Dale bjez dypka, ale z dobrej moralku
SJ Chrósćicy II – LSV Nowe Město nad Sprjewju 2:3 (1:1)
Zestawa domjacych: Cyž – D. Bogusz, Mark, Mohaupt (87. Pjetaš), Kunze (46. Budar), Liznar, J. Bogusz, Klimant, Zahrodnik, Dórnik, Šmit
Po jasnej poražce 0:10 přećiwo mustwu z Němskich Pazlic chcychu a dyrbjachu so koparjo druheho zastupnistwa Chróšćanskeje SJ nětko bóle wobarać. To žadaše sej tež trenarska dwójka Dórnik/Klimant. Prěni połčas běše wurunany a wobaj cyłkaj měještej šansy. W 37. min. Sudakow tajku wuži a trjechi k 0:1. Chróšćenjo pak z dobrej moralku štyri mjeńšiny pozdźišo wurunachu. Mohaupt bě so na prawym boku přesadźił a bul Janej Boguszej přihrał. Z 25 metrow suny młody nadběhowar bul z krasnej techniku do třiróžka. Třělc wrotow Jan Bogusz, tón dźeń najlěpši hrajer SJC, pokaza, čehodla husto tež za prěnje Chróšćanske mustwo za bulom honi.
Widźał,słyšał, napisał (02.10.17)
Awtor dźensa
Tomaš Faska
Pisamy 2. winowca. Za mnje składnosć, pohladać do protyki sportowych stawiznow. Tele su zwjazane z wosobinskim jubilejom – narodninami wurjadneho čěskeho sportowca.
Tón abo tamny přećel motocrossoweho sporta so na njeho snano hišće dopomina, byrnjež so z časa jeho najwjetšich wuspěchow tola hižo něšto lětdźesatkow minyło. Rěč je wo Květoslavje Mašiće, kiž je dźensa před 60 lětami w Praze swětło dnja wuhladał. Mašita bě w 1970tych lětach jedyn z najwuspěšnišich pilotow na polu motocrossoweho sporta. A smě so rjec, zo bě swój čas najwuspěšniši na swěće. Z tak mjenowanym „Trofijowym teamom“ tehdyšeje Čěskosłowakskeje republiki doby wón mjez 1970 a 1978 šěsć króć woblubowane „Šěsćdnjowske wubědźowanje“, znate tež jako „Six Days Trial“, pozdźišo „Six Days Enduro“. Z lěta 1970 płaći tele wubědźowanje oficialnje jako swětowe mišterstwo za narodne mustwa.
Porjadny remis widźeli
ST Radwor – Wojerowski FC 0:0
Zestawa domjacych: Kral – Schild, Henka, Šěrak, Omran, Bejmak, Winar, Zimmermann, Hančik (90. Wjeńka), Kurjat, Schulze (87. Bauer)
Hosćo z Wojerec podachu so z wulkim tempom do koparskeho duela načolneju cyłkow z wysokim tempom. To mějachu Radworčenjo spočatnje swoje ćeže. W 19. min. dyrbješe jich wrotar Beno Kral hnydom dwójce zakročić, zo by zastatkej zadźěwał. Po tym so tež domjacy do hry namakachu. Hłójčkowane třělwy Křesćana Bejmaka a Abdulle Omrana móžeše Wojerowski wrotar wotwobarać (33., 35.). Hłójčkowany bul hosći prasny do žerdźe (36.). Mjeńšinu pozdźišo mějachu domjacy najlěpšu šansu. Franc Winar pósła Měrćina Kurjata. Jeho kop z něhdźe dźesać metrow pak wokoši łatu.
Wuslědki (02.10.17)
Wokrjesna wyša koparska liga
Kulow – Hnašecy-Dobruša 4:1 (1:1)
Bukecy – Kinspork/Łužnica 2:1 (1:0)
Póst Germ. Budyšin – Radwor 3:1 (2:1)
Wojerowski FC – Rakečanske ST 3:1 (2:0)
LSV Hory – Motor Kumwałd 2:1 (2:1)
SG Großnaundorf – ST Budyšin 4:5 (1:3)
Ramnow – Sokoł Ralbicy/Hórki 1:2 (1:0)
ST Wjelećin – SC Großröhrsdorf 2:2 (0:0)
1. SC Großröhrsdorf 7 17 : 2 19
2. Módro-běli Kulow 7 26 : 6 16
3. Wojerowski FC 7 15 : 10 16
4. ST Radwor 7 18 : 13 11
5. Sokoł Ralbicy/Hórki 7 8 : 7 11
6. Rakečanske ST 7 18 : 16 10
7. LSV Hory 7 15 : 15 10
8. Drohotka Ramnow 7 12 : 13 10
9. ST Wjelećin 7 15 : 17 10
10. SG Großnaundorf 7 14 : 14 9
11. ST Hnašecy-Dobruša 7 9 : 11 7
12. ST Kinspork/Łužnica 7 10 : 17 7
13. Motor Kumwałd 7 7 : 14 7
14. Zeleno-běli Bukecy 7 9 : 20 7
15. Póst Germania Budyšin 7 9 : 13 5
16. ST Budyšin 7 7 : 21 4
Sport (29.09.17)
Dumpersportowe finale
Wulke finale wo němske dumperowe mišterstwa (DDM) budźe jutře a njedźelu w Hórkach. Sobotu wot 15 hodź. přewjedu Lejnjanscy dumpersportowcy, na něhdyšim twjerdym hrajnišću regionalne wubědźowanje. 1. oktobra w 11 hodź. budźe kwalifikacija za hłowny běh, kotryž započnje so w 14 hodź. Wot 15.30 hodź. wubědźuje so dorost z liliputami.
Trening na Kaponicy
MC Jawora poskići jutře, sobotu, treningowe lěhwo za započatkarjow a postupnikow. Zajimcy móža so wot 9.30 hodź. přizjewić. Zwučowanja započnu so w 10 hodź., kónc budźe wokoło 17 hodź.
Běh přez zadźěwki
Sportowe towarstwo TV Biskopicy přewjedźe sobotu, 14. oktobra, štwórty raz běhanske wubědźowanje Schiebock běha ekstremnje 4.0. Kołočara powjedźe přez stadion Wesenitzpark do měšćanskeho lěsa a zaso wróćo. Na distancy štyrjoch kilometrow dyrbja wobdźělnicy tež zadźěwki přewinyć. Hłowny běh na 8 km startuja w Biskopicach w 14.45 hodź., wurisani za dorost w 13.30 hodź. (0,9 km) a w 14 hodź (4 km).
Volleyballowe dypkowe hry
30.9. 14:00 Viktoria Worklecy (žony) – VV Žitawa 09 III
– CVJM Zhorjelc
Kónctydźenska kopańca
30.9. 13:30 Budissa Budyšin
– Berlinski AK
Wrotar dobyće zawěsćił
Drježdźanski SC
– SJ Chrósćicy 0:1 (0:1)
Zestawa hosći: Králíček – Pöpel, Schulze (67. Dórnik), Cyž, Hrdlitschka, Sentiwan, M. Zahrodnik, Teichmann (58. F. Zahrodnik), Runt (88. Młynk), Věchet, Němec
Tale hra pola němskeho koparskeho mištra z lěta 1943 a 1944 w Drježdźanach drje wostanje přiwisnikam Chróšćanskeje SJ wosebje w pomjatku.
Duel běše wot wšeho spočatka sem chětro pomały. Wobě mustwje koncentrowaštej so primarnje na organizowanu defensiwu. Prěnja stoprocentna móžnosć nasta, jako dótkny so hrajer domjacych w šěsnatce z ruku bula. A postajenu jědnatku Radim Věchet za Chróšćanow suwerenje přetwori (20.). Po dwuboju w jědnatce kopny Fabian Pöpel njetrjebawši wotzady nadběhowarja. Druhu jědnatku hry wrotar Petr Králíček wotwobara, tak zo steješe dale 1:0 za hosći.
Šulerjo SGB na běhu z wutrobu sylnje angažowani
Na lětušim Budyskim běhu z wutrobu je so wjace hač 2 000 šulerjow a wučerjow wobdźěliło. Zhromadnje naběhachu na Budyskej Młynkec łuce nimale 26 000 eurow za dobry zaměr.
Mjeztym hižo 13. Budyski běh z wutrobu we hłownej organizaciji Ludoweje banki Budyšin wotmě so minjeny pjatk w stadionje Budyskeje Młynkec łuki. Dokelž na tradicionalnym městnje před Schillerowym gymnazijom twarja, startowachu běharjo z Budyskich gymnazijow kaž tež Wjelećanskeho a Biskopičanskeho gymnazija a powołanskeje šule za hospodarstwo a techniku Budyšin na nowym terenje. Sportowcy zmištrowachu wulkotne 13 636 kołow, kóžde něhdźe 600 metrow dołhe. Teamy wobstejachu stajnje z třoch běharjow, kotřiž so wotměnjejo jednu hodźinu za dobry zaměr angažowachu. Naběhanu sumu 25 959,84 eurow přewostaja lětsa towarstwu Regenbogen e.V. z Biskopic.
Finalny běh wo dumperowe mišterstwa
Hižo dlěši čas je jasne, zo budu so serbscy a němscy dumperowi sportowcy 1. oktobra wot 14 hodź. w Hórkach na něhdyšim twjerdym kopanišću wubědźować. „Płonina w Lejnje, na kotrejž smy so prěnje lěta wubědźowali, njeje hižo k dispoziciji. Po někotrych wubědźowanjach w Baćonju pola Donatec chcemy so skónčnje zaso raz w zelenym wubědźować“, powěda Křesćan Kral z Lejnanskeho dumperoweho kluba.
Po kopańcy a konjacym sporće je to nětko třeća sportowa družina, kotruž lětsa w Hórkach pokazaja. Lejnjanske mustwo natwari nětko finalny, wosebje za spěšne dumpery wupołoženy parcours.
W cyłkownym hódnoćenju jednotliwcow nawjeduje amtěrowacy němski dumperowy mišter Filip Kral z Róžanta z wosom dypkami předskoka před Markusom Donatom z Lejna a Thomasom Neumannom ze Skaupa. Wobaj mataj 64 dypkow. Tež w mustwowym hódnoćenju ma Lejnjanski cyłk dobre šansy, so z mištrom sezony 2017 stać. Wón nawjeduje ze štyrjomi dypkami předskoka před Wubědźowanskim teamom Adelsdorf/Quersa.
W spěšnej hrě poraženy
SJ Njebjelčicy
– HZ Łaz/Běły Chołmc 1:0 (1:0)
Zestawa domjacych: Hahn – Čornak (79. Domš), Hanuza, Deleńk, Hrjehor, Ričel, Pawlik, Hommel, Schulze, Dubaw, Korjeńk (90. Šram)
Wysoka wonkowna poražka
BFC Dynamo
– FSV Budissa Budyšin 5:0 (2:0)
Zestawa hosći: Ebersbach – Barnickel, Hoßmang, Patka, Krawčik, Milde (55. Gehrmann), Weiß (83. Hänsch), Pfanne, Schmidt, Bönisch, Mack (79. Müller)
Po naposledk dobrych wuslědkach podachu so koparjo Budissy do Berlina, zo bychu tam přećiwo druhemu tabulki BFC Dynamo nastupili. To wšak bě ćežki nadawk. Po małymaj móžnosćomaj za Jonasa Macka (4.) a Kevina Bönischa (8.) přewzachu domjacy ceptar před 1 633 přihladowarjemi. Budissa dyrbješe so wonkowneju škitarjow Seppa Kunzy a Tobiasa Heppnera wzdać. Na wrota Maika Ebersbacha přećiwnik nastajnosći třěleše. Hač do połčasa dyrbješe wón dwoje wrota Rufata Dadashova přijimać (13., 21.), njeměješe žanu šansu wotwobaranja. Dynamo bě z mjezywuslědkom spokojom.
W druhim połčasu so hosćo nadźijachu, zo móža snano 2:1 třělić. Město toho pak přińdźechu pod kolesa. Dwójny dyr zniči wšitke nadźije Budissy. Matthias Steinborn (49.) a Joey Breitfeld (51.) zwyšištaj na 4:0. Nanajpozdźišo z třećimi wrotami Dadashova (60.) k 5:0 bě hra doskónčnje rozsudźena. Tajku jasnu poražku drje njeběchu wočakowali. Přesłapjenje bě chětro wulke.
