Na jězbu njezabyć

pjatk, 06. septembera 2019 spisane wot:

Pančicy-Kukow. Čłonojo Domowinskeje skupiny Pančicy-Kukow a dalši přizjewjeni njech njezabudu na skupinsku jězbu jutře, sobotu, do Prahi. Bus wotjědźe w 7 hodź. wot busoweho zastanišća při šuli.

Běhaja po měsće

Budyšin. 26. Budyskeho měšćanskeho běha dla dóńdźe jutře, sobotu, w sprjewinym měsće k wobchadnym poćežowanjam. Start a cil budźetej před Serbskim domom na Póstowym naměsće, kotrež je wot 7 do 18 hodź. zawrjene. Tam tež žane parkowanske městna njejsu. Za­wrjene budu w mjenowanym času tohorunja Mukowa a Walska kaž tež zdźěla Sukelnska, Róžowa a Weigangowa.

Pokazaja zajimawostki

Podobneje předawarnje njebyło

štwórtk, 05. septembera 2019 spisane wot:

Něhdy bě w nimale kóždej wsy nakupowanišćo, hdźež poskićachu twory wšědneje potrjeby. Runočasnje běchu to socialne centrumy, hdźež so wjesnjenjo rady k bjesadźe zetkawachu. W našej lětnjej seriji na něhdyše wjesne wob­chody dopominamy.

Dźensa: Radwor (20/kónc)


Hdyž rozhladuješ so dźensa w Radworju z jeho něhdźe 700 wobydlerjemi za wobchodom z tworami wšědneje potrjeby, to žane zbožo nimaš. Runje tak kaž we Worklecach, w Chrósćicach a druhdźe njemóža tež Radworčenjo w swojej wsy nakupować. W Młynskich chěžach bydlaca 94lětna Marja Wudyjowa, kotraž bě wot 1964 do 1976 zastupowaca wjesnjanostka Radworja, powěda, zo mějachu tam za čas jeje dźěćatstwa třoch pjekarjow. Mjeztym zo ludźo w Rječkec a Kubańkec pjekarni chlěb a całty kupowachu, mějachu w Bělkec pjekarni nimo toho wobšěrny poskitk kolonialnych tworow. Tež po Druhej swětowej wójnje je so tam Franc Čornak hišće dlěši čas wo dobry poskitk za zastaranje ludnosće starał. „Tam sy wšo dóstał, štož sy trjebał. Hač drjewjancy, kisykał abo jerje, hač piwo abo nowy kofejowy serwij“, so duchownje hibićiwa Marja Wudyjowa dopomina.

Předawarnje zbližił

štwórtk, 05. septembera 2019 spisane wot:
Z přinoškom wo bywšimaj předawarnjomaj w Radworju dźensa na 4. stronje swoju lětnju seriju wo něhdyšich wjesnych předawarnjach zakónčamy. W 20 artiklach je nam swobodny awtor Alfons Handrik znazornił, hdźe běchu w Židźinom, Běłym Chołmcu, Ralbicach a dru­hdźe twory wšědneje potrjeby poskićeli, štó je tam předawaše, pod kotrymi wobstejnosćemi wobchody wjedźechu a je zwjetša zawrěchu. Na konsumowe znamki a přidźělene twory za čas NDR so sam hišće dopominam. Zo pak su na přikład w Rakecach pjeć měsacow do politiskeho přewróta nowu předawarnju wotewrěli abo zo dyrbjachu w Róžeńće něhdy pincu za nowu předawarnju z ruku ryć, bě mi nowe. To je awtor w njeličomnych rozmołwach wuslědźił a sej za to zdźěla wjacekróć na wěste městno dojěć dyrbjał. Tak njeje čitarstwu jenož tójšto zajimawych faktow zbližił, ale redakciji SN w lětnim času tež dźěło wolóžił. Marian Wjeńka

Wobydlerjo Němcow, ale tež wšitcy ći, kotřiž minjene měsacy nadróžneho twarnišća dla přez wjes jězdźić njemóžachu, su so načakali.­ Kaž město Wojerecy zdźěli, chcedźa přichodnu srjedu, 11. septembra, popołdnju ponowjenu statnu dróhu S 95 přepodać. 1,1 kilometer dołhi wotrězk je dźewjeć tydźenjow prjedy hotowy hač planowane. Foto: Ulrike Herzger

Salow bjez předstejićerja

štwórtk, 05. septembera 2019 spisane wot:

Nowowuzwolena Kulowska měšćanska rada so skonstituowała

Kulow (AK/SN). Z 15 radźićelemi startuje 26. meje wuzwolena Kulowska měšćanska rada do wólbneje doby 2019–2024. To je jedne městno mjenje hač dotal. Přičina je, zo bě AfD při wólbach dosć hłosow za dwě městnje dóstała. Dokelž pak měješe jenož jednoho kandidata, wostanje jedne městno njewobsadźene. „Nadźijam so, zo wšitcy derje hromadźe dźěłamy“, rjekny wčera měšćanosta Markus Posch (CDU). Za prěnjeho zastupowaceho měšćanostu wuzwolichu Georga Szczepanskeho (CDU). Salowčan wot lěta 1994 parlamentej přisłuša a je wot 2009 zastupowacy měšćanosta. Druha zastupowaca měšćanostka je Kulowčanka Birgit Bjeńšowa (Powšitkowne wobydlerske zastupnistwo/ABV), kotraž prěni raz radźe přisłuša.

Nimale 6 000 ludźi filmy widźało

štwórtk, 05. septembera 2019 spisane wot:

Čorny Chołmc (SN). Lětuše filmowe nocy w Čornochołmčanskim Krabatowym młynje běchu po słowach jeho jednaćela Tobiasa Čižika jara wuspěšne. Po 17 wječorach w awgusće pokazachu tam filmowe klasikarje, tak mjenowane blockbustery z Hollywooda kaž tež žadnostki. Dohromady witachu 5 920 wopytowarjow, potajkim přerěznje 350 na wječoru. Woblubowane filmy kaž „A star is born“, „Der Junge muss an die frische Luft“ abo „Bohemian Rhapsody“ přiwabichu 600 do 700 ludźi. Na w regionje wjerćany film DEFA „... verdammt, ich bin erwachsen“ a na Łužisku nóc krótkofilmow porno tomu ani sto zajimcow přišło njeje.

Tobias Čižik je přiwšěm z cyłkownym wothłosom jara spokojom a chce tež klětu filmowe nocy přewjesć. Potom budźe znowa jednaćel Drježdźanskich filmowych nocow při Łobju Matthias Pfitzner pódla. Wón bě wo kulisy Čornochołmčanskeho Krabatoweho młyna runje tak zahorjeny kaž wo angažemenće wšitkich pomocnikow. Klětu chcedźa dobru měšeńcu woblubowanych a wuměłsce naročnych filmow wobchować. Při tym njeń­dźe jenož wo prawje wjele wopytowarjow, ale wo filmisku mnohotnosć.

Lkw kolesowarja sobu wlekł

štwórtk, 05. septembera 2019 spisane wot:
Ćežke wobchadne njezbožo je so wčera popołdnju na Lubijskej w Budyšinje stało. Jako­ wodźer nakładneho awta z busoweho zastanišća na puć wujědźe, přewidźa wón kolesowarja. Wjacore tony ćežke jězdźidło muža něšto metrow sobu wlečeše a jeho při tym ćežko zrani. Nuzowy lěkar třištwórć hodźiny wo žiwjenje muža wojowaše, prjedy hač móžachu jeho do chorownje dowjezć. Foto: Jens Kaczmarek

Krótkopowěsće (05.09.19)

štwórtk, 05. septembera 2019 spisane wot:

Społnomócnjeny powołany

Budyšin. Załožba za serbski lud je Měrka Šenka za społnomócnjeneho za digitalizaciju powołała. To zdźěli dźensa sobudźěłaćerka załožby Marija Šimanowa. 41lětny poradźowar za IT-procesy a digitalne projekty z Drježdźan je dźensa hač do kónca lěta 2020 płaćiwe zrěčenje podpisał. K jeho prěnim nadawkam słuša přihot digitalneje konferency dnja 29. nowembra 2019 w Budyšinje.

Pytaja noweho přirjadnika

Wojerecy. Město Wojerecy pyta noweho přirjadnika wyšeho měšćanosty. Zastojnstwo chcedźa spočatk februara znowa wobsadźić, zdźěla město na swojej internetnej stronje. Dotalny přirjadnik-měšćanosta Thomas Delling poda so na wuměnk. 67lětny diplomowy matematikar bu 2001 do zastojnstwa powołany. Přirjadnika powołuje měšćanska rada na dobu sydom lět.

Skórnik kontra klawěry

Policija (05.09.19)

štwórtk, 05. septembera 2019 spisane wot:

Awtomaty manipulowane byli

Budyšin. W Budyskim a Zhorjelskim wokrjesu bu policiji spočatk tydźenja dohromady wosom padow manipulowanych pjenježnych awtomatow přizjewjenych, zwjetša w Budyskim regionje. Skućićeljo běchu je tak přetwarili, zo so pjenjezy­ z awtomata najprjedy raz njewusunu, tak zo móža sej je pozdźišo hrabnyć. Na zbožo so jim žadyn znaty pad zešlachćił njebě. Policija prosy, při wotzběhnjenju pjenjez jara kedźbować.

Towarstwo staršich za cyłu Łužicu(9)

srjeda, 04. septembera 2019 spisane wot:

Štó a što tči za serbskimi projektami, kotrež su we wobłuku wubědźowanja Sakskeho fondsa „Čiń sobu!“ mytowali? W lětušim lětnim serialu Serbskich Nowin­ wam projekty předstajamy.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND