Konkurenca wulka była

póndźela, 09. měrca 2020 spisane wot:
Anika Zarjeńkec, serbska płuwarka towarstwa OSSV Kamjenc, bě so njedawno na płuwanskim wubědźowanju Dny talen­tow w Drježdźanach wobdźěliła. Dokelž bě konkurenca z tamnišich sportowych šulow­ chětro wulka, drje sej Hórčanka žanu medalju wudobyła njebě, šulerce Worklečanskeje wyšeje šule „Michał Hórnik“ pak bě wobdźělenje wažniše. Foto: Jan Zarjeńk

Awtor dźensa Michał Nuk

Ćišina a wulka prózdnota! Wšojedne, kotre zymskosportowe wubědźowanja sy sej minjeny kónc tydźenja wobhladał, hač w biatlonje w Novym Měsće na Moravě, abo w ska­kanju, běhanju a nordiskej kombinaciji w Oslu – wšudźe běchu stadiony prózdne. Tak dopominaše atmosfera sportowcow skerje na intensiwnu treningowu jednotku hač na wubědźowanje na swětowym niwowje. Wobě městnosći stej poprawom znatej za swoju wulkotnu kulisu. Do morawskeho biatlonoweho stadiona putnikuja wot časa Gabriele Koukaloveje kóžde lěto hač do stotysac přihladowarjow. A w Oslu skići so dobyćerjam w jich sportowych družinach wosebita składnosć, zo smědźa norwegskeho krala zeznać.

Přihoty na europeadu derje běža

pjatk, 06. měrca 2020 spisane wot:

Flensburg (SN/JaW). Přihoty lětušich 4. koparskich mišterstwow europskich na­rodnych mjeńšin derje postupuja. To zdźěli Flensburgski běrow Federalistiskeje unije europskich narodnych mjeńšin (FUEN), zarjadowarki wurisanja. Spočatk tydźenja su dołho wočakowany hrajny plan wozjewili.

Tež serbskej wubrance muži a žonow so dale pilnje na wulki wjeršk sporto­weho lěta přihotujetej. Na europeadźe, kotraž wotměje so wot 20. do 28. junija pola Korutanskich Słowjencow w Aw­striskej, změje serbska wubranka muži swoju prěnju hru njedźelu, 21. junija, popołdnju w Sele (Zell), a to přećiwo Němcam z Danskeje. Južnoschleswigske mustwo je předkoło minjeneje europeady w Južnym Tirolu w skupinje D po jednym dobyću, jednej njerozsudnej a jednej přěhratej partiji na třećim městnje zakónčiło. Cyłkownje bě wone lěta 2016 na 10. městnje.

Sport (06.03.20)

pjatk, 06. měrca 2020 spisane wot:

Wolejbulowe dypkowe hry

We wolejbulowej wobwodnej lize wuchodneje Sakskeje nastupi prěnje mustwo žonow Hrajneho zjednoćenstwa Pančicy-Worklecy dźensa w 19 hodź. w Budyskej hali na Schillerowych zelenišćach přećiwo MSV Budyšinej 04 II a jutře w 14 hodź. w Habrachćicach přećiwo TSV Kundraćicam. Rezerwa HZ Pančicy-Worklecy pojědźe jutře k VV Žitawje 09 III. Hru zahwizdaja w 14 hodź.

Dalše hry:

09.03. 20:00 Sokolnik Wjazońca –

  Sokoł Budyšin

14.03. 14:00 Viktoria Worklecy –

  MSV Budyšin II

14.03. 14:00 Viktoria Worklecy –

  Zhorjelc

Blidotenisowe partije

Hrajerjo prěnjeho blidotenisoweho mustwa Viktorije Worklecy wočakuja jutře, sobotu, tabulkoweho susoda ST Horken Ketlicy, a to w 14 hodź.

Dalšej partiji:

11.03. 19:00 ST Wulka Dubrawa –

  ST 1922 Radwor

16.03. 19:30 ST 1922 Radwor –

  Wóspork/Hrodźišćo III

Kónctydźenska kopańca

Jutře a njedźelu, 8. nalětnika, budu zaso­ na krajnej a wokrjesnej runinje wjacore koparske derbyje a dalše zajimawe zetkanja.

07.03. 14:00 Jednota Kamjenc –

  SG Taucha 99

07.03. 15:00 Budissa Budyšin –

  VfL Pirna-Copitz 07

07.03. 15:00 Módro-běli Kulow –

  Sokoł Ralbicy/Hórki

07.03. 15:00 Motor Kumwałd –

  ST Marijina hwězda

07.03. 15:30 SC Großröhrsdorf –

  SJ Chrósćicy

Wonka jara słaby wukon pokazali

štwórtk, 05. měrca 2020 spisane wot:

Tabulka wokrjesneje ligi, stafla 2

1. HZ Łaz/Běły Chołmc 17 48 : 18 42

2. FSV Łuty 16 54 : 31 38

3. ST Hlinowc 16 45 : 25 33

4. Traktor Malešecy 16 51 : 24 32

5. HZ Lubuš/Bluń 16 35 : 20 30

6. ST Radwor 16 27 : 26 24

7. SJ Njebjelčicy 16 31 : 21 23

8. HZ Wojerowski FC II 16 30 : 29 20

9. SJ Chrósćicy II 16 31 : 45 20

10. ST Wulka Dubrawa 16 27 : 31 19

11. Hórnikečanski jězor 15 37 : 36 18

12. SV Haselbachtal 16 32 : 38 17

13. SZ Wóslink/Skaskow 17 24 : 43 17

14. Nadrózna Hrabowka 16 31 : 50 14

15. Módro-běli Minakał 16 38 : 48 13

16. HZ Rakecy II/Šćeńca 17 15 : 71 4


HZ Rakecy II/Šćeńca

– SJ Chrósćicy II 3:0 (2:0)

Zestawa hosći: Hejduška – M. Donat, Kl. Mark, Šiman, Ki. Mark (64. Dehn), Matješk (64. Šołta), Bětnar, Wowčer, Mohaupt (58. Handrik), J. Donat, Liznar

Na prěnju hru w druhej połseriji aktual­neje sezony podachu so koparjo rezer­wy Chróšćanskeje SJ do Šćeńcy. Tamniše mustwo ma hrajne zjednoćenstwo z Rakecami, a tak běše to nimale mały derby. Hladajo na tabulku stejachu wšitke znamjenja na dobyće hosći, dokelž měješe do zahwizdanja 19 dypkow wjace. Hižo při sćoplenju pak woni pytnychu, zo běchu so přećiwnikej wjacori koparjo z Rakečanskeho prěnjeho mustwa z krajneje klasy přidružili.

Z dobyćom trenarja wobdarili

štwórtk, 05. měrca 2020 spisane wot:

FC Energija Choćebuz

– FSV Optik Rathenow 4:0 (2:0)

Zestawa domjacych: Stahl – Fl. Brügmann, Pelivan, Koch, Borgmann, Eisenhuth, Erlbeck, Taz (83. Hoppe), Gladrow (73. Yıldırım), Fe. Brügmann, Broschinski (83. N. Geisler)

Hrajerjo FC Energije Choćebuz su swoje­mu trenarjej Sebastian Abtej, kiž swjećeše tydźenja 38ćiny, w štwórtej hrě pod jeho režiju narodninski dar wobradźili a skónčnje tři dypki dobyli. To wšak njebě přećiwo limitěrowanemu mustwu z Rathenowa runjewon ćežko. Tohodla by 4:0 samo wyše wupadnyć móhło.

Njetrjebawšu poražku poćerpjeli

srjeda, 04. měrca 2020 spisane wot:

ST Marijina hwězda

– DJK Módro-běli Kulow 0:3 (0:0)

Zestawa domjacych: Matik – Wróbl (22. T. Jurš), Zelnak, Rab, R. Cyž, Hawš, Ch. Cyž, Kurink, Schmidt (46. Pesch­mann), Pakoßnick (69. D. Jurš), Pjetaš

zestawa hosći: Peschel – Hantschke, B. Korch, Popjela (62. Kocor), Bulank, A. Korch, Böttger (84. Pjaca), Nicolaides, Kubaink, Bergmann, Zablocki (78. Žur)

Za běhi so přizjewić

srjeda, 04. měrca 2020 spisane wot:

Atleća smědźa so hižo nětko za lětuše prěnje běhi přizjewić, kotrež słušeja na přikład zaso do Wopačanskeho cupa běha­rjow. 8. měrca přewjedu 26. raz tradicio­nalny Mu­žakowski parkowy běh, 15. měrca budu 30. cityjowe běhi w Drježdźanach.

05.04. Wostrowski nalětni běh

11.04. Biskopičanski běh po dołhich čarach

03.05. Kćenjowe běhi w Kamjencu

09.05. Běh na Sokolnik we Wjazońcy

10.05. Bike & run na Sokolnik SN

Grandiozny hrajny dźeń

wutora, 03. měrca 2020 spisane wot:
Minjenu sobotu steješe za wolejbulistow Viktorije Worklecy předrozsudny hrajny dźeń w boju wo wobwodne mišterstwa na programje. Napjeće wočakowachu woni zestupnika ze sak­skeje klasy a nimo toho tuchwilneho druheho wobwodneje ligi Kupoj-Nowa Łuka. Pobrachowaceho wotrěčenja dla do toho pak běše sportownja hižo wobsadźena, a tak stejachu Worklečenjo krótko před wotprajenjom hrajneho dnja. To wšak nichtó nochcyše, a tak přesunychu hry na pózdnje popołdnjo a na wječor. Ale tež sudnicy pobrachowachu. Na zbo­žo připrajištaj Thorbjörn Klinkhart a Jens Richter, hraje­rjej Módro-běłych Wojerecy, direktneho konkurenta wo mišterstwo. Wonaj woprowaštaj swój swobodny dźeń a wupomhaštaj Viktoriji jako sudniska dwójka. Jimaj słuša wulki dźak za tajki wulkotny sportowski duch.

Wobwodna liga

1. Módro-běli Wojerecy II 12 35 : 9 33

2. Viktoria Worklecy 12 35 : 8 32

3. ST Kupoj-Nowa Łuka 12 30 : 11 28

4. TSV Kundraćicy 12 20 : 19 19

5. CVJM Zhorjelc 12 19 : 23 16

6. MSV Budyšin 04 II 12 17 : 28 11

7. 1896 Wulka Dubrawa 12 15 : 30 10

8. TSV Niederoderwitz 12 15 : 31 10

9. OSC Lubij 12 8 : 35 3


Viktoria Worklecy – TSV Niederoderwitz 3:0 (25:13, 25:17, 25:17)

FSV Budissa Budyšin A

– SC Borea Drježdźany A 2:4 (2:2)

Zestawa domjacych: Köhler – Haji (75. Pabst), Schröder, Günther, Hantschke (46. Mann), Hanisch, Ričel, Lehmann (85. Gerhardi), Hentsch, Schneider, Küster (75. Noack)

zestawa hosći: Pinkert – Schwalm, Frenzel, Jeong (80. Coulibaly), Bayer, Brühl (78. Seyfert), Frenzel, Orosz (46. Muk­thar), Bruck, Bellair (46. Vogel), Harbaum

Tydźenja stej młodźinje A Budissy Budyšin a SC Boreje Drježdźany štwórćfinalnu hru w krajnym pokalnym kole přewjedłoj. Do Budyskeho Humbold­toweho haja přichwata něhdźe 65 přihladowarjow, štož bě tójšto za špatne wjedro.

W prěnim połčasu mějachu hosćo ze sak­skeje stolicy wjace hrajnych po­dźělow. Jim pak so njeporadźi bul w přećiwniskich wrotach zaměstnić. Tak su domjacy wot 26. min. přez wrota Luka­sa Hani­scha nawjedowali. Šěsć mjeńšin pozdźišo zwyši Mohammed Haji samo na 2:0 (32.). Hrajerjo Boreje Drježdźany pak so wot zastatka wulce wobwliwo­wać njedachu. W 42. min. woni přez wrota­ Antonija Frenzela a Junho Jeonga w 45. min. wurunachu.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND