Hańba abo chwalba – pospyt rezimeja

wutora, 03. julija 2018
artikl hódnoćić
(0 )
Pola Asterixa a Obelixa spjećuje so mała galiska wjes přećiwo přemócnym Romjanam. We wuchodnej Sakskej wojuje serbska wjes wo wobstaće wolejbula a jeho dalewjedźenje we wobwodnej lize. Hač je to dale tak wuspěšnje móžno kaž dotal, to ani Mirakulix njewě. Z pomocu swěrnych přiwisnikow, spušćomnych sponsorow, z wutrajnym treningom a z njesměrnje wjele kuzłarskim napojom móže so to zešlachćić – nadźijomnje – ně: zawěsće!  Foto: Jörg Stephan Pola Asterixa a Obelixa spjećuje so mała galiska wjes přećiwo přemócnym Romjanam. We wuchodnej Sakskej wojuje serbska wjes wo wobstaće wolejbula a jeho dalewjedźenje we wobwodnej lize. Hač je to dale tak wuspěšnje móžno kaž dotal, to ani Mirakulix njewě. Z pomocu swěrnych přiwisnikow, spušćomnych sponsorow, z wutrajnym treningom a z njesměrnje wjele kuzłarskim napojom móže so to zešlachćić – nadźijomnje – ně: zawěsće! Foto: Jörg Stephan

Wolejbulisća Viktorije Worklecy pjaty raz za sobu wicemišter

Na kóncu sezony 2017/2018 wuchodosakskeje wolejbuloweje ligi muži drje su někotři přiwisnicy Viktorije Worklecy zaso raz stonali: „Znowa jenož druhe městno!“ Šibałc wšak namjetowaše: „Mjenujće so hnydom Viktoria Wicewicy!“. Znaje­rjo materije pak wědźa, kak ćežko poprawom za małe wjesne towarstwo je, tajki niwow přez lěta dźeržeć. Tež minjena sezona – to dyrbi so žno na započatku tohole rezimeja podšmórnyć – bě přiwšěm jara wuspěšna.

Bohužel započa so prěnja połserija Viktorije ze špatnym startom. Pola TSV Kundraćic rěkaše na kóncu 0:3. Hačrunjež běchu sadźbowe wuslědki jara snadne, je tajka plista jěd za sebjewědomje hrajerjow. Tak jědźechu chětro njewěsći do Zhorjelca k nowačkej CVJM a kasěrowachu tam poražku 2:3. Zhorjelčenjo w běhu sezony pokazachu, kak sylne mustwo su. Na to sćěhowaše najniši dypk „čor­neje nazymy“, absolutnje nje­trjebawša poražka 1:3 w Lubiju. Tak stejachu Worklečenjo na poslednim městnje tabulki – začuće to, kotrež běchu hižo raz w lěće 2011 w sakskej klasy dožiwili.

wozjewjene w: Sport
Prošu přizjewće so, chceće-li komentar podać

Serbska debata

nowostki LND