Semester zahajeny

wutora, 15. septembera 2020 spisane wot:

Wojerecy (SN). Na Wojerowskej ludowej uniwersiće su nowy semester ze zajimawymi kursami zahajili. Wosebje woblubowane je tuchwilu nimo nawuknjenja wšelakich rěčow tema zdźědźenske prawo a kak testament pisać. Mnozy wuměnkarjo so za zakładnu wědu wobchadźenja z kompjuterom zajimuja, a fitnesowe kursy su dale jara požadane. Aktualne programowe zešiwki dóstanjeće mjez druhim w bibliotece Brigitty Reimann, we Łužiskim centeru, při kasy zwěrjenca a wězo na ludowej uniwersiće.

Kupjel zaso přistupna

Budyšin (SN). Pod krutymi postajenjemi hygieny korony dla je Budyska Röhrscheidtowa kupjel zaso přistupna. Tež šulerske płuwanje je zaso móžne. Ličba wopytowarjow w kupjeli je za zjawne płuwanje na 124 wobmjezowana. Hač k předrasćernjam je škitny nahubnik trěbny. Parna komora wostanje zawrjena.

Komora wotewrjena

Na kermušny nyšpor

pjatk, 11. septembera 2020 spisane wot:

Budyšin. Njedźelu, 13. septembra, w 17 hodź. wotměje so w Budyskej cyrkwi ­Našeje lubeje knjenje swjatočny dwurěčny kermušny nyšpor. Magdalena Römhild z Weimara na huslach, Budyšan ­Friedemann Böhme na pišćelach kaž tež spěwarjej Magdalena Kircheis (sopran) a Christian Lutz (tenor) z Drježdźan na nim sobu skutkuja. Wšitcy su witani.

Za wustajeńcu so přizjewić

Budyšin. Wosebita wustajeńca „Barby daliny – Moler Ante Trstenjak a Łužiscy Serbja“ budźe za zjawnosć na dnju wotewrjenja njedźelu, 20. septembra, wot 17.30 do 19 hodź. přistupna. Budyski Serbski muzej prosy wo přizjewjenje pod telefonowym čisłom 03591/ 270 8700 za wopyt wustajeńcy w časach 17.30, 18 abo 18.30 hodź. Ličba wosobow na skupinu je na 20 wobmjezowana. Zastup je darmotny.

Dopominaja na njeskutki

štwórtk, 10. septembera 2020 spisane wot:

Wojerecy. „Zabyte wopory NS-eutanazije“ rěka nowa wosebita wustajeńca, kotraž je tuchwilu we Wojerowskim měšćanskim muzeju na hrodźe widźeć. Pućowanska přehladka wopomnišća Pirna-Sonnenschein dopomina na 21 němsko- a pólskorěčnych taflach na wosudy wjace hač 2 500 ludźi, kotřiž stachu so w lětach 1940 do 1945 z woporom nacionalsocialistow. Zbrašenja abo psychiskeje chorosće dla płaćachu woni tehdy jako „žiwjenjanjehódni“. Jeničce w Pirnje su wjace hač 1 500 ludźi systematisce zamordo­wali. Wustajeńca wěnuje so tohorunja njekonsekwentnemu juristiskemu přesćěhanju mjenowanych złóstnistwow po Druhej swětowej wójnje.

Serenada w zelenym

Předstaja wosebitu knihu

srjeda, 09. septembera 2020 spisane wot:
Budyšin. We wobłuku 31. Budyskeho foruma Friedricha Ebertoweje załožby předstaja jutře, štwórtk, w 19 hodź. w Budyskim wopomnišću na Mättigowej knihu „Lěto 1990 wotkryć“. Mjeztym zo maja mnozy lěto padnjenja murje 1989 hišće derje w pomjatku, su so wulke politiske změny hakle 1990 wotměli. Wšědny dźeń wobydlerjow NDR je so masiwnje změnił. Kniha Jana Wenzela „Lěto 1990 wotkryć“ tele změny z wobrazami a tekstami dokumentuje. Zapřijate su mjez druhim fota Jürgena Maćija. Zastup je darmotny. Wopomnišćo je jutře wot 10 hodź. cyły dźeń přistupne.

Dar płuwanskemu towarstwu

wutora, 08. septembera 2020 spisane wot:

Budyšin. Frakcija AfD Budyskeho wo­krjesneho sejmika je Wuchodosakskemu płuwanskemu towarstwu 1 700 eurow přewostajiła. Pjenježny dar zezběrali su z posedźenskich popłatkow čłonow frakcije w zwisku z wurjadnym posedźenjom sejmika nowotwara Kamjenskeje płuwarnje dla.

Předstaji pišćelowu knihu

Budyšin. Přichodny Kofej w třoch w Budyskim Serbskim muzeju budźe srjedu, 9. septembra, w 15 hodź. Tónraz steji rukopisna pišćelowa kniha „Spěwawa ­Jězußowa Wincza“ z pjera Michała Jana Wałdy (1721–1794) w srjedźišću. Referent budźe Alexander Pólk. Zajimcy njech ­přizjewja so pod telefonowym čisłom 03591/270 870 0.

Finisaža dźěłarnički

pjatk, 04. septembera 2020 spisane wot:

Miłoćicy. Z předfinisažu jutře, sobotu, wot 17 hodź. a z finisažu njedźelu wot 10 hodź. skónči so 14. mjezynarodna rězbarska dźěłarnička při Miłočanskej skale. Tam móža sej zajimcy na woběmaj dnjomaj wobhladać, što je šěsć wuměłcow minjeny čas stworiło. K tomu poskića hudźbu, akcije za dźěći a dalše programowe dypki. Tež wo ćělne derjeměće wopytowarjow budźe postarane.

Koncertujetaj na dworje

Budyšin. Gitarist Tim McMillan a wiolinistka Rachel Snow koncertujetaj jutře wot 20 hodź. na dworje Budyskeho Kamjentneho domu. Wonaj předstajitaj njewšědny miks stilow kaž celtic rock, folk, metal a jazz. Při wječornej kasy płaći zastup sydom eurow. Hdyž so dešćuje, budźe koncert na žurli Kamjentneho ­domu.

Na kermušny kofej

Kupjel zaso wočinjena

štwórtk, 03. septembera 2020 spisane wot:
Budyšin. Po dlěšej a zdźěla nanuzowanej přestawce je wot spočatka tydźenja Röhrscheidtowa kupjel w Budyskej Strowotnej studni zaso wočinjena. Po tym zo je strowotniski zarjad hygienowy koncept schwalił, je w kupjeli nětko zaso zjawne płuwanje dowolene. Šulske płuwanje pak je organizatoriskich přičin dla hakle wot přichodneje póndźele móžne. Wopytowarjo dyrbja so na někotre wobmjezowanja nastajić. Tak je jich ličba při zjawnym płuwanju na 124 wobmjezowana. Wotměje-li so runje šulske płuwanje, pomjeńši so ličba wotpowědnje wobdźělenym šulerjam. Hač k předrasćerni je za wšěch škitny nahubnik trěbny. Płaćizny wostanu samsne kaž dotal.

Na kermušny kofej

srjeda, 02. septembera 2020 spisane wot:
Čorny Chołmc. Na zabawne zarjado­wanje wosebiteho razu přeprošatej Domowinska župa Delnja Łužica a Złokomorowska Domowinska skupina za njedźelu, 6. septembra, do Čornochołm­čanskeho Krabatoweho młyna. Tam wotměje so wot 15 hodź. kermušny kulturny kofej. K tomu přeprosyli su sej ­hercow Złokomorowskeje přazy kaž tež swing-kapału Kula Bula, kotraž tež serbske kruchi hudźi. K zabawje porjedźeja kofej a tykanc.

Kotre słodźi najlěpje?

póndźela, 31. awgusta 2020 spisane wot:

Miłoćicy. We wobłuku Interreg-projekta „Kubłanje k zachowanju starych sadowcowych družin w namjeznym regionje“ wotměje so sobotu, 5. septembra, wot 14 hodź. wosebite zarjadowanje při Miłočanskej skale. Tam móža wopytowarjo stare družiny jabłukow woptać a nadrobnosće wo nich zhonić. Předewšěm póńdźe wo zažne družiny. Na dalšim zarja­dowanju 3. oktobra wot 10 hodź. steja potom srjedźozažne družiny w srjedźišću. Štóž chcyše stajnje hižo raz wědźeć, kak jeho stara jabłučina na zahrodźe popra­wom rěka, njech přinjese někotre płody sobu a da wot fachowcow zwěsćić, wo kotru družinu so jedna. Wopyt zarjadowanja je darmotny.

Druhich wuchować wuknyć

Kedźbu, gymnaziasća!

pjatk, 28. awgusta 2020 spisane wot:

Budyšin. Přijězd šulerjow do internata Budyskeho Serbskeho gymnazija budźe njedźelu, 30. awgusta, wot 17.30 do 21 hodź. móžny. Kaž internatny team zdźěli, smědźa wšitkich přizjewjenych šulerjow, tež nowačkow, w internaće přiwzać. Nadrob­niše informacije nadeńdu šulerjo na internetnych stronach Serbskeho gym­nazija abo internetnje pod www.lernsax.de.

Porěča wo planach

Budyšin. Na spočatku noweho šulskeho lěta 2020/2021 přeprošuje Budyska wo­krjesna hudźbna šula šulerjow a staršich na rozmołwu wo hodźinskich planach. Lětsa wotměje so tale jeničce telefonisce. Wučerjo so póndźelu, 31. awgusta, resp. wutoru, 1. septembra, pola swojich šu­lerjow přizjewja. Časy za teoriju, ansamble a chóry budu potom na internetnej stronje www.kreismusikschule-bautzen.de wozjewjene. Na woběmaj dnjomaj poskićuja poradźowanje tež online.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND