Na beneficny koncert

pjatk, 04. decembera 2015
artikl hódnoćić
(0 )

Jaseńca. Runja zašłym lětam wuhotuje muski kwartet PoŠtyrjoch tež lětsa be­neficny koncert w Jaseńcy. Tón wotměje so jutře, 5. hodownika, w 19.30 hodź. w bróžni Floriana Rynča. Na wopytowarjow čaka wotměnjawy program, kotryž pak skupina PoŠtyrjoch sama njewuhotuje. Přeprosyła je sej tónkróć Spěwny consorcium seniorow. Z wunoškom ze zběrki kaž tež z předawanja jědźe a napojow ma so zaso podpěrać akcija Towarstwa­ Cyrila a Metoda Łužica pomha. Po koncerće su wšitcy wopytowarjo na zhromadne spěwanje přeprošeni.

Wustajeja Bože narodki

Kulow. Přehladka Božich narodkow budźe přichodne tydźenje w Kulowskim ewangelskim Forellowym centrumje na Kolpingowym­ naměsće 8 widźeć. Wotewrěć­ chcedźa wustajeńcu njedźelu, 6. decembra, po kemšach, kotrež započnu so w 9 hodź. Ale hižo jutře, sobotu, móža sej zajimcy narodki wobhladać, a to wot 15 do 17 hodź., hdyž su w Kulowje adwentne wiki. Wustajeńca budźe hač do 15. februara přistupna. Tež w Šěrachowje pokazuja jutře a njedźelu stajnje wot 9 do 18 hodź. přehladku Božich narodkow na Hižbjećinej žurli při katolskej farje.

Serbske blido w stolicy

wozjewjene w: Z městow a wsow
Prošu přizjewće so, chceće-li komentar podać

nawěšk

nowostki LND