Trjebin (AK/SN). Wopomjatny kamjeń z informaciskej tafličku njedaloko Trjebinskeje (Trebendorf) rododendronoweje doliny hódnoći nětko bywšeho wjelelětneho rewěroweho lěsnika Fritza Nowuscha. To podšmórny wjesnjanosta Waldemar Locke (CDU) na zašłym posedźenju gmejnskeje rady Trjebin.

Adwentna přehladka hižo wabi

wutora, 05. nowembera 2019 spisane wot:
We wobłuku Budyskeho wječora Romantica su mnozy zajimcy składnosć wužiwali a sej w „Manuelinym raju kwětow“ runje wotewrjenu lětušu adwentnu přehladku wobhladali. Hač do patoržicy je wona na třoch poschodach přistupna. Wosebite ćeži­šćo twori třeći poschod, hdźež wuhladaš hodownje stykane hałžki, deko-objekty, bože narodki z Italskeje a kurjački z Rudnych horin. Mějićelka Manuela Eckert je po swój­skich słowach lětsa 20. wustajeńcu přihotowała. W twarjenju při Bohatej wěži­ ma wona swój wobchod, kotryž wobsteji klětu 25 lět. Foto: SN/Hanka Šěnec

Nazymske wožiwjenje

wutora, 05. nowembera 2019 spisane wot:

W Hornjej Łužicy bě w oktobrje 16 078 ludźi bjez dźěła. To je 210 mjenje hač minjeny měsac a 1 784 mjenje hač loni w samsnym času. Šef Budyskeje agentury za dźěło Thomas Berndt rěčeše wo nazymskim wožiwjenju na dźěłowych wikach, kotrež je tež hišće „zlochka přećiwo trendej“ w aktualnym konjunkturnym woprašowanju.

Budyšin (CK/SN). Při kwoće bjezdźěł­no­sće třoch procentow w Kamjenskim regionje móža samo wo połnodźěle rěčeć. To zaleži na bliskosći k Drježdźanam a na nowozasydlenju firmow kaž Deutsche Accumotive z 1 800 dźěłaćerjemi. We Wojerecach wučinja kwota 6,6 a w Bě­łej­ Wodźe 7,0 procentow. Jenož w Zhorjelcu leži wona z 10,3 procentami w dwucyfrowym wobłuku. Při čimž su tež tam małe pomjeńšenje ličby bjezdźěłnych zregistrowali. Město drje je atraktiwne, tak zo wo­bydlerjo wokolnych gmejnow přićahuja, njeje pak dosć dźěłowych městnow, rjekny Thomas Berndt.

Poslednje dźěła do zymy

wutora, 05. nowembera 2019 spisane wot:
W Němcach su čłonojo wětrnikoweho towarstwa poslednje dźěła do zymy zmi­štrowali. Tak su mjez druhim do prěnjeho zmjerzka teren porjadnje wurjedźili. Byrnjež­ tam žane wulke štomy wjac njeměli, běchu tola dosć lisća nahrabali. Tež rost­liny a žiwy płót su přitřihali. Najwažniše dźěło pak bě wokřidła młyna wobar­bić, za čož su spěchowanje dóstali. Moler a čłon towarstwa Tomas Kollay je po­mocnikam róšty za trěbne dźěła we wysokosći přewostajił. Dźěło bě zdobom dobry zakład za přihoty na klětuši dźeń młynow. Foto: Achim Nowak

Krótkopowěsće (05.11.19)

wutora, 05. nowembera 2019 spisane wot:

Wo žiwjenju z industriju

Düren. Jürgen Maćij je z cyklusom wo wotbagrowanju serbskeje wsy Liškowka we wobłuku fotoweje wustajeńcy „Wo žiwjenju w industrijnych krajinach“ zastupjeny. Přehladka je hač do 16. februara 2020 w Leopolda Hoeschowym muzeju sewjerorynsko-westfalskeho města Düren widźeć. Hoeschowy muzej kooperuje z Braniborskim krajnym muzejom za mo­derne wuměłstwo w Choćebuzu.

Přeje sej sensibelnosć

Berlin. Spěwarka skupiny Silbermond Stefanie Kloß z Budyšina přeje sej 30 lět po přewróće sensibelny wobchad ze začućemi wobydlerjow na wuchodźe Němskeje. „To je błuzna, kotruž dyrbiš hla­dać, zas a zaso“, rjekny Kloß powěsćerni dpa. Biografije ludźi a swójbow su so změnili. Mnohim so po přewróće lěpje dźe, někotrym pak tež nic.

Wozydła pola Hentschke so palili

Policija (05.11.19)

wutora, 05. nowembera 2019 spisane wot:

Lochkomyslnosć k njezbožu wjedła

Prěčecy. Na statnej dróze S 100 mjez Prěče­cami a Lejnom je wčera wječor ně­hdźe w 21.30 hodź. lochkomyslnosće dla k njezbožu dóšło. Jako do směra na Kamjenc jěducy šofer Seata transporter a tež hišće Lkw přesćahny, zrazy wón w křiwicy do napřećo přijěduceho awta. Jeho šoferka so při zražce ćežko zrani, a dyrbjachu ju do chorownje dowjezć. Dokelž chcyše so zawinowar njezboža awtu žony hišće wuwinyć, prasny wón ze swojim Seatom tež hišće zboka do Lkw-ja. Statna dróha S 100 bě hač do poł­nocy dospoł­nje zawrjena.

Awto so dospołnje wupaliło

Ohorn. Wčera připołdnju je so na awtodróze A 4 mjez Połčnicu a Ohornom wo­so­bowe awto paliło. Šofer móžeše je hišće­ na pobóčnu čaru wodźić a wulězć. Byrnjež wohnjowa wobora spěšnje na městnje była a hašała, je so jězdźidło dospołnje wupaliło.

„Serbski rekwiem“

wutora, 05. nowembera 2019 spisane wot:

Ketlicy. Za předstajenje „Serbskeho rekwiema“ Korle Awgusta Kocora njedźelu, 10. nowembra, w 16 hodź. w Ketlicach móža sej zajimcy zastupne lisćiki kupić. Dóstanu je na Keltličanskej kaž tež na Lubij­skej ewangelskej farje, w Lubijskej měšćanskej informaciji a w tamnišim fachowym wobchodźe Kessner.

Seminar wo złu w bibliji

Smochćicy. Smochčanski Dom biskopa Bena přeproša na seminar pod hesłom „Biblija a ... zło“. Tón wotměje so wot pjatka do njedźele, 8. do 10. nowembra. Hłownje póńdźe pod nawodom referenta Ansgara Hoffmanna wo to, što Swjate pismo wo djabole, Luciferu a satanje podawa a zwotkel Boži přećiwnicy pochadźeja. Předznajomosće za seminar njejsu trěbne.

Kartki za schadźowanku

Budyšin. Wot dźensnišeho su zastupne lisćiki za lětušu schadźowanku na předań. Kupić móžeće sej je jeničce při kasy Němsko-Serbskeho ludoweho dźiwadła w Budyšinje. Jenož tam přiwozmu tež skazanki za blida za zabawu po pro­gramje. Schadźowanka budźe 23. nowembra znowa w NSLDź, lětsa pak tam telko městnow za blidami kaž loni nje­změja. K rejam budźe nowa projektowa kapała piskać.

Hnydom njewothłosowali

póndźela, 04. nowembera 2019 spisane wot:

Móst nad Sprjewju z parkowanišća na Schlie­benowej na Hród bě předmjet wobydlerskich naprašowanjow na posedźenju Budyskeje měšćanskeje rady. Radźićeljo su ze swojich rjadow tež zastupjerja wyšeho měšćanosty postajili.

Adwentny a hodowny čas so z wulkimi kročelemi bliži: To je wot dźensnišeho na Budyskim Hłownym torhošću před radnicu widźomne. Z pomocu krana su tam dopołdnja 14 metrow wysoki šmrěk stajili. Přichodne dny chcedźa jón z 80 Ochranowskimi hwězdami wupyšić. K zahajenju 636. Wjacławskich wikow 29. nowembra budu wone zaswěćene. Foto: SN/Hanka Šěnec

Błóta wuměłču inspiruja

póndźela, 04. nowembera 2019 spisane wot:

Nakupowanska nóc w Budyšinje tež ze serbskimi poskitkami

Budyšin (CS/SN). Nakupowanska nóc Romantica­ je lětsa znowa tysacy zajimcow pod hesłom „błyšć w bajkowym lěsu“ do sprjewineho města zwabiła. Tež serbske institucije su so wobdźělili. Serbski ludowy ansambl přeprošowaše z čitanjom Olafa Haisa wo worakawstwach Maksa a Morica, Budyski Serbski muzej poskići wodźeni po wustajeńcy „Sorbian Street Style“.

Z nimale hodźinskim programom předstaji so na žurli Serbskeho domu delnjołužiski chór Łužyca z Choćebuza na nazymskim koncerće něhdźe 50 zajimcam. Pod nawodom Lubiny Žurec-Pukačoweje zaklinčachu hornjo- a delnjoserbske kaž tež pěsnje našich słowjanskich susodow mjez druhim z Pólskeje, Čěskeje, Ukrainy a Chorwatskeje. Spěwali su samo w starosłowjanšćinje.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND