Njeje přepozdźe Serbski sejm wutworić

wutora, 24. januara 2017
artikl hódnoćić
(1 )
Po słowach dr. Měrćina Wałdy (nalěwo), tule w rozmołwje z intendantom Budyskeho Němsko-Serbskeho ludoweho dźiwadła Lutzom Hillmannom, njeje přepozdźe Serbski sejm wu tworić. Wo to wón z iniciatiwnej skupinu wojuje.  Foto: SN/Maćij Bulank Po słowach dr. Měrćina Wałdy (nalěwo), tule w rozmołwje z intendantom Budyskeho Němsko-Serbskeho ludoweho dźiwadła Lutzom Hillmannom, njeje přepozdźe Serbski sejm wu tworić. Wo to wón z iniciatiwnej skupinu wojuje. Foto: SN/Maćij Bulank

W interviewje ze Serbskimi Nowinami, wozjewjenym 9. decembra 2016, je so bywši jednaćel Domowiny Bjarnat Cyž tež k iniciatiwnej skupinje Serbski sejm wuprajił. To wubudźi reakciju mjez sejmikarjemi­. Janek Wowčer je so tuž z rěčnikom iniciatiwy dr. Měrćinom Wałdu rozmołwjał.

Bywši jednaćel Domowiny Bjarnat Cyž je přeswědčeny, zo njemóže waše hibanje wuspěch měć, dokelž wšelke zakładne naležnosće, kaž wólbny modus, jasne njejsu, kaž wón w interviewje z našim wječornikom kónc minjeho lěta rjekny. Ma iniciatiwna skupina wólbny modus, kotryž prawnisce wobsteji?

M. Wałda: Zajimawe to twjerdźenje Bjarnata Cyža, ale wopačne. Wolerstwo wobsteji z tych Serbow, kotřiž dadźa so do wolerskich lisćin k Serbskemu sejmej zapisać a so tak runočasnje pisomnje k serbstwu wuznawaja – tele postupowanje budźe „podnurjakow“ skutkownje wottrašeć. Dokelž je zakonsce zapisane, zo so wuznawanje na statnej runinje njesmě registrować, wjedu so wólbne lisćiny njezjawnje pod dohladom rady starostow a, je-li trjeba, tež přidatnje pod dohladom notara. Kóžde towarstwo móže wólby sobu rjadować.

wozjewjene w: Rozmołwa
Prošu přizjewće so, chceće-li komentar podać

Serbska debata

nowostki LND