Pokazujakluče nadźije

wutora, 21. awgusta 2018 spisane wot:
Budyšin (SN/MiR). Dwaceći fotow wopřijima wustajeńca, zaběraca so z temu ćěkanje a strach. Widźeć su portrety a pjasće ćěkancow, w kotrychž chowaja kluč. Pokazka to na dom abo bydlenje, kotrež dyrbjachu woni wójny abo wohroženja dla wopušćić. Hornjołužiski zwjazk Carity přeproša na přehladku organizacije Caritas International „Kluče nadźije“ (Keys of Hope) do zetkawanskeho centruma w Budyskej Strowotnej studni. „Nažel móžemy ju jenož někotre dny pokazać“, rozłožuje Felizitas Birkhofenowa, zamołwita tam za zjawnostne dźěło, „dokelž je pućowanska wustajeńca jara požadana.“ Hižo sobotu, 25. awgusta, budu fota wo čłowjekach kotrež maja wjele rjec, dale pućować. „Za kóždym klučom tči dóńt čłowjeka“, wona rjekny, „a za kóždym čłowjekom stawizny.“ Fotografowani wo swojich dožiwjenjach a myslach powědaja. Nawróća so młodostni a dorosćeni do swojeje domizny? Namakaja woni swoje doma? Je kluč nadźija na nawrót? Putace su začuća młodeho muža Bacela ze syriskeho Homsa. Wón powěda wo swojej maćeri, při kotrejž měješe „najćopliše městno na cyłym swěće“. Płuwajo bě so do Europy dóstał.

Ludźomz handikapom pomhać

štwórtk, 16. awgusta 2018 spisane wot:

Budyšin (SN/MiR). Turistiske towarstwo Budyšin přihotuje lětsa prěni staroměšćanski swjedźeń. Přeprošene na swjedźeń, natwarjacy na tón w Starej wodarni, su wšitcy zajimcy, tež ludźo z handikapom.

W měsće Budyšinje ma turistiske towarstwo wosebje stare wěže a dalše pomniki za wobhladanjahódne. „Jich přetwar, zo móhli sej je tež ludźo z handikapom wobhladać, je skerje problematiski, móhłrjec njemóžny“, zdźěli předsyda turistiskeho towarstwa Dietmar Stange na naprašowanje SN. We wěžach maja jeno schody, nic pak lift.

Přeju dale dosć podpěry

pjatk, 03. awgusta 2018 spisane wot:
Hižo wot lěta 1990 přeprošeja čłonojo ­Kamjenskeje Iniciatiwy dźěći z Černobyla běłoruske, na diabetes schorjene dźěći na wočerstwjenje do Łužicy. Mjeztym nimale tři lětdźesatki čestnohamtsce tajki přebytk organizować, za tym tči tójšto prócy a dźěła. Njezejmuju kłobuk jeno před čłonami iniciatiwy, za kotruž angažuja so tež wjaco­ri Serbja, ale zdobom před wšěmi, kotřiž iniciatiwu po swojich móžnosćach podpěruja, a to hižo cyły čas. Wěm so dopomnić, zo běchu před někotrymi lětami dźěći a młodostni z Černobyla hišće w hóstnych, tež serbskich swójbach zaměstnjeli, na přikład na wsach wokoło Pančic-Kukowa. Tomu drje dźensa wjac tak njeje, dokelž je dale a ćešo hóstnych staršich nańć. Přiwšěm njeje Kamjenska iniciatiwa wótku do žita ćisnyła, ale je nowe puće namakała dźěćom z Černobyla pomhać. Přeju iniciatiwje, zo dóstawa dale dosć podpěry. Tak móže dźěćom spodobne dny we Łužicy zmóžnjeć. Janek Wowčer

Pytaja drastu za Černobylske dźěći

pjatk, 03. awgusta 2018 spisane wot:

Kamjenc (SN). Wot dźensnišeho přebywaja w Kamjencu znowa dźěći z běłoruskeho Černobyla, zo bychu so we Łužicy wočerstwili. Wo tym informuje městopředsyda towarstwa Iniciatiwa dźěći z Černobyla Georg Tietzen w nowinskej zdźělence.

Kaž hižo minjene lěta přebywa znowa na přeprošenje Kamjenskeho towarstwa 20 na diabetes schorjenych dźěći a młodostnych ze swojimi pjeć přewodnikami w Hornjej Łužicy. Hač do 24. awgusta so woni tu wočerstwjeja a su wodnjo w Kamjenskim dźěćacym domje towarstwa na Fichtowej. „Přebytk je wažny wobstatk běłorusko-němskeho projekta ‚Šula – žiwy być z diabetesu‘, kotryž kóžde lěto zhromadnje z našim běłoruskim partnerskim towarstwom přewjedujemy“, Tietzen rozłoži. Při tym posrědkuja dźěćom teoretiske znajomosće a praktiske nazhonjenja při wšědnym wobchadźenju z chorosću. Zajimawje zestajany program lubi dźěćom tež mnohe njezapomnite wokomiki a rjane dopomnjenki.

Młody Afghaničan ma wulki cil: Chce so z prawiznikom stać

Jeho zakónčace pruwowanja wobstejachu z třihodźinskeho pisomneho a ze štyrihodźinskeho ertneho dźěla. Za kurs němčiny po rěčnym certifi­kaće B2 je so Jome Khan Saidi na Bu­dyskej ludowej uniwersiće zašłe měsacy chětro poćił. „Pruwowanja njeběchu loch­ke“, rozłoži 19lětny Afghaničan w do­mje za ćěkancow na Wojerowskej Thomasa Müntzerowej. „Dyrbiš běžnje rěčeć móc a list ze znajmjeńša 150 słowami pisać.­“ W swojim přikładźe pisaše Jome list sportowemu towarstwu. W nim prošeše wo informacije k poskitkam cyłka.

W ertnym pruwowanju kładźechu pruwowarjo wosebje wulku wažnosć na korektne wurjekowanje. Samo dialekty měješe pruwowanc rozeznawać. Jome běše so intensiwnje na pruwowanja přihotował. W jeho rjadowni bě 23 ćě­kancow wšelakeho pochada, na přikład ze Syriskeje, z Irana, Pakistana, Afgha­nistana, Uzbekistana, Čečenskeje a tež z Indiskeje. „Běchmy dobra rjadownja bjez konfliktow. To mje wězo jara zwjeseli“, praji 19lětny, kotryž je mjeztym dołhu odyseju zakónčił.

Hižo jako ćěšenk sobu ćeknyć dyrbjał

Kulojte blido babow ze žadanjemi

štwórtk, 19. julija 2018 spisane wot:

Sakske baby a frakcija Zelenych w Sakskim krajnym sejmje maja zhromadne zaměry. Zeleni žadaja sej dalšu podpěru swobodneho stata hladajo na financowanje babow a jich skutkowanje na dobro młodych swójbow.

Drježdźany (SN/MiR). Hladajo na dale a wjac porodow ma so ličba łožow w tuchwilu 41 sakskich porodnych klinikach přepruwować. Centralny problem wostanje nuznje trěbna reforma winowatostneho zawěsćenja za baby. Kulojte blido babow, kotrež bu na iniciatiwu frakcije Zelenych kaž tež sakskeho zwjazka babow załožene a na kotrymž wobdźěleja so tež serbscy zajimcy, je so pod mjenom „Pomoc k porodej a zastaranju babow“ wospjet w njeprawidłownym wotstawku wotměło. Přichodnje chce so gremij dwójce wob lěto schadźować.

Lětnje jewišćo

wutora, 10. julija 2018 spisane wot:

Budyšin (SN/bn). Njedawno wotewrjeny Budyski Thespis-centrum wuhotuje wot wčerawšeho we wobłuku swojeho prózdninskeho programa wšědnje popołdnju wotměnjawe wosebite dźěłarnički za mło­dostnych a młodych dorosćenych wot 14 do 28 lět.

Zajimcy zdźěłuja na zakładźe improwizacije wšelake wuměłske přinoški, na přikład na polu dźiwadła, reje abo widejo-performancy. Hač do kónca prózdnin je wobdźělnikam „lětnje probowe jewišćo“ wotewrjene. Stajnje pjatk wobsteji móžnosć, sej wuslědki tydźenskich zwučowanjow wobhladać. Nošer centruma, Němsko-Serbske ludowe dźiwadło, w nowinskej zdźělence na to skedźbnja, zo jednotliwe dźěłarnički ze sobu njezwi­suja a zo njejstej tuž ani přizjewjenje ani prawidłowna přitomnosć sobuskutkowacych trěbnej. Nimo toho NSLDź wu­zběhnje, zo su „pohib dowolace drasty“ jeničke wuměnjenje za wobdźělenje, wěste znajomosće sej nježadaja.

W Choćebuskim Łužiskim parku su minjenu sobotu mjeztym 22. wulku akciju darjenja kreje přewjedli. Němski čerwjeny křiž bě za to swojej mobilnej laboraj pósłał. Nimo toho mějachu ludźo składnosć, w rumnosćach centeroweho managementa krej darić. Cyłkownje 307 darićelow so wobdźěli. Mjez nimi běštaj Frank Groba (naprawo), kiž je mjeztym wjace hač 40 króć krej darił, a Georg Schmidt. Woběmaj je sotra Doreen krej wotewzała. Foto: Michael Helbig

W Choćebuskim centrumje za schorjenja wutroby přepodachu zawčerawšim nowu 70 kwadratnych metrow wulku a 3,6 milionow eurow drohu, tak mjenowanu ­hybridnu operacisku žurlu, w kotrejž móža kardiologojo a chirurgojo paralelnje ­dźěłać. Choćebuski centrum je po wšej Europje připóznaty. Foto: Michael Helbig

Budyšin (SN/mwe). Po cyłej Sakskej wotmě so wutoru 14. akciski dźeń „genial­social – twoje dźěło přećiwo chudobje“. Mjez wobdźělnikami wot 6. lětnika běchu tež šulerjo Budyskeho Serbskeho gymnazija, Wojerowskeho ewangelskeho gymnazija Johanneum a dalši z Hornjeje Łužicy. Dźěłali su mjez druhim w chorownjach, institucijach, pola rjemjeslnikow, w hosćencu abo pensiji­. Tež w redakciji SN mějachmy dobrowólnika.

nawěšk

  • 21. jolka-swjedźeń w Nuknicy je nimo. Štož zwostanje su dopomnjenki na rjany žortny a zabawny wječor w Nukničanskej Brězanec bróžni. Někotre impresije serbskeho wječora w Nuknicy, kotrež je naša fotografowka-wolontarka Hanka Šěnec zhotowiła, wam tule
  • Serbske Nowiny-LND-Tuchmacherstr. 27 02625 Bautzen: Jolka 12.01.2019
  • Serbske Nowiny-LND-Tuchmacherstr. 27 02625 Bautzen: Jolka 12.01.2019

nowostki LND