Serbske Nowiny

wutora, 07 apryla 2015 14:00

Wuslědki (07.04.15)

Kopańca, regionalna liga

1. Magdeburg 23 52 : 20 48

2. Zwickau 22 37 : 9 47

3. Nordhausen 23 39 : 32 40

4. Berlinski AK 23 34 : 27 39

5. BFC Dynamo 22 27 : 24 35

6. Jena 21 37 : 26 34

7. Hertha BSC II 23 40 : 31 33

8. Neustrelitz 23 32 : 26 32

9. Halberstadt 23 29 : 35 29

10. Babelsberg 03 23 25 : 23 27

11. 1. FC Union II 22 36 : 43 24

12. Budissa Budyšin 22 18 : 27 24

13. Auerbach 21 19 : 44 22

14. Meuselwitz 22 23 : 37 20

15. Plauen 22 12 : 36 19

16. FC Viktoria 23 20 : 40 18

wokrjesna liga, stafla I

1. Wjelećin 20 60 : 23 52

2. HZ Budestecy 19 45 : 24 42

3. ST Budyšin 20 56 : 22 37

4. Kubšicy 20 49 : 32 37

5. Radwor 20 43 : 28 29

6. Wóspork 19 43 : 41 29

7. Załom 19 47 : 36 26

8. Malešecy 19 53 : 51 25

9. Hodźij 19 27 : 35 23

10. Póst Budyšin II  20 22 : 54 21

11. Wulka Dubrawa 20 40 : 39 19

12. Wjernarjecy 20 29 : 38 19

Z dobrej tradiciju je akcija sćelaka Antena Braniborska, w Choćebuskim Sprjewinym parku jejka pytać. Tež lětsa běchu zaso něhdźe 5 000 pisanych jejkow w parku schowali, kotrež hosćo zhromadnje z jutrownym zajacom pytachu. Foto: Michael Helbig

wutora, 07 apryla 2015 14:00

To a tamne (07.04.15)

17lětny šuler z New Yorka bu na wšitkich wosom ameriskich elitowych uniwersitach tak mjenowaneje IVY league přiwzaty. Wone su požadanje a nastawk rodźeneho Nigeričana, kiž bě ze staršimaj před wosom lětami do USA přića­hnył, přiwzali. 17lětny chce sej wšitke wysoke šule woměrje wobhladać, ten­děruje pak hižo na uniwersitu w Yale, kaž telewizijnemu sćelakej CNN rjekny.

Měsacy dołho je čěska policija pytała za zhubjenymi mólbami mjezynarodneho zetkanja molerjow na hrodźe Valtice. Nětko je so wukopało, zo bě je zarjadnik hrodu, na kotrymž so forum „Wulki format“ wotmě, we wobłuku rjedźenskeje akcije zrumował. Policija bě skerje na rubježnistwo tukała. Wolóženje, zo su mólby w hódnoće 170 000 eurow zaso našli, je wulke. Zo je tak drohe wěcy zrumował, zarjadnik zawěsće wědźał njeje.

wutora, 07 apryla 2015 14:00

Krótkopowěsće (07.04.15)

Sakske myto samopomocy

Drježdźany. Narunanske kasy wupisaja lětsa štwórty króć myto samopomocy. Angažowane regionalne skupiny a jednotliwcy smědźa so za to hač do 30. junija pola Sakskeho zwjazka narunanskich kasow přizjewić. Myto ma hódnotu 5 000 eurow. Z nim maja so wosebje přikładne iniciatiwy k samopomocy jednotliwcow a skupin počesćić.

Před wulkej wodu škitani

Halštrowska Hola. Nasyp podłu Čorneho Halštrowa w gmejnje Halštrowska Hola je saněrowany. Dźěła k tomu su minje­ny tydźeń zakónčili. 700 metrow dołhi nasyp na prawej stronje ponowić płaćeše 900 000 eurow. Dźěłać započeli běchu loni w awgusće. Nimo železnych stołpow zatwarichu štyri metry hłuboko sahace zhusćenje.

Seks handicapowanym zmóžnić

Praha. Nastupajo temu seksualnosć w starownjach abo wustawach za zbrašenych chcedźa w Čěskej republice nětko dotalny tabu přełamać. Po přikładźe Šwicarskeje abo Němskeje budu senioram abo handicapowanym bjez partnera płaćeni „seksualni asistenća“ pomhać. W datym zwisku njeměło so jenož wo intimne praktiki, ale tež wo poradźowansku pomoc jednać.

štwórtk, 02 apryla 2015 14:00

Do kina (02.04.15)

2.4.–8.4.2015: Fast & Furious 7 – Zeit für Vergeltung: wšědnje 14:30 hodź. (nimo štw), 16:30 a 19:45 hodź. | štw, pj, so a nj 22:45 hodź. Der Nanny: wšědnje 17:15 a 20:15 hodź. | štw, pj, so a nj 22:45 hodź. Gespensterjäger: wšědnje 14:15 hodź. (nimo štw) a 17 hodź. (nimo pó) | wu 10 hodź. American Sniper: štw, pj, so a nj 22:15 hodź. Shaun das Schaf: wšědnje 14:30 hodź. (nimo štw) a 18:15 hodź. Home – Ein smektakulärer Trip: wšědnje 16:15 hodź. | w 3 D Die Bestimmung: pj a nj 22:45 hodź. | w 3 D Spongebob Schwammkopf: nj 12:15 hodź. | w 3 D Fifty Schades of Grey: wšědnje 19:15 hodź. (nimo pó) Traumfrauen: štw a so 22:45 hodź. | nj 12:30 hodź. Honig im Kopf: wšědnje 19:45 hodź. (nimo srj) Cinderella: wšědnje 14:45 hodź. (nimo štw) | wu 9:45 hodź. Baymax: wu 9:30 hodź. Asterix im Land der Götter: nj 12:30 hodź. | w 3 D

Kino-ekstra: Whiplash: pó 17:15 a 20:15 hodź.

štwórtk, 02 apryla 2015 14:00

Pokiwaj (02.04.15)

Program w muzeju

Budyšin. „Jutrowne reje a nałožki holanskich Serbow“ rěka program rejwanskeje skupiny Ćisk, kotryž dožiwja zajimcy sobotu, 4. apryla, w Budyskim Serbskim muzeju. Započatk budźe w 16 hodź. Tež za program płaća wopytowarjo jenož regularny zastup pjeć eurow, znižene 2,50 eurow.

Kniharnja wotewrjena

Budyšin. Za wšitkich zajimcow, pilnych čitarjow a wopytowarjow Łužicy změje Budyska Smolerjec kniharnja ćichu sobotu wot 10 do 13 hodź. wote­wrjene. Dźens za tydźeń, 9. apryla, budźe w kniharni w 19.30 hodź. premjera knihi „Wćipni być – Fotografiske wotkryća“ z wudawaćelom Jürgenom Maćijom a wjacorymi fotografami. Spěchowanski kruh za serbsku ludowu kulturu a Ludowe nakładnistwo Domowina stej loni dźěłarničku za wšitkich na fotografiji zajimowa­nych přewjedłoj. Nowa kniha je wuslědk tohole projekta. Zajimcy su na premjeru witani.

Jubilarojo a nowačcy w jutrownych křižerskich procesionach

Hač změjemy lětsa jutry tak rjane wjedro kaž loni, je skerje dwělomne. Dźensa wjedrarjo znajmjeńša wěšća, zo budźe njewobstajne a pancate a nimo toho chětro chłódne. To pak křižerjow přiwšěm njewotdźerži, so znowa do procesionow zarjadować. Z nich su nam kantorojo někotre zajimawostki přeradźili. W srjedźišću stejitej lětsa procesionaj z Kulowa a Ralbic. Wobaj podatej so 475. raz do susodneje wosady.

štwórtk, 02 apryla 2015 14:00

Projektowy dźeń do wody njepadnył

Šulerjo Wojerowskeho spěchowanskeho centruma za ćělnje zbrašenych su so zawčerawšim z jutrownymi nałožkami zeznajomili. Projektowy dźeń chcychu poprawom w župnym domje přewjesć, špatneho wjedra dla pak sej tam z chorobnymi stołami dojěć njemóžachu. Regionalna rěčnica Domowiny Christina Šołćina (naprawo stejo) je tuž jich wopytała a wšitko trěbne sobu přinjesła. Foto: Ulrike Herzger

štwórtk, 02 apryla 2015 14:00

Policija (02.04.15)

Njekedźbliwosć wužił

Ćichońca. Krótki wokomik njekedźbliwosće 91lětneje žony w Ćichońcy je nje­znaty muž zawčerawšim šamale znje­wužiwał. Při Wojerowskej dróze bydlaca staruška bě dopołdnja do swojeje zahrodki šła, chěžne durje pak njezamknyła. Njeznaty muž składnosć wuži, zastupi do bydlenja, hdźež rozhladowaše so za hódnotnymi wěcami. Jako so žona do domu nawróći, něhdźe 50lětny cuzy ćekny. Sobu wzał je dwě móšni, w kotrymajž běchu nimo pjenjez tež wupokazy a dalše wosobinske dokumenty 91lětneje.

štwórtk, 02 apryla 2015 14:00

Nowa značka jeno žort był

Budyšin (SN). Křižerjo pojěchaja tež lětsa po zwučenym wašnju z cylindrom a w sukni a njezměja žane wosebite znamješka přityknjene, skedźbnjace na to, zo słuša jutrowne jěchanje do imaterielneho kulturneho herbstwa UNESCO (hlej wčerawše wudaće SN). Te smy sej jako žort wumyslili, z kotrymž chcychmy kantorow a nawodow procesionow do apryla pósłać. Po wšěm zdaću pak so nam to poradźiło njeje, přetož w SKI njebě nichtó zazwonił. To jeničke, štož změja křižerjo přityknjene, budu zelene, slěborne, złote a dalše wěnčki jubilarow.

Serbska debata

nowostki LND