Chrósćicy –
Zeleno-běli Bukecy
10.11. 14:00 Sokoł Ralbicy/Hórki –
SG Großnaundorf
10.11. 14:00 ST Marijina hwězda –
ST Wjelećin
Zazběhowa hra za Worklečanki
Njebjelčenjo sylnje wojowali
ST Nadrózna Hrabowka –
SJ Njebjelčicy 1:3 (1:2)
Zestawa hosći: Weclich D. – Schulze, Matješk, Hanuza, Rudolf, Čornak (71. Herrmann), Lehmann (63. Domš F.), Plaettner, Korjeńk (83. Reineke M.), Bjeńš, Domš O.
Njedźelu njehrajachu kaž planowane na twjerdym sportnišću, ale na trawniku w Nadróznej Hrabowce. Zaměr za hrajerjow z Njebjelčic bě wězo tři dypki sobu domoj wzać, zo bychu swoje druhe městno w tabulce skrućili.
Sylny bój a tola žane wrota
TSV 1859 Wjernarjecy –
SJ Chrósćicy 1981 II 3:0 (1:0)
Zestawa hosći: M. Mark – M. Donat, F. Zahrodnik, Dórnik, K. Mark, Sćapan, Budar (63. Kř. Zahrodnik), B. Donat, Wornar, J. Donat, M. Zahrodnik (78. Hojer)
Zašłu sobotu poda so druhe mustwo sportoweje jednotki Chrósćicy na hru do Wjernarjec. Po wysokej poražce zašły tydźeń chcychu Chróšćenjo w tutej hrě swoje woprawdźite kmanosće pokazać.
Do hry hosćo derje startowachu. Z trěbnej agresiwitu sej dwuboje wuwojowachu. Tola w štwórtej mjeńšinje běchu domjacy hrajerjo wuspěšni. Po dołhej přihrawce překročeše bul nimale zakładnu liniju pódla wrotow. Tola komunikaciski zmylk mjez Markec bratromaj přećiwny nadběhowar wuži a skakacy bul z hłójčku do saka stłóči. Po docpěću nawjedowanja wuwi so wurunana hra. Chróšćenjo běchu w ofensiwje chětro aktiwni, ale njemóžachu sej dosć dobre šansy wuhrać. Třěle z distancy wrotar hosćićela wotwobara. Tež koparjo z Wjernarjec spytachu stajnje zaso so do přećiwniskeho ruma zadobyć, tola hosćo nadběhi derje wotwobarachu. Tak podaštej so mustwje z hrajnym stawom 1:0 do kabiny.
Wuslědki (07.11.24)
Wokrjesna liga stafla II
ST Lubuš – LSV Hory1:4 (0:2)
ST Bart – ST Kinspork/Łužnica 1:0 (1:0)
ST Kubšicy – Wojerowski FC II 1:5 (1:3)
ST Wulka Dubrawa –
Traktor Malešecy0:1 (0:1)
ST Radwor – FSV Łuty 3:2 (1:1)
Zeleno-běli Sepicy -– ST Ćisk 5:2 (3:0)
ST Nadrózna Hrabowka –
Módro-běli Minakał2:2 (1:0)
1. Traktor Malešecy 10 40 : 8 26
2. LSV Hory 9 38 : 5 25
3. Módro-běli Minakał 10 26 : 16 20
4. ST Radwor 10 23 : 18 19
5. ST Kubšicy 10 26 : 23 18
6. Wojerowski FC II 10 20 : 21 15
7. ST Kinspork/Łužnica 10 14 : 15 15
8. ST Lubuš 10 19 : 23 15
9. ST Wulka Dubrawa 10 18 : 15 13
10. Nadrózna Hrabowka 10 17 : 16 13
11. Zeleno-běli Sepicy 10 17 : 27 10
12. ST Ćisk 10 12 : 40 6
13. ST Bart 9 5 : 27 4
14. FSV Łuty 10 9 : 30 2
Tři wažne dypki w načolnej hrě
SJ Njebjelčicy –
ST Jednota Kamjenc 3:1 (1:1)
Zestawa domjacych: Hahn – Schulze (90. R. Weclich), Reineke A., Hanusa, Rudolf, F. Hrjehor F. (78. Lehmann), P. Hrjehor, Plaettner (90. D. Kral), Korjeńk (84. Čornak), Bjeńš, O. Domš (62. F. Domš)
Na top-hru wokrjesneje klasy zetkaštej so tydźenja w Njebjelčicach mustwje SJ Njebjelčicy a Jednota Kamjenc. W hrajnej tabulce měještej cyłkaj jenaku ličbu dypkow a wobsadźištej městnje dwaj a tři. Jednota měješe dotal lěpši wrotowy poměr. Wobě zastupnistwje běštej do hry jeničku poražku přećiwo hišće njeporaženemu načolnikej z Wulkich Ždźarow nazhoniłoj. Za wobě mustwje bě jasne: Štóž tu dobudźe, ma lěpše městno w tabulce.
Wuslědki (06.11.24)
Wokrjesna klasa, stafla III
Lubuš II – ST Běła/Cunnersdorf 0:6 (0:1)
HZ Wulka Dubrawa II/Radwor II –
HZ Wulke Ždźary1:5 (0:1)
HZ Wóslink/Skaskow/Kulow II –
HZ Ralbicy II/Pančicy II 2:1 (1:1)
FSV Łuty II – LSV Hory II 0:3 (0:1)
ST Módro-běli Njeswačidło –
HZ Wujězd/Łaz/Běły Chołmc 6:0 (2:0)
Nadr. Hrabowka II – Njebjelčicy 1:3 (1:2)
Jednota Kamjenc –
HZ Halštrow/Hlinowc II 1:1 (1:0)
1. HZ Wulke Ždźary 10 50 : 7 30
2. SJ Njebjelčicy 10 32 : 16 25
3. Módro-běli Njeswačidło 9 28 : 16 21
4. Jednota Kamjenc 10 29 : 10 20
5. HZ Wóslink/Skaskow/Kulow II
10 21 : 20 19
6. ST Běła/Cunnersdorf 9 22 : 17 15
7. HZ Wulka Dubrawa II/Radwor II
10 26 : 21 13
8. LSV Hory II 10 25 : 22 12
9. HZ Halštrow/Hlinowc II 10 18 : 28 11
10. HZ Wujězd/Łaz/Běły Chołmc
10 17 : 23 10
11. Nadrózna Hrabowka II 10 15 : 23 9
12. HZ Ralbicy II/Pančicy II 9 14 : 28 6
13. ST Lubuš II 9 6 : 36 4
14. FSV Łuty II 10 8 : 44 1
