Čórlich Blackbird-run dobył
Njedźelu wotmě so w Hózku pola Kulowa třeći raz tak mjenowany Blackbird-run, běh přez zadźěwki. 308 běharkow a běharjow, dwójce telko kaž na premjerje před lětomaj, poda so na naročnu čaru. Zdźěla směšny kostim zdrasćeni dračowachu so sportowče a sportowcy přez błóto a krosnowachu přez dohromady 15 zadźěwkow. Mjez nimi běchu připrawy, kaž na přikład pyramida ze synowych walčkow, najwšelakoriše tunle, eskaladěrowanske sćěny abo tež konstrukcije, kotrež so při dótknjenju z milinowymi storkom pochłostachu. Šěsć kilometrow dołha čara, kotraž dyrbješe so dwójce absolwować, seklowaše so přez łuki a lěsy kołowokoło wsy nad Čornym Halštrowom. Najstarši wobdźělnik běše 59lětny Kurt Schnabel z Kulowa. Po dwanaćekilometrowskej dračinje doběža 27lětny Jakub Čórlich z Němcow jako prěni do cila. Wón porazy zakitowarja titula Jonasa Čornaka z Koćiny wo nimale pjeć mjeńšin. Najspěšniša žona bě Theresa Lützendorf, najspěšniša Serbowka Kulowčanka Thea Čórlichec.
Widźał,słyšał, napisał (05.09.17)
Awtor dźensa
Jurij Bjeńš
Kak fulminantny a emocionalny móže sport być, sym w minjenymaj měsacomaj dwójce na ekstremne wašnje nazhonił. Rěču wo dwěmaj finalnymaj hromaj, w kotrymajž dožiwich stajnje w poslednjej sekundźe raz wulke wjeselo a raz wulku zrudobu.
Radworčenjo na čole
Pokalne hry wulosowane
Zapadołužiski koparski zwjazk je dalše hry za wokrjesne pokalne koło wulosował, kotrež budźe 9./10. septembra.
Natwar Němske Pazlicy II
– SZ Wóslink/Skaskow
FST Łuty – ST Drohotka Ramnow
ST Mały Wjelkow – ST Wulka Dubrawa
Bartske ST – ST Lubuš II
Bartske ST II – Póst Germania Budyšin
Zeleno-běli Sepicy II
– ST Traktor Malešecy
HZ Lomnitz/Großnaundorf
– ST Haselbachtal
ST Budissa Budyšink
– ST Marijina hwězda
Módro-běli Njeswačidło II
– ST Nadrózna Hrabowka
SZ Wjelećin II – ST Budyšin II
SZ Łaz/Běły Chołmc – SZ Großnaundorf
SZ Drjewnica – KT Ottendorf-Okrilla
Hlinowski SC – ST Wachau
HZ Łaz/Běły Chołmc II – SJ Chrósćicy II
HZ Minakał/Wulka Dubrawa/Radwor
– SZ Steinigtwolmsdorf
Arnsdorfske KT
– ST Horni kraj Sprjewja II
TSV Połčnica II – HZ Hórnikečanski jězor
Módro-běli Kulow – SC Mały Wosyk
HZ Bretnig-Hauswalde/Ramnow
– KT Concordia Załom
HZ Kubšicy/Bukecy
– Biskopičanske KT 08 II
Arnsdorfske KT II
– FSV Bretnig-Hauswalde
ST Hnašecy-Dobruša II
– Postup Großharthau
Módro-běli Njeswačidło – ST Wachau II
ST Natwar Němske Pazlicy – ST Lubuš
Faworitej so kłonić dyrbjeli
Sokoł Ralbicy/Hórki
– BSC Freiberg 0:4 (0:1)
Zestawa domjacych: Ch. Gloxyn – Rawš, Korjeńk, Zynda, Šewc, Matka, Šołta (89. Kobalc), D. Gloxyn, Janca, Kurjat (68. Čórlich), Domaška
Wuslědki (05.09.17)
Wokrjesna wyša koparska liga
Rakečanske ST – Bukecy 7:1 (1:0)
Großröhrsdorf – Ramnow 3:0 (1:0)
Kumwałd – Großnaundorf 0:3 (0:0)
Germania Budyšin – Hory 1:2 (0:2)
Wojerowski FC – Kulow 3:0 (0:0)
Radwor – Wjelećin6:3 (3:2)
Kinspork/Łužnica – Hnašecy-Do. 2:0 (0:0)
1. SC Großröhrsdorf 4 7 : 0 12
2. Módro-běli Kulow 4 17 : 3 9
3. ST Radwor 4 15 : 8 9
4. Wojerowski FC 4 8 : 8 9
5. Rakečanske ST 4 13 : 7 7
6. ST Kinspork/Łužnica 4 8 : 7 7
7. LSV Hory 4 10 : 10 6
8. SG Großnaundorf 4 5 : 6 6
9. ST Wjelećin 4 8 : 11 6
10. Sokoł Ralbicy/Hórki 3 4 : 2 4
11. ST Hnašecy-Dobruša 4 5 : 6 4
12. Drohotka Ramnow 4 6 : 9 4
13. Motor Kumwałd 4 4 : 9 4
14. Póst Germania Budyšin 4 3 : 6 1
15. Zeleno-běli Bukecy 4 4 : 14 1
16. ST Budyšin 3 0 : 11 0
Denny Kral w Meuselwitzu jara spokojom
Hakle w lětnjej přestawce je Denny Kral wot FC Hornjeje Łužicy Neugersdorf k ZFC Meuselwitzej šoł. Po wšěm zdaću pak ma w škiće Zipsendorfskich koparjow hižo krute městno. Georg Zielonkowski je so ze 26lětnym, kiž bě tež wjacore lěta aktiwny hrajer Budissy Budyšin rozmołwjał.
Dennyjo, nimale by Twoje nowe mustwo w partiji 27. awgusta pola načolnika regionalneje ligi-sewjerowuchod, FC Energije Choćebuz, wulki wuwołak sadźiło. Čehodla sće hakle w druhim połčasu ofensiwnišo hrali?
D. Kral: Ličachmy z tym, zo budu Choćebuženjo z wotmachom hrać. Tohodla chcychmy najprjedy swoje wrota škitać. To je so nam tež poradźiło. Dokelž je z našeho wida jenož 0:1 stało, smy pozdźišo tola spytali hišće raz trjechić. Byrnjež to njefungowało, smy z wukonom spokojom.
Po tym zo sy lěto w Neugersdorfje kopački šnórował, sy nětko w lěću do Meuselwitza šoł. Čehodla?
Wjace hač dypk wšak móžny był
HZ Hórnikecy
– SJ Njebjelčicy 1:1 (1:0)
Zestawa hosći: Hahn – Čornak, Hanuza, Deleńk, Hoelzel, Kral, Lejnart, Haška (82. Domš), Tatzel (46. Hommel), Schulze, Korjeńk
Znowa nastupichu Njebjelčanscy koparjo přećiwo jim dotal njeznatemu cyłkej wokrjesneje ligi-stafle II. Hórnikečanski trawnik pak je tomu abo tamnemu, kiž wojowaše před lětami tam we wobwodnej klasy, w pomjatku wostał. Bě runje tak špatny kaž tehdy.
Sport (01.09.17)
Marijine hwězdźički startuja
Za prěnje volleyballowe mustwo Marijinych hwězdźičkow započnje so nowa hrajna doba sobotu z pokalnymaj hromaj w prěnim kole wo wobwodny pokal. Wot 14 hodź. wočakuja Pančičanki doma mustwje Módro-běłe Wojerecy a TSC Kundraćicy. Žony Viktorije Worklecy hraja w samsnym času w Niederoderwitzu přećiwo ST Oberoderwitzej a CVJM Zhorjelcej. Mužojo Viktorije nastupja na samsnym městnje přećiwo OSSV Kamjencej a ST Oberoderwitzej.
Dwacete cityjowe běhi
W Złym Komorowje přewjedu njedźelu 20. Złokomorowske běhi, a to wot ranja w dźewjećich. Čara budźe płona, za to pak chětro křiwicata. Běhi powjedu po starym měsće, torhošću a hrodowym parku.
Za Powerserba so přizjewić
Lětuše lóštne sportowe wubědźowanje Powerserb budźe 9. septembra wot 13 hodź. w Kopšinje. Wuhotować budźe je Traktor Kopšin. Z młodźinskim towarstwom Pawk su so traktorisća na wosom stacijow dojednali. Startowy pjenjez na mustwo wučinja 10 eurow a wone ma z pjeć hólcow a jedneje holcy wobstać. Přizjewjenja su móžne na Facebooku pod Flex Wokx.
Kóncytydźenska kopańca
Na druhi WORKWUB
Lětsa přewjedu na sportnišću we Worklecach 2. WORKlečanske WUBědźowanje. Sportowe towarstwo Viktoria Worklecy a młode swójby ze wsy přeprošeja wobydlerjow kaž tež dalšich zajimowanych sportowcow z wjesnych dźělow Worklečanskeje gmejny, 9. septembra, na sportowe popołdnjo. W 14.30 hodź. započnu so dźěćace wubědźowanja, w 16.30 hodź. swójbne staflowe běhi. Team dyrbi z muža, žony, dźěsća a jokera wobstać. Premiju dóstanjetej tež zaso najlěpši kostim a najoriginelniši staflowy kij. Přizjewjenja su hač do 5. septembra pola Christiny Hozyneje pod čisłom 035796/94 408 móžne.
Lětuše moto rěka: „Čiń sobu, čiń kaž tamni, čiń lěpje.“ SN
