Pólska přěhrała a přiwšěm juskała

štwórtk, 01. decembera 2022
artikl hódnoćić
(0 )
Město toho zo je so argentinske mustwo hižo wjeseliło, dyrbjachu pólscy koparjo hišće wo docpěće wosmifinala třepotać.  Foto: pa/AP/Pavel Golovkin Město toho zo je so argentinske mustwo hižo wjeseliło, dyrbjachu pólscy koparjo hišće wo docpěće wosmifinala třepotać. Foto: pa/AP/Pavel Golovkin

To bě snadne! W dramatiskim finalu skupiny C stej so Argentinska a Pólska za wosmifinale koparskeje WM w Katarje kwalifikowałoj. Argentinskej dosahaše jasne stopnjowanje wukonow a 2:0 přećiwo pólskemu teamej k skupinskemu dobyću. Dokelž doby Mexiko paralelnje jenož 2:1 přećiwo Sawdi-Arabsku je Pólska najebać poražku tež dale. Samsneje ličby dypkow dla pobrachowachu Mexiku jeničce wrota, zo bychu z lěpšim wrotowym poměrom hač Polacy do wosmifinala zaćahnyli. Henry Martin a Luis Chávez třělištaj w běhu pjeć mjeńšin započatk druheho połčasa dwoje wrota za Mexiko, tola trěbne třeće wrota nochcychu padnyć. Salem Al-Dawsari krótko do kónca hišće na 1:2 skrótši. Hra mjez Argentinskej a Pólskej běše jednostronska. Lionel Messi bě w prěnjej połojcy hišće jědnatku přetřělił, ale Alexis Mac Allister a Julián Álvarez w druhim połčasu suwerenje wšitko rozsudźištaj.

wozjewjene w: Sport
Prošu přizjewće so, chceće-li komentar podać

Serbska debata

nowostki LND