Budissa po dobyću w połfinalu

pjatk, 30. nowembera 2018
artikl hódnoćić
(0 )

FV Drježdźany 06 Laubegast

– FSV Budissa Budyšin 2:4 (1:1)

Zestawa hosći: Ebersbach – Bär, Patka, Hoßmang (89. Dartsch), Merkel, Krawčik (80. Kral), Schlicht (68. Langr), Ciapa, Weiß, Schmidt, Bönisch

Wo zaćah do semifinala wo krajny pokal nastupi regionalny ligist pola zastupjerja krajneje klasy. Budissa Budyšin bě potajkim jasny faworit. Trenar Torsten Gütschow pak nochcyše so na eksperimenty zwažić a pósła swoju prěnju garnituru na trawnik. Tři klasy wyše hrajacy Budyšenjo přewzachu hnydom iniciatiwu, za prěnje wrota pak trjebachu nimale poł hodźiny. Michael Schlicht dósta dypk za přihot, Mateusz Ciapa rěkaše třělc wrotow (29.). Hosćićel pak njeda so porazyć, hraješe dale a po zmylku Maika Ebersbacha přez Philippa Wapplera wuruna (37.). Za kapitana domjacych běchu to w aktualnej hrajnej dobje hižo wosme wrota. Woporniwje wojowacy Drježdźanjenjo wzachu mjezywuslědk samo do přestawki. 418 přihladowarjow móžeše so tuž na zajimawy 2. połčas nadźijeć.

wozjewjene w: Sport
Prošu přizjewće so, chceće-li komentar podać

Serbska debata

nowostki LND