Škit znowa přesłaby był

póndźela, 14. decembera 2015
artikl hódnoćić
(0 )
Tež w Großröhrsdorfje běchu přećiwniscy nadběhowarjo druhdy kročel spěšniši hač Njebjelčanski škit. Tule w derbyju přećiwo ST Marijinej hwězdźe bě tomu runje tak. Na foće widźimy Dawida Jurša (při bulu) a Jurja Hašku w dwuboju. Foto: Jörg Stephan Tež w Großröhrsdorfje běchu přećiwniscy nadběhowarjo druhdy kročel spěšniši hač Njebjelčanski škit. Tule w derbyju přećiwo ST Marijinej hwězdźe bě tomu runje tak. Na foće widźimy Dawida Jurša (při bulu) a Jurja Hašku w dwuboju. Foto: Jörg Stephan

SC Großröhrsdorf II

– SJ Njebjelčicy 3:0 (2:0)

Zestawa hosći: Hahn – Kral, Deleńk, Pawlik, Šołta, Mjechela, Haška, Hanuza, Lejnart, Hrjehor (55. Schütz), Čornak

Znowa bě trenarska dwójka koparjow Njebjelčanskeje SJ Handrij Krawčik/ Detlef­ Panic nućena mustwowu zestawu přerjadować. Z wjacorych přičin pobrachowachu hnydom štyrjo stajni hrajerjo. Nimo toho wotmě so partija na kumštnym trawniku, na kotrymž mějachu domjacy­ wězo lěpšiny. Bul běži na tajkich kopanišćach bjez zadźěwkow spěšnišo a přihrawki dyrbja precizne być. Z tym pak su sej hrajerjo wokoło zastupowa­ceho kapitana Roberta Lejnarta ćežko činili­. Wulke šansy sej tuž žane njewuhrachu. Za domjacych pak zwjertny so wysoki bul, kotryž bu hišće wot sylneho wětřika­ podpěrany, w 40. min. do hor­njeho kuta k 1:0. Prjedy hač so Njebjel­čenjo tak prawje zhrabachu, ležeše přesłabje wotwobarany bul pjeć mjeńšin pozdźišo znowa w saku Nica Hahnoweje klětki. To bě wězo dospołnje kontraproduktiwne.

wozjewjene w: Sport
Prošu přizjewće so, chceće-li komentar podać

Serbska debata

nowostki LND