Wažny krok doprědka šli

wutora, 12. nowembera 2019 spisane wot:

Dešno (CŠ/SN). Serbskej koparskej mu­stwje žonow a muži wotměštej minjeny pjatk zhromadny wječor w Dešnje. Horst Adam, předsyda Serbskich balokoparjow, witaše něhdźe 50 hrajerkow, hrajerjow a mustwowych zamołwitych na – po jeho słowach – historiske zetkanje. W srjedźišću steješe nimo mjezsobneho zeznaća tež rozprawa wo stawje organizacije nastupajo wobdźělenje na klětušej europeadźe w Korutanskej. Dešnjanski wjesnjanosta a zdobom čłon balokoparjow Fred Kaiser předstaji Dešno a prócowanja wjesnjanow, zachować serbsku rěč a kul­turu.

Horst Adam rysowaše w swojim přednošku dźěławosć towarstwa Serbske balo­koparje a Bjarnat Deleńk stawi­zny europeady.­ Trenarjej Frank Ričel a Horst Krawčik staj wječor jako jara poradźeny a jako wažny krok doprědka hódnoćiłoj, zo bychu so Serbja z Delnjeje a Hornjeje Łužicy na koparskim turněrje europskich narodnych mjeńšin zhromadnje derje prezentowali. Žonjace koparske mustwo běše do zetkanja hižo trenowało a je tež minjenu sobotu za dalše zhromadne zwučowanje wužiwało.

Kuriozne­ mocy­měrjenje bě gmejnski koparski derby Módro-běli Minakał – ST 1922 Radwor njedźelu popołdnju we wokrjesnej lize, stafli 2. Radworčenjo běchu hižo 3:0 nawjedowali, nadobo steješe 3:3, po tym 5:3 a na kóncu 5:4 za nich. Za dobyćerja trjechi­chu dwójce Tom Schulze (9./11.), Abdullah Omran (42.), Paul Rachela (76.) a Nico Buša (82.). Za Nica Bušu (ležo na zemi, Ra­dwor) běše to wosebite dožiwjenje, dokelž je jenož wupomhał a rozsudne wrota třělił. Duel bě chětro bojowniski, sudnik Jan Schin­dler dyrbješe jědnaće króć žołty kartonk pokazać. Foto: Jörg Stephan

Načolnikej doma podleželi

wutora, 12. nowembera 2019 spisane wot:

Tabulka wokrjesneje ligi, stafle 2

1. FSV Łuty 12 45 : 25 31

2. ST Hlinowc 12 39 : 15 29

3. HZ Łaz/Běły Chołmc 11 31 : 11 28

4. Traktor Malešecy 12 39 : 18 23

5. HZ Lubuš/Bluń 11 28 : 12 23

6. SJ Njebjelčicy 12 28 : 17 17

7. HZ Hórnikečanski jěz. 12 35 : 30 17

8. SJ Chrósćicy II 12 22 : 30 17

9. ST Radwor 12 20 : 23 16

10. HZ Wojerowski FC II 12 22 : 23 14

11. SV Haselbachtal 12 26 : 31 13

12. ST Wulka Dubrawa 12 19 : 24 13

13. SZ Wóslink/Skaskow 12 19 : 28 13

14. Nadrózna Hrabowka 12 19 : 43 7

15. Módro-běli Minakał 12 30 : 41 6

16. HZ Rakecy II/Šćeńca 12 8 : 59 1


ST 1922 Radwor

– FSV Łuty 1:3 (1:0)

Zestawa domjacych: Grenzemann – Kral, Bauer, Buša, Jendrewski, Wjacławk, Glücklich, Rachel (76. Weißbach), Schulze, Hettasch (58. Robel), Reineke

Po wjacorych přesłapjacych předstajenjach dyrbjachu Radworscy koparjo doma přećiwo načolnikej z Łutow nastupić. Radworčenjo ćerpja tuchwilu dale pod zranjenjemi a wotprajenjemi. Tohodla chcychu sej znajmjeńša jedyn dypk zawěsćić.

Młodźina A so w tabulce polěpšiła

wutora, 12. nowembera 2019 spisane wot:
Młodźina A Hrajneho zjednoćenstwa SJ Chrósćicy/SJ Njebjelčicy/ST Marijina hwězda je na 7. hrajnym dnju wokrjesneje ligi doma w Chrósćicach přećiwo HZ Groß­naundorfej/Lomnitzej 4:1 (2:1) dobyła. Wrota třělichu Fabian Kola (13.), Marvin Reine­cke (25.), Paul Šnajder (65.) a Bosćan Donat (80.). W tabulce polěpšichu so serbscy­ koparjo wo dwě městnje na 5. poziciju. Foto: Konstantin Hrjehor

Wuslědki (12.11.19)

wutora, 12. nowembera 2019 spisane wot:

Kopańca, regionalna liga žonow

Union Berlin – Lipsk-juh 6:0 (1:0)

Rudne horiny Aue – USV Jena II 3:2 (2:0)

Biskopicy – Viktoria Berlin 0:1 (0:0)

Magdeburg – Hohen Neuendorf 2:3 (0:2)

Phoenix Lipsk – Erfurt 1:1 (0:0)

Steglitzski FC – RB Lipsk 0:6 (0:4)

1. RB Lipsk 11 50 : 3 31

2. Union Berlin 11 35 : 5 25

3. FC Viktoria Berlin 11 28 : 8 23

4. FC Phoenix Lipsk 11 34 : 28 22

5. USV Jena II 10 27 : 14 17

6. Magdeburgski FFC 11 28 : 23 16

7. Steglitzski FC Stern 11 15 : 30 10

8. Přezjednota Lipsk-juh 11 17 : 33 10

9. 1. FFV Erfurt 10 15 : 28 9

10. Hohen Neuendorf 10 12 : 27 7

11. FC Rudne horiny Aue 11 13 : 51 7

12. Biskopičanske KT 10 7 : 31 4

wokrjesna liga, stafla I

Großröhrsd. II – Bretnig-Hausw. 3:1 (1:1)

Ottendorf-Okrilla – Bukecy 6:3 (5:1)

Wjazońca – Huska/Hodźij 5:1 (2:0)

Kubšicy – Wjelećin 1:0 (0:0)

Biskopicy II – Arnsdorf 2:4 (0:2)

Lomnitz-Großn. II – Wjernarjecy 2:2 (2:0)

Germ. Budyšin II – ST Budyšin 0:3 (0:2)

Kuriozna partija njerozsudnje wušła

póndźela, 11. nowembera 2019 spisane wot:

SV Haselbachtal

– SJ Njebjelčicy 2:2 (0:1)

Zestawa hosći: Hahn – Kral, Hanuza, Gödig­, Pawlik, Haška, O. Domš (66. Čornak), Lejnart, Hoelzel, Schulze, Korjeńk (90. Plaettner)

Druhe městno skrućili

póndźela, 11. nowembera 2019 spisane wot:

ST Kupoj/Nowa Łuka – HZ Pančicy-Worklecy 0:3 (14:25, 22:25, 19:25)

Tabulka wobwodneje ligi wuchodneje Sakskeje

1. Doprědka Rózbork  5 15 : 5 13

2. HZ Pančicy-Worklecy I 5 14 : 5 13

3. JTVG Koblicy 5 12 : 6 11

4. TSV Kundraćicy  6 13 : 9 11

5. Ochranowske wolejfantki 5 9 : 9 6

6. OSC Lubij  5 9 : 11 6

7. Nysa Wolejs  4 3 : 9 3

8. MSV Budyšin 04 II 5 3 : 14 2

9. ST Kupoj/Nowa Łuka 4 2 : 2 1


Sobotu dźěše za wolejbulistki prěnjeho zastupnistwa Hrajneho zjednoćenstwa Pančicy-Worklecy do Wojerec. Přećiwnik rěkaše tam ST Kupoj/Nowa Łuka, kotryž steješe do hry na poslednim městnje tabul­ki. Potajkim bě šansa wulka sej dalše­ tři dypki zawěsćić.

Awtor dźensa

Jan Hrjehor

Sym pjeć dnjow w conje FC Hansy Rostock, a to jako přiwisnik Dynama Drježdźany – konstelacija to kaž dynamit! Njepřeradźu pak so, ničo na to njepokazuje, zo sym fan čorno-žołtych. A to je tež lěpje tak. Njetraje mjenujcy dołho, a wuhladam na hrajkanišću swójbu: šikwanu žonu a zbožowne dźěći. Na prawym nadłochću nana-plěchača pak widźu wulki tattoo, kotryž pokazuje na fana FCH. Njemóžu pak přiwisnika do praweho lěhwa přirjadować. Pola FC Hansy maja mjenujcy tři fanowe skupiny. Normalny přiwisk, skupinu ultrafanow a k tomu hišće wulku črjódu hooliganow. Cyły čas swójbu wobkedźbuju a prašam so, što budźe pozdźišo ze zbožownych dźěći, hdyž snano raz zhonja, zo je nan ultrafan FC Hansy Rostock abo samo hooligan?

Wuslědki (11.11.19)

póndźela, 11. nowembera 2019 spisane wot:

Kopańca, krajna liga

Niska – Pirna-Copitz1:1 (0:0)

Riesa – Wilsdruff 3:2 (1:2)

Budyšin – Markkleeberg  2:3 (2:3)

Großenhain – Radebeul 1:4 (0:2)

Lößnitz – Taucha 1:0 (1:0)

Mittweida – Kamjenc 0:3 (0:2)

Nowosólc-Hródk – Lipsk 4:0 (1:0)

Rabenstein – Nowe Město 4:0 (0:2)

čoło tabulki

1. Jednota Kamjenc 11 17 : 4 25

2. FSV Nowosólc-Hródk 11 26 : 13 24

3. FC 1910 Lößnitz 11 21 : 12 20

4. Germania Mittweida 10 18 : 13 20

5. Großenhainski FV 90 11 26 : 20 19

6. VfL Pirna-Copitz 07 11 14 : 9 19

7. Budissa Budyšin 11 25 : 12 18

8. LSV Nowe Město 11 23 : 17 15

9. FC Módro-běli Lipsk 11 9 : 13 14

krajna klasa

Ćisk – Drježdźany-Strěžin 3:4 (0:2)

Běła Woda – Trjebin1:4 (0:2)

Großröhrsdorf – Rěčicy 2:2 (1:2)

Drježdźany Laubegast – Rakecy 3:2 (2:1)

Oderwitz – Weixdorf 3:1 (3:1)

Borea Drježdźany – Chrósćicy 1:1 (0:0)

Rotacija Drjež. – Drježdźanski SC 4:2 (2:1)

wokrjesna wyša liga

Horni kraj-Sprjewja – Porchow 5:0 (3:0)

Połčnica – Kinspork/Łužnica 1:1 (0:1)

Hnašecy-Dobr. – Ralbicy/Hórki 5:1 (3:0)

Germania Budyšin – Kulow 5:1 (2:0)

Hory – Marijina hwězda 4:2 (0:1)

Němske Pazlicy – Kumwałd 3:1 (0:1)

Ramnow – Wojerowski FC 2:1 (1:0)

wokrjesna liga, stafla 2

Hórnikeč. jězor – Haselbachtal 0:2 (0:2)

Łaz/Běły Chołmc – Malešecy 3:1 (1:0)

Łuty – Wojerowski FC II 2:1 (1:0)

Rakecy II/Šćeńca – Lubuš/Bluń 0:3 (0:2)

Chrósćicy II – Wóslink/Skaskow 0:2 (0:0)

Njebjelčicy – Nadr. Hrabowka 5:0 (1:0)

Hlinowc – Wulka Dubrawa 2:1 (1:0)

Minakał – Radwor4:5 (1:3)

Sport (08.11.19)

pjatk, 08. nowembera 2019 spisane wot:

Blidotenisowy pinčny duel

Radworscy blidotenisća hraja dźensa w 19.30 hodź. w druhej wokrjesnej lize, stafli 2 pola rezer­wy Módro-běłych w Njeswačidle. Wobaj cyłkaj matej hakle dwaj dypkaj a ste­jitej w pincy tabulki.

Kónctydźenski wolejbul

Jutře, 9. nowembra, hraje we wobwodnej wolej­bulowej lize wuchodneje Sakskeje prěnje mustwo Viktorije Worklecy wot 14 hodź. přećiwo OSC Lubijej a wot 16 hodź. přećiwo Módro-běłym Wojerecy II. W prěnjej hrě dnja nastupja Wor­kle­čenjo, kiž steja na 2. městnje ta­bul­ki, přećiwo poslednjemu a w druhej partiji přećiwo prěnjemu. To je konstelacija, kotraž móhła tomu dopomhać, zo budu trawersy Worklečanskeje ćěłozwučowarnje zaso raz połne. Wolejbulistki HZ Pančicy-Worklecy po­dadźa so jutře na hru w 14 hodź. přećiwo ST Kupoji Nowej Łuce.

Crossowe běhi

Budyske lochkoatletiske sportowe towarstwo OSLV Budyšin zarjaduje jutře sakske mišterstwa w crossowym běhanju. Najlěpše běharki a najlěpši běharjo Sakskeje wubědźuja so w Humboldtowym haju na jubilejnych 30. krajnych mišterstwach, a to wot 10 hodź. OSLV wočakuje něhdźe 300 sportowcow z cyłeje Sakskeje.

Serbska debata

nowostki LND