Wuslědki (08.01.20)

srjeda, 08. januara 2020 spisane wot:

Tabulki dorosta Zapadołužiskeho koparskeho zwjazka

młodźina, D wokrjesna liga-stafla 3

1. SG Großnaundorf 9 91 : 4 27

2. FSV Bretnig-Hauswalde 9 49 : 23 19

3. SV Liegau-Augustusb. II 9 35 : 29 18

4. SC 1911 Großröhrsdorf 9 36 : 31 18

5.  HZ Lomnitz/Großnaundorf II

 9 37 : 43 15

6. ST Kinspork/Łužnica II 9 50 : 35 13

7.  HZ Bretnig-Hauswalde II/Drohotka Ramnow 9 38 : 45 12

8. Arnsdorfske KT II 9 24 : 44 9

9. SV Haselbachtal 9 21 : 62 3

10. TSV Wachau II 9 12 : 77 0

młodźina D, wokrjesna liga-stafla 4

1. DJK Módro-běli Kulow 9 84 : 16 24

2. HZ Rakečanske ST/Módro-běli Njeswačidło 8 49 : 11 24

3. Wojerowski FC II 8 64 : 22 19

4.  HZ Wětnica/Hola/Nadrózna Hrabowka/TSG Njedźichow 9 37 : 26 18

5. ST Ćisk  9 47 : 30 12

6. ST Běła/Cunnersdorf II 9 27 : 32 12

7. Sokoł Ralbicy/Hórki 9 24 : 39 11

8.  HZ Ćisk II/LSV Hory/HZ Łaz/Běły Chołmc 9 11 : 64 6

9. DJK Módro-běli Kulow II 9 13 : 47 4

10. HZ Lubuš/LSV Bluń  9 11 : 80 0

młodźina E, wokrjesna wyša liga

1. ST Hnašecy-Dobruša 8 69 : 14 24

2. FSV Budissa Budyšin 8 53 : 20 18

3. Jednota Kamjenc 8 48 : 27 16

4. TSV Połčnica 1920 7 34 : 12 15

5. Liegau-Augustusbad II 8 38 : 30 13

6. FV Ottendorf-Okrilla 7 24 : 39 7

7. Póst Germania Budyšin 8 26 : 46 7

8. Wojerowski FC 8 22 : 65 3

9. Biskopičanske KT 08 8 11 : 72 0

młodźina E, wokrjesna liga-stafla 1

1. FSV Módro-běli Minakał 9 63 : 16 24

2. FSV Budissa Budyšin II 9 74 : 29 21

3. FSV Budissa Budyšin III 9 79 : 32 20

4. Póst Germ. Budyšin II 9 49 : 33 15

5. HZ Njeswačidło/Rakecy 9 36 : 34 15

6. Malešecy/ST Budyšink 9 66 : 33 14

7. TSV Wóspork/Hrodźišćo 9 22 : 40 9

8. ST 1922 Radwor II 9 44 : 88 7

9. 1896 Wulka Dubrawa 9 31 : 70 6

53. Budyski silwesterski běh z rekord­nym wobdźělenjom

Dźens tydźenja wobdźěli so na mjeztym 53. Budyskim silwesterskim běhu 449 atle­tow, wot štyrilětneho dźěsća hač k 85lětnemu wuměnkarjej. Z areala Młynkec łuka podachu so sportowcy na jednu z čarow 2,5 km, 5,3 km a 10,6 km do přirody Humboldtoweho haja a po­dłu Sprjewje zaso wróćo. Wobdźělnistwo wo 52 atletow wjace (2018 – 397 w cilu) běše nowy rekord w stawiznach tohole wurisanja. Budyske lochkoatletiske zjednoćenstwo Čerwjeno-běli 90 je znowa hłownje pod režiju Mehnertec mandźelskeju a z pomocu wjacorych sobustawow tutón podawk přikładnje organizowało a přewjedło.

Běharjo a běharki běchu z cyłeje Hor­nje­je Łužicy a zdźěla Delnjeje Łužicy, z Drježdźan kaž jeje wokoliny, Lipska, Hamburga, Berlina, Koblenza a z pólskeho Zgorzeleca. Najprominentniši wobdźělnik běše Budyski něhdyši profijowy triatlet Maik Petzold, kiž je tež sobustaw zarjadowaceho zjednoćenstwa. Dobry dźesatk serbskich starterow je tež zaso z brawuru wojowało a wuspěch žnjało. Najstarši starter je so cyłkownje 49. króć sobu wubědźował.

Wuslědki někotrych wobdźělnikow

Z wyšinami a přesłapjenjemi

wutora, 07. januara 2020 spisane wot:

Štwórtu sezonu we wólnočasnej lize Zapa­dołužiskeho koparskeho zwjazka (WFV) přewjedli su stari knježa-koparjo Sokoła Ralbicy/Hórki. W hrajnej dobje 2018 běchu so woni prěni raz z mištrom stali a běchu tuž loni ći honjeni.

Cyłkownje běše za sezonu dźesać mustwow přizjewjenych, a hižo w prěnjej hrě zwěsćichu, zo su wone tež na kwaliće přidobyli. Prěnju partiju Sokoljo hišće z 3:1 dobychu, ale hižo w druhej přećiwo HZ Blunjej/Lubušej kopachu jenož njerozsudnje. Z Kulowom čakaše na Sokołow najsylniše mustwo. Tam pak so woni mócnje stopnjowachu, hrajachu 0:0 a zaměstnichu so w načolnej skupinje tabulki. Wulke běše přesłapjenje po šestym hrajnym dnju pola nowačka z Hermsdorfa. Tam pokazachu Ralbičenjo najsłabši wukon a 1:3 přěhrachu. W hrě přećiwo Rakecam so porno tomu z 3:1 přesadźichu. Jenož tydźeń pozdźišo hrajachu znowa w połfinalu pokala přećiwo Ra­kečanam a tam zastatk 0:2 hišće wu­runachu. W třělenju jědnatkow pak pobrachowaše jim zbožo, tuž woni znowa w połfinalu zwrěšćichu.

Za koparsku europeadu zhromadnje trenowali

wutora, 07. januara 2020 spisane wot:

Choćebuz (HA/SN). Přihoty na lětušu euro­peadu w Korutanskej su tež za Serbskej koparskej wubrance muži a žonow rozsudnu fazu docpěli. Wone sej tónkróć wjace idejow a dźěła pominaja, dokelž sćele tam Domowina prěni raz mustwje z hrajerjemi/hrajerkami z Delnjeje a Hornjeje Łužicy.

Tale hrajna scena nasta na halowym koparskim turněrje Towarstwa Cyrila a Metoda zašłu sobotu w Chrósćicach. Jan Bogusz (2. wotlěwa) přesadźi so přećiwo Tomašej Domašce. Turněr dobyło je mustwo Zornowc Hórki. Najfairniši cyłk bě Módra pjeć, najlěpši třělc Michał Młynk, najlěpši wrotar Fabian Hejduška a najlěpši hrajer Jonas Zynda. Foto: Jörg Stephan

Sobotu, 28. hodownika 2019, wotmě so w Pančičanskej ćěłozwučowarni 34. nowolětny wolejbulowy turněr Sportoweho towarstwa Marijina hwězda. Z dwanaće přizjewjenych mustwow pak bě jedne krótkodobnje wotprajiło.

Nimo tradicionalnych cyłkow, kaž Kukow-ći stari abo Miłočenjo, wobdźělichu so tež nowe, kaž finalist Mixery abo Kolegojo. Hrali su w skupinomaj z jónu pjeć a­ jónu šěsć mustwami. A kóžde je spytało w běhu dwanaće mjeńšin tamne přewinyć.

Po skupinskej fazy wubědźowaštej so prě­ni skupiny A z druhim skupiny B a nawopak w mjezykole. Runje tak přewjedźechu překřižne duele mjez třećim a štwórtym skupiny. Dokelž bě ličba cyłkow na turněrje njeruna, wuhra městna 9 do 11 trójka „Weihnachtsrummel-Truppe“, koparske mustwo starych knjezow ST Marijineje hwězdy a M&Ms. W partiji wo sedme městno wojowachu Kolegojo a Mło­dźi piwoněrojo. Kolegojo so pře­sadźichu. Pjate městno zawěsći sej team Zieschnack & Friends, kotryž přewiny Miłočanow.

Wuslědki (07.01.20)

wutora, 07. januara 2020 spisane wot:

Tabulki dorosta Zapadołužiskeho koparskeho zwjazka

młodźina D, wokrjesna liga-stafla 1

1. ST Horni kraj Sprjewja 9 81 : 8 27

2. TSV 1859 Wjernarjecy 9 39 : 20 19

3. HZ Traktor Malešecy/ST Budissa Budyšink 8 93 : 20 18

4. ST Hnašecy-Dobruša 9 50 : 39 15

5. HZ TSV Wjernarjecy II/TSV Wjazońca

 9 45 : 48 15

6. Motor Kumwałd 9 38 : 31 12

7. HZ Bart/Bukecy II 9 38 : 41 10

8. ST Wulka Dubrawa 8 20 : 39 9

9. ST Horni kraj Sprjewja II 9 29 : 61 5

10. SZ Wjelećin 9 3 : 129 0

młodźina D, wokrjesna liga-stafla 2

1. ST Hodźij 04 9 46 : 12 22

2. Póst Germania Budyšin 9 34 : 10 22

3. FSV Budissa Budyšin III 9 47 : 22 18

4. SJ Chrósćicy 9 27 : 26 13

5. HZ Postup Großharthau/Großdrebnitz/Seeligstadt 9 19 : 20 13

6. Biskopičanske KT 08 II 9 22 : 33 12

7. SJ Njebjelčicy 9 30 : 40 10

8. ST Marijina hwězda 9 25 : 55 9

9. ST Budyšin 9 20 : 36 7

10. ST Hodźij 04 II 9 17 : 33 6

Sokoljo derje wotrěznyli

póndźela, 06. januara 2020 spisane wot:

Spočatk decembra bě so Tomaš Henčl, tre­nar­­ krajneho ligista Budissa Budyšin, nazwučowarja Sokoła Ralbicy/Hórki Chrystofa Gloxyna woprašał, hač móhł sej předstajić so 27. decembra w Budyšinje na SZ-cupje wobdźělić.

Poprawom njeběchu halowe koparske turněry zaplanowane, ale přeprošenje z města su Sokoljo rady sćěhowali. Hižo 11. decembra skupiny wulosowachu. Sokoljo trjechichu w stafli A na hosćićela Budissu Budyšin U 21, FSV Wo­paku a Zeleno-běłych Bukecy. W stafli B su Póst Germania Budyšin, ST Horni kraj Sprjewja, ST Hnašecy-Dobruša a FSV Nowosólc-Hródk U 21 mocy měrili.

Chróšćenjo titu zakitowali

póndźela, 06. januara 2020 spisane wot:

Na předposlednim dnju lěta 2019 wotmě­ so we Worklecach zaso tradicionalny halowy koparski turněr wo pokal wjesneho a gmejnskeho zwjazka CDU. Tónraz wobdźěli so dźesać mustwow­, kotrež hrajachu w dwěmaj staflomaj ze zestawu 1:3. Najprjedy wubědźowachu so w staflomaj kóždy přećiwo kóždemu stajnje dźewjeć mjeńšin, po tym hrajachu stajnje prěni a druhi stafle přez křiž wo zaćah do finala.

W stafli B pak nasta njewšědna konste­lacija. Druhe młodźinske mustwo z Worklec a cyłk z Chrósćic měještej samsnu ličbu dypkow kaž tež samsny wrotowy poměr. Třělenje ze sydom metrow dobychu Worklečenjo, a tak rěkaše prěnje połfinale druhe młodźinske mustwo z Worklec přećiwo prěnjemu młodźinskemu mustwu z Worklec. Rezerwa hosćićelow duel z 2:1 doby. Najprjedy drje bě prěnje mustwo nawjedowało, dokelž pak dósta jeho hrajer njesportowskeho zadźerženja přećiwo sudnikej čerwjenu kartu, smědźeše mustwo jenož hišće z třomi koparjemi dale hrać. W tej fazy poradźichu so Worklecam II dwoje wrota.

Awtor dźensa Clemens Šmit

Lubi čitarjo našeje kolumny, tež w lěće 2020 směmy so zaso na někotryžkuli sportowy wulkopodawk wjeselić. Prjed hač sportowe lěto zhromadnje přeńdźemy, mam hišće nowosć z medijow za was. Wotnětka njewusyła mjenujcy Serbski rozhłós wšědnje jenož hodźinku dlěje, ale přidatnje směmy so wotnětka tež kóždu srjedu na dalši rańši sportowy přinošk wjeselić.

Prěni wulki wjeršk lěta, 68. turneja sněhakowarjow po štyrjoch skakanišćach, so dźensa kónči. Njewostanje pak to jenički sportowy podawk w zymje. Hnydom tři dalše spočatk lěta na nas čakaja. Hižo štwórtk so swětowe mišterstwa w mjetańcy zahaja. Wone su lětsa w Awstriskej, Šwedskej a Norwegskej. Šansu na do­byće wuličeja sej při tym tež chowancy trenarja Christiana Prokopa. Cil Němcow wšak rěka: znajmjeńša połfinale. Apropos fi­na­le. Mjeztym hižo 54. raz budźe spočatk februa­ra tak mjenowany „super bowl“, potajkim kónčna sezonowa hra w american footballu. A srjedź februara přewjedu w južnotirolskim Antholzu swětowe mišterstwa w biatlonje.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND