Kopańca, wokrjesna wyša liga

Kulow – Biskopičanske KT II 0:3 (0:2)

Horni kraj-Sprjewja – Radwor 5:0 (3:0)

Němske Pazlicy – Ramnow 2:0 (2:0)

Sokoł Ralbicy/Hórki - ST Ćisk  5:0 (2:0)

1. ST Horni kraj-Sprjewja 6 23 : 1 18

2. Biskopičanske KT II 6 21 : 3 15

3. Sokoł Ralbicy/Hórki 6 17 : 5 15

4. TSV Połčnica 6 14 : 9 15

5. ST Hnašecy-Dobruša 6 30 : 10 13

6. Módro-běli Kulow 6 13 : 9 11

7. SG Großnaundorf 6 12 : 16 10

8. Natwar Němske Pazlicy 6 14 : 23 8

9. SC Großröhrsdorf 6 11 : 9 7

10. HZ Łaz/Běły Chołmc 6 4 : 12 6

11. Drohotka Ramnow 6 14 : 14 5

12. TSV Wachau 6 17 : 21 5

13. Hlinowski SK  6 12 : 17 4

14. ST Radwor 6 6 : 24 4

15. FV Ottendorf-Okrilla  6 4 : 14 1

16. ST Ćisk  6 6 : 31 0

Kati Strukowej, nowej zamołwitej za serbske naležnosće wokrjesa Zhorjelc, smědźa so zamołwići wobeju zarjadowarjow, mjenujcy Serbskeho šulskeho towarstwa z.t. a Serbskeho Sokoła z.t., dźakować, zo mějachu wšitcy wobdźělnicy 2. serbskeho sportoweho wubědźowanja „Sportej zdar!“ tež lětsa zaso swójske pisane T-shirty z mjenami šulow na chribjeće. Tak nasta tydźenja wot wšeho spočatka pisane sportowe wubědźowanje serbskich wyšich šulow a Serbskeho gymnazija a nimo toho jara dobre přirjadowanje kubłanišćow do jednotliwych wubědźowanskich lisćinow.

Nowostka, přirunujo lětuše druhe wurisanje z lońšim premjernym, bě połny wuspěch. Šulerki a šulerjo zlěpichu sej nalěpk z płata na swójsku hrudź, na kotrymž bě logo sportoweho swjedźenja a předmjeno sportowče abo sportowca abo swójbne mjeno sportoweje wučerki a sportoweho wučerja napisane. Nalěpki běchu wuhotowarjo Wyšeje šule Slepo připrawili. Tak móžachu so holcy a hólcy mjez sobu z předmjenom narěčeć abo pozdźišo dalši kontakt přez socialne syće nawjazać.

Berlin (B/SN). Němski zwjazkowy kancler Olaf Scholz (CDU) je na swjatočnosći k 175lětnemu wobstaću diakonije křesćanske spomóžerske zwjazki chwalobnje wuzběhnył, prajo: „Bjez nich njeby socialny system w Němskej fungował.“ Zwjazkowy prezident Frank-Walter Steinmeier podšmórny: „Diakonija steji za ­žiwu solidaritu, angažement a zamoł­witosć, tři najwažniše demokratiske počinki­.“ Zwjazk ma 630 000 sobudźě­łaćerjow a 700 000 čestno­hamtsce skutkowacych.

Lutheranojo w Pólskej

Krakow (B/SN). Srjedź septembra wotmě so w Krakowje 13. hłowna zhromadźizna Lutherskeho swětoweho zwjazka (LWB) pod hesłom „Jedne ćěło, jedyn duch, jedna nadźija“. Zetkanje słužeše přewinjenju šćěpjenjow a polarizacije w cyrkwi a towaršnosći. Na zhromadźiznje, kotraž je kóžde sydom lět, wobdźěli so 350 delegatkow a delegatow ze 100 krajow a 150 cyrkwjow. Na njej bu nowy prezident, biskop Henrik Stubkjaer (Stubkjær ) z Danskeje, wuzwoleny. Zwjazkej LWB přisłuša 77 milionow wěriwych.

Wjes wujednanja

Po nadpadźe Ruskeje na Ukrainu běchu so wšě móžne ruske teamy, atleća a atletki z wulkich sportowych wubědźowanjow wuzamknyli. Mjeztym pak na přikład w tenisu zaso ruscy sportowcy za swój kraj startuja. Před něšto dnjemi je tež paralympiski komitej IPC rozsudźił, zo smědźa so sportowcy a sportowče z Ruskeje klětu na paralympiskich hrach w Parisu wobdźělić, ale pod neutralnym statusom. ­Za prezidenta Němskeho sportoweho zwjazka zbrašenych je to njepředstajomny scenarij. Sćelakej Deutschlandfunk bě wón zdźělił, zo je jara přesłapjeny a zo je to za mjezynarodne paralympiske hibanje chětro „čorny dźeń“. Pola olympiskeho komiteja IOC je wuwiće podobne, reakcije pak nawopačne. Prezident IOC Thomas Bach, jako jedyn, kiž nima žane skruple tež za awtokratami a dema­gogami łazyć, zasadźuje so mjenujcy za to, zo móhli klětu w Parisu zaso wšě top-atletki a top-atleća startować, tež z Ruskeje a Běłoruskeje. Runje tak chce UEFA ruske a běłoruske mustwa na polu ­mjezynarodnych dorostowych turněrow w přichodźe zaso ­dowolić.